الموضوع: أوصل الحرفيين ازاي من طريق إسماعيلية مصر الصحراوي؟

المشاركة الأصلية كتبت بواسطة تامر.محمد

انا مش عارف تعرف علامات الطريق ولا لأ , لكن هافترض انك جاي من اسماعيلية , بعد ما بتعدي مدخل العبور بتلاقي كوبري موقف العاشر قدامك , هنا بيبقى قدامك طريقين :

1- تطلع كوبري موقف العاشر و تنزل , و تفضل ماشي لحد ما تلاقي كوبري تاني , خش اول شارع يمين قـــــــــبل مطلع الكوبري على طول , هاتمشي حتة صغيرة و اول ما تلاقي الشارع بدأ يحدف بيك يمين , اقف و انزل بص على المنطقة اللي على شمالك , هتلاقي ورشة نايل موتورز في المحلات اللي تحت

2- ما تطلعش كوبري موقف العاشر لكن تدخل قبله على طول يمين , هاتمشي شوية لحد ما تلاقي تقاطع , هاتدخل شمال , من تحت الدائري , كده تبقى مسكت الحرفيين , تمشي مع الطريق لحد ما تلاقي زي ميدان فيه مسجد على يمينك , تخش شمال , الطريق هاياخدك شمال و بعدين يمين , بعد ما يحدف يمين بشوية و قبل ما يحدف شمال تاني , على طول تقف و تبص في المحلات اللي على يمينك تحت

+1
بس تصحيح بسيط
الدخلة بعد مطلع الكوبري بحوالي 6 متر مش قبل الكوبري :)