1:ماهو الكناستر 2:وماهيا فائدته 3:وماهيا اعطاله 4: ولو تالف ممكن يتغير ولايتفصل 5: ولو فصلناه يتفصل منين ارجو من الاحبه الاجابه على هذه الاسئله
عرض للطباعة
1:ماهو الكناستر 2:وماهيا فائدته 3:وماهيا اعطاله 4: ولو تالف ممكن يتغير ولايتفصل 5: ولو فصلناه يتفصل منين ارجو من الاحبه الاجابه على هذه الاسئله
مين
لية
سمعت انها سمكه فى البحر-او فى العجلات الحربيه الفرعونيه-علشان تساعد على اتزان العجلات الحربيه ومنعها من الانقلاب عند تغير الاتجاه المفاجىء فى حالات الكر والفر-وبتكون مصنوعه من جلد الحيوانات والكتان وخشب الارز
انا اعرف الكاستر دة اللى الحاجة بتعملهولى فى البيت وبيكون لونة اصفر كدة وطعمة حلو دة اللى شبة المهلبية دة
لو قصدك عليها
فوائدة بيعتبر من الحلويات
اعطالة مالوش اعطال دة بيتاكل على طول
ولو تالف بيترمى على طول فى الزبالة واوى تاكلة علشان ما يوجعلكش بطنك
حد عاوز يضيف
لو قصد حضرتك على evaporative emission canister فدة جزء وظيفته انه يمتص ابخرة البنزين اللى طالعة من التنك و فى ظروف معينة بياخد امر من كمبيوتر العربية فيفتح صمام معين بيسمح للابخرة دى انها تروح للموتور و تتحرق.
تقدر تقول انه بيتحكم فى انبعاثات البنزين الضارة و لتوفير استهلاك الوقود.
اما عن اعطاله و تغييره الله أعلم.
الراجل يقصد الكانستر ( canister valve)
يا حبيبى انا بحاول اضحكك اوعه تزعل بس انا بقول هجس مش عتس
وبعدين انا اول مرة اسمع الكلمه دى فعلا -بس طبعا رميتها فى جوجل وعرفت كل شىء عنه مواقع اجنبيه ومنتديات عربيه
بس كنت مستنى اراء الخبراء--وبعدين مالها العجلات العربيه تعرف انته ايه عنها-زورت المتحف المصرى كام مرة
الكانستر وظيفته الاساسية تنظيم الضغط داخل تنك البنزين
وهو المسئول عن تفريغ الهواء حين تموين السيارة وادخال الهواء بدلاً من البنزين المستهلك من المحرك
تلفه
بيتسد وبيسبب انخفاض للضغط داخل التانك ويظهر علي صوت طقه في التنك بعد مشوار طويل
بيتم تنظيفه كل 6 شهور بعد اول سدة ليه علشان للاسف مش موجود منه جديد
مش كل الناس بتقبل الهزار ولابد من مراعات شعور الاخرين
وعلي العموم حصل خير
الموضوع بسيط وادينا هنهزر علشان محدش يزعل
يا ابو حميد عايز اشوف الداينو داي ربورت بتاع عربيتك ههههههههه بس ابقي شيل الكانستر وانتا بتعمله هههههههههه
طيب بتتنضف ازاى دى يابو طارق.. ؟؟
انا مش زعلان ولا حاجه ياجماعه بس اللى ضيقنى ان كل واحد داخل يهزر ومبيقولش معلومه مفيده وعلى العموم انا بحب الهزار بس كل حاجه وليها وقتها ومحدش يدخل الهزار فى التهريج
بعد اذن صاحب الموضوع
انا دلوقتى فكيت الكانستر بس من جوة حاسس انة مليان تراب
ولما عملت بالمفك طلع حجات صغيرة ومحروقة
بس لما انفخ فية عادى
ممكن اعرف اخلية واركبة على كدة
ولا انظفة من جوة تماما
الف شكر ياباشا على تعبك معايا
ان شاء الله انا هخلية شوية كدة
وبعدين انظفة وابقى اركبة تانى
من غير الكانستر التانك ممكن ينبعج للداخل نتيجه عدم تعويض الضغط اللي بيحصل علي التانك من الداخل نتيجه شفط البنزين + له دور في الحوادث كفانا الله شرها انه بيحافظ علي التانك من الانفجار وبيتنظف بالهوا المضغوط زي مااستاذ طارق قال ,تحياتي
طيب من فترة أنا الكانستر عندى كان مسدود .... فقام أخى وأخذ العربية عند الميكانيكى من حوالى 8 شهور إختفى صوت الطقة إللى فى التنك فعلا .... ولكن الصوت رجع مرة تانية بس أنا مش عارف لو رحت للميكانيكى أقوله ينظف علبة الكانستر عادى كده ولا ليها مصطلح معين
طب انا عندى روحت نظفتة بالهواء
بس كان نظيف؟
على العموم بكرة اركبة باذن الله
ياجماعه هوه اساسا المفروض يتغير كل 6شهور بس مفيش منه جديد فالبتالى المفروض يتنضف كل فتره
قوله علبه الكانستر او علبه التبخير اللى جمب التنك وينضفها بضغط الهواه