بوجيهات اللانوس

**mohsen** · 09-09-2009 10:00 AM

لو سمحتوا

هو ليه دايما البوجيهات ال NGK الى فيها مقاومة R والى بيوصى بيها المصنع (BPR6Es) والى تمنها فى حدود 40 جنيه أقل كفاء من الى من غير مقاومة والى تمنها 25 جنيه وهل فى مشكلة لو استخدمت الاخيرة

ولكم جزيل الشكر

**MMamdouh** · 09-09-2009 04:05 PM

مين قال انها اقل كفائة؟؟

MMamdouh

**MMamdouh** · 10-09-2009 03:59 AM

ايوة يعنى بتحس باية لما تركبها و بيبقى فارق عن البوجيهات التانية؟؟

MMamdouh

**mohsen** · 10-09-2009 10:39 AM

المشاركة الأصلية كتبت بواسطة mmamdouh

ايوة يعنى بتحس باية لما تركبها و بيبقى فارق عن البوجيهات التانية؟؟

mmamdouh

انا غيرت الطقم الجديد الى فيه مقاومة وطلعت الى من غير مقاومة الى بقاله 22 الف كم لقيت السحب قل وبقى فيه خشونة فى صوت الموتور قى نهاية كل غيار

رجعت الطقم القديم تانى العربية رجعت زى الاول - السحب كويس ونعومة فى صوت الموتور

**MMamdouh** · 10-09-2009 02:26 PM

المشاركة الأصلية كتبت بواسطة zocor742

هو صحيح يا محمد باشا البوجيهات الاسبريد فاير متنفعش للمكن بتاع الانوس والنوبيرا والمواتير المشابهة
وبتكون مناسبة لمواتير الجولف والهوندا والمواتير الرياضية الكبيرة

ازاى يا باشا؟؟ لو كدة مكنتش تلاقى مكتوب البارت نمبر بتاع البوجيهات المناسبة للدايو و الهيونداى على سايت سبلتفاير

انا سمعت الكلام دة من ميكانيكى قالى البوجيهات دى عفية على المكن دة
مع انى اعرف واحد صحبى حاتطهم بالسلوك بتاعتهم فى عربية لادا وجايبهم امريكانى

عفية ازاى يعنى؟؟؟ هى البوجيهات بتطلع طاقة من الهوا يعنى؟؟؟

البوجية شغلة يولد شرارة لحرق خليط الهوا و الوقود فى غرفة الحريق بالتالى هو شخصيا مبيطلعش طاقة عشان نقول انة عفى... الكلام دة تقولة على نايترس كيت او تربو مثلا... الحاجات اللى استخدامها بيولد قدرة حصانية زيادة بالفعل

وتفتكر لو الكلام دة غلط اية اللى يخلية يقول كدة

هو انت مش عايش فى مصر واللا ايه يا باشا؟؟؟... هو فيه مواطن مصرى بيقول "معرفش"؟؟؟

لازم طبعا يفتى و يقول اى هبل عشان يبان انه فاهم... المشكلة انة لما بيقع مع واحد فاهم بجد بيبقى شكلة وحش اوى

MMamdouh

**MMamdouh** · 10-09-2009 02:30 PM

المشاركة الأصلية كتبت بواسطة mohsen

انا غيرت الطقم الجديد الى فيه مقاومة وطلعت الى من غير مقاومة الى بقاله 22 الف كم لقيت السحب قل وبقى فيه خشونة فى صوت الموتور قى نهاية كل غيار

رجعت الطقم القديم تانى العربية رجعت زى الاول - السحب كويس ونعومة فى صوت الموتور

هل ممكن يكون السبب ان الطقم اللى بمقاومة كان مرطب؟؟؟

لاحظ ان معظم الناس بتجيب الطقم ابو 25 جنية فا السحب فليل على الطقم الاصلى و بالتالى احتمال انه يكون واخد رطوبة كبير

MMamdouh