اسئلة مهمة لوحوش الميجان قبل ما اشتري و اكون وحش زيكم
السلام عليكم
عندي شوية اسئله لوحوش الميجان الي نفسي اكون منهم بعد م اشتري الميجان
المعلومات دي هي الي فضلت محيراني بعد ما دورت ف المنتدى و لسا بحاول افهمها قبل الشراء و الي اتمنى انها تفيد اي حد مقبل على نفس الخطوه
أخيرا و قبل ما ندخل في الاسئلة عايز اشكركم على المجهود الرائع الي مخلي الصفحه دي دايما منوره و تشجع اي حد انو يشتري الميجان عشان يكون جزء من المجموعه دي و اكيد دايما هيلاقي المساعده ..... المفروض وكيل رينو يشكركم على الدعم دا و الي بيصب ف الاخر ف نسبه مبيعاته ......> J
أولا: عايز اعرف الفرق بين الموديلات الاوتوماتيك دي (2005 – 2006 – 2007 - 2008) من حيث:
1- عيوب التصنيع (ايه هيا العيوب دي؟ وايه افضل الموديلات من حيث قلة العيوب؟)
2- الكماليات الي بتنزل معاها (Options)
3- اسعار قطع الغيار (هي هي ولا في فرق؟)
ثانيا: العيوب الي كانت موجوده في موديل 2005 هل تم علاجها فب موديل 2006 الشكل القديم (بدون الفيس لفت) ولا الشكل الجديد ولا لا دا ولا دا و تم معالجتها في 2007؟
ثالثا: ايه الموديل الي تنصحوا بشرائه؟
اسئلة بخصوص الكماليات / الاوبشن
- كم عدد الايرباجز الموجوده في موديلات الميجان دي؟ و هل عددها بيتغير حسب الفئه؟ بشوف اعلانات مكتوب فيها 6 ايرباجز و اخرى بتقول 8!!
- الكماليات (الاوبشنز) الي موجوده في كل موديل هل تعتمد على الفئه فقط (بيز لاين – هاي لاين – توب لاين) ولا بتعتمد على الموديل كمان. وايه هيا الكماليات الموجوده في كل فئة؟ (زي الطارة الماتي فنكشن – مثبت السرعة – جنوط عريضه 17 – سقف البانوراما – تكييف تاتش – نوع الفرش الداخلي قماش او جلد )
- بخصوص البانوراما: هل معنى ان الميجان فيها فتحة سقف انها بانوراما؟ ولا في موديلات – فئات بفتحة سقف عادية زي الموجوده ف اي عربيه؟
أخيرا عندي اسئلة بخصوص الكشف على السياره
بعد قراءه مستفيضه ف المنتدى عرفت ان الكشف من المهم يكون ف التوكيل علشان الواحد ميلبسش ف الحيط
- ماهي الاشياء التي يتم الكشف عليها ف التوكيل؟ هل هي كفاءة الموتور – الجسم الخارجي و العفشه – الفتيس – السنسورات و كهربة العربية ولا في حاجه كمان؟
- هل الكشف دا مضمون ولا ممكن تكون في حاجه تانيه مستخبية؟
- عرفت ان تكلفة الكشف ف التوكيل حوالي 550 جنيه. في حالة طلعت العربيه مش تمام بعد الفحص و مش هشتري, المتعارف عليه مين الي بيدفع؟ صاحب العربيه ولا انا؟ .......> لأني مش هدفع كل مره اكشف فيها على عربيه لحد ما واحده تطلع تمام L و اكون خلصت فلوسي
عارف اني طولت ف الاسئلة بس متعشم فيكم :w6266d
