الموضوع: تحكم في الشبكة

المشاركة الأصلية كتبت بواسطة أحمد كمال

ايه سبب ان مفيش خطوط في الرحاب 2؟ مفيش كابلات ارضية و لا بوكسات و لا السنترال نفسه (نصر 3) اتملأ ؟؟


ممكن تستعمل ميكروتيك سيرفر ...... تجيب كمبيوتر قديم ب 500 جنيه و تركب فيه كارتين شبكة و تخلي الراوتر يخش عالكمبيوتر و يخرج من الكارت التاني عالسويتش اللي هيوصل عليه جارك و انت ...... و تحدد سرعة كل يوزر منكما ب 512 و شكرا

مفيش خطوط عشان على حسب كلام السنترال مفيش ارقام ! متخيل العذر :D انا نفسي لما جبت الخط بتاعي ده وجيت اقدم في الشركة الإنترنت لقيت الخط كان بإسم واحد قبلي وعليه فلوس مدفعهاش كمان ! السنترال عندي هنا انا تابع لسنترال الرحاب نفسه مليش علاقة بمدينة نصر ! الطريقة اللي حضرتك قولت عليها دي انا مستصعبها ! مفيش عن طريق الراوتر نفسه يعني جاري اصلا واحد وصلة عن طريق Lan وصلة من الراوتر وانا بستخدم الـ Wirless مفيش طريق افهم الراتور يقسم السرعة بين ده وبين ده ؟

المشاركة الأصلية كتبت بواسطة hussein_emara

تقدر تطلبها بس, متقدرش تفرضها

عن تجربة, شوال مشاكل

صدقني يا سيدي الفاضل انا اليومين اللي فاتو دول سمعت من كل صحابي قصص وحكايات وروايات من كل واحد حب يخدم جاره ويعمل شبكة نت معاه وكان دائما الموضوع بيئدي للقطيعة والخصام كمان :) مش عارف ليه ده حتى حضرتك اكدلتي المعلومة :)
انا كان كلامي واضح معاهم ! انا الراوتر عندي مش بيطفي ! حتى لو مسافر بسيبه شغال ! السلك مش بيتشال اصلا ! واستخدامي محدود لأني بحكم شغلي ودراستي معنديش استخدام متعدد مفيش غير والدتي ودي ست كبيرة وملهاش غير في شوية قراية الأخبار والجرايد الصبحية فكنت واضح ولكن برضوا كل الناس مصممين انه زي ما حضرتك قلت الموضوع عبارة عن شوال مشاكل !

وخلي بالك لو جارك ده عمل مشكله على الإنترنت وحبوا يجيبوه إنت اللي هاتتجاب عشان إنت صاحب الإشتراك.