بسم الله الرحمن الرحيم
طبعا انا عارف اني مزهقكم بكثرة اسألتي ولكن مليش حد غيركم بصراحة :)
دلوقتي انا ساكن في بيت جديد في مدينة الرحاب 2 !
وجاري طلب الإشتراك معايا في الإنترنت عشان مفيش خطوط تلفونات اصلا والخط اللي انا ركبته ده ركب عندي بمحض الصدفة !
انا عن نفسي مشترك في سرعة 512 وكانت بالنسبة ليا اكثر من رائعة !
لما اشترك معايا قررت ارفع السرعة لـ 1 mg عايز رأيكم هل السرعة تعتبر كفاية لمنزلين ! انا عارف انها مش بتتقاس كده وبتتقاس حسب طبيعة الإستخدام ولكن خلينا نقول انه المنزلين ملهمش في الداونلوود كتير وغالبا بيبقى كله browsing !
طيب دي مشكلة ومحلولة !!
المشكلة التانية هيا اني خايف من الكنترول في الشبكة خايف اني مثلا اجي اداونلوود حاجة اجور على حق جاري ! او هوة يجور على حقي فعايز طريقة للتحكم في الشبكة بما يرضي الله بيني وبينه تمنع الكلام ده ! وحتى انا لو عرفت احكم على نفسي مش ها اعرف احكم على اخويا او والدتي في الداونلوود فعايز اعمل زي طريقة احدد فيها السرعات عشان محدش يجور على حق حد ويبقى كله بما يرضي الله وارحم نفسي من المشاكل اللي ممكن تيجي من ورا الحوار ده !
في انتظار رد حضراتكم .