مش عارف ارد اقول ايه
انا قلت سابقت البى ام 116i ما قارنتش بينهم نهائى
كل واحد داخل يقول هى احسن فى 1000 حاجه يعنى لما اقول الفيرنا مثلا سبقت كذا يبقى الفيرنا اجمد من العربيه اللى سبقتها
وعلى فكره العربيتين نفس الوزن والسباق من 0 الى 160
عرض للطباعة
مش عارف ارد اقول ايه
انا قلت سابقت البى ام 116i ما قارنتش بينهم نهائى
كل واحد داخل يقول هى احسن فى 1000 حاجه يعنى لما اقول الفيرنا مثلا سبقت كذا يبقى الفيرنا اجمد من العربيه اللى سبقتها
وعلى فكره العربيتين نفس الوزن والسباق من 0 الى 160
مشكوررر على التقرير الرائع
فى نقطة بس مش فاهمها
ازاى دى مش فاهم ؟اقتباس:
الثانية:
شحن البطارية لايتم عن طريق الربط بالمحرك و لكن يتم الشحن باستغلال طاقة الفرملة ما يقلل حمل الموتور المستهلك في توليد الكهرباء و هو ما يوفر طاقة المحرك للتسارع بنسبة 5% اضافية
يعني ما فيش سير دينامو شغال عمال على بطال زي عربياتنا
البطارية بتتشحن من الطاقة الناتجة عن الاحتكاك عند الفرملة و دي بيوفر هدر الطاقة اللي بيروح في الاحتكاك (لأنها في الأساس تساوي طاقة عملها المحرك في دفع السيارة)
و من ناحية تانية بتوفر جهد المحرك المطلوب لدفع الدينامو (مولد الكهرباء).
امتياز مع مرتبة الشرف
الف شكر علي العرض الاكثرمن رائع
والعلمي
الـ BMW هى الملكة وحضرتك كينج بجد شكراً يا دكتور على التقرير الجميل . :S_thum1[1]:
انطباعى عن البى ام دبليو 116i .......
العربيه مش بطيئه نهائى زى ما كتير قالوا .......العربيه بسم الله ما شاء الله بتشد كويس قوى بس بشرط تقلبها مانيوال او تستخدم السبورت مود فى التسارع مش d العادى وتسارعها زى ما قولت قبل كدا تقريبا زى السيفيك وبتجيب من صفر الى 100 فى حوالى 10.5 ثانيه او ممكن 11 بالكتير وعلى فكره انا بقول على ارقام من الواقع مش كلام كتالوجات لان فى ناس بتحب تقول ارقام التسارع والسرعه القصوى من الكتالوجات العربيه دى اولا ما تعدى 200 الشاشه اللى فى العدادات بتكتب كلمة limit وهى تقدر توصل210 كم كسرعه قصوى
بالنسبه للعزل: ممتاز جدا جدا بس عيبها ان الموتور فى الشد (لازم تسمع النغمه المميزه فى شد عربيات bmw ) علشان كدا هتحس ان صوت الموتور عالى شويه مقارنه بعربيات يابانى او فرنسى اخرى لكن من غير شد مش هتسمع صوت الموتور نهائى
العفشه: بصراحه خشنه على المطبات وعلى الطريق .......من حيث مستوى النشوفيه ممكن نقول وسط بين اللانسر السبورت البومه والسيفيك الجديده (يعنى مش ناشفه زى اللانسر وفى نفس الوقت السيفيك انعم شويه) بس ثبات العربيه ينسيك كل حاجه العربيه على الملفات ممتازه جدا -حسيت بثباتها على الطريق اعلى من الاسترا gtc اللى كنت بعتبرها اعلى عربيه فى الفئه دى فى الثبات (ما جربتش جولف 5 قبل كدا بس جربت الليون وسمعت ان الليون نفس شاسيه الجولف والله اعلم ) بجد الثبات اكتر حاجه شدتنى فى العربيه دى
الاطارات : مش عارف ليه بيبقى صوتها واضح قوى بعد 130 كم
ممكن تكون كل الاطارات ال performance بتبقى كدا
العربيه مفيهاش كماليات تشدك ليها يعنى ولا تكييف تاتش ولا مريات ضم ولا كراسى كهرباء بس فيها مفتاح بصمه ومثبت سرعه وفتحة سقف ودى الاوبشن اللى تقريبا موجوده وده على فكره اعلى فئه فيها
الصالون ضيق قوى ويكفى شخصان فقط لو اكتر من كدا مش هينفع غير يبقوا اطفال
اخيرا راىء شخصى العربيه غاليه قوى 250 الف فى عربيه مفهياش اوبشنز كتير وغير عمليه علشان بس عليها اسم bmw حرام
اللى تستاهل سعرها من وجة نظرى bmw 320
الى عشاق البى ام ده مجرد راىء شخصى فقط على العربيه دى وانا اساسا عاشق للبى ام وامنية حياتى فى المستقبل ان شاء الله bmw 5 series
وتقبلوا تحياتى
م :احمد
أوافقك على كل كلمة يا باشمهندس ماعدا التسارع
أنا حسيت انها تقيلة ..أو يمكن أنا كنت متوقع أكتر فجالى إحباط ...
موضوع الكاوتش ....
النشوفيه و الصوت العالي من عيوب الrunflat tires علشان كده ناس كتير بره بيغيروه الى كاوتش عادي بس لازم يشتروا emergency kit لأنك زي ما انت عارف مالهاش استبن
و في منتديات بتقول ان البريدج ستون الـRFT افضل من دانلوب في موضوع الصوت ..
الثبات أفضل طبعا من الجولف بسبب الدفع الخلفي و توزيع الوزن
السعر زي ما تفضلت ...كتير للأسف