الموضوع: اشتريت لانسر 2008 مستعمله محتاج مساعدة ؟

المشاركة الأصلية كتبت بواسطة halika76

السلام عليكم ورحمة الله وبركاته ...

الحمد لله اشتريت لانسر بومه 2008 1300cc Automatic مستعمله

المشكلة إن صاحبها راجل كبير وميعرفش غير إنوا يغيير زيت الموتور والفلتر كل عشر ألاف كليلو وكان بيحط موبيل وان ... كل لما أسأله عن حاجه بيقولى معرفش :)


الوقت العربية خرجت من الضمان وصاحبها ماكنش بيروح أصلاً للتوكيل

السيارة عامله 520000 كيلو ... المفروض أغيير إيه وأسيب إيه ؟

= سير كاتينة
= زيت الفتيس الاتوماتيك
= سائل الريداتير
= فلتر البنزين
= بوجيهات .... وغيره

ومن أين أجيب قطع غيار أصليه ... ؟

أفيدونى أفادكم الله ... وجزاكم الله خير

الحمد لله كما ينبغى لجلال وجهك وعظيم سلطانك

اولا مبروك عليك العربيه اختيار موفق ويارب يكفيك شرها ويديلك خيرها ... ثانيا حضرتك بتقول ان العربيه عامله 52000 ك يعنى حضرتك لازم تعمل صيانه كامله على سيرفيس العربيه احتياطيا وطبعا فى السيرفيس هايكشف على جميع سيور العربيه سواء الكاتينه او الديناموا وهايكشف على البوجيهات وعلى فلتر الهواء وهايكشف على مياة الرادياتيروعلى زيت الباور وعلى مقاس زيت الموتور...ثالثا سير الكاتينه بيغير عند 100000 ك بس ممكن حضرتك تغيره عند 80000 ك وياريت حضرتك تغير معاة سير الديناموا علشان يكون السيور كلها مع بعض اما بالنسبه لزيت الفتيس بص حضرتك مافيش حاجه اسمها ان الزيت مش بينقص علشان مش بيتغير دة كلام مش صحيح الزيت ليه مدة زمنيه او على حسب استخدام حضرتك للعربيه يعنى مينفعش ان يكون الزيت من سنه 2008 متغيرش ده مش صح وتانى حاجه من الافضل ان حضرتك تغيره بعد 40000 ك ده الاحسن علشان تكون فى الضمان اما بالنسبه لفلتر البنزين يفضل تغيره كل 25000 ك وماتنساش ان البنزين فى بلدنا وممكن حضرتك كل 5000 ك تضيف مع البنزين ماده لتنظيف الفلتر او الدوره كلها على حسب ما حضرتك عايز واخيرا انا عن نفسى بفضل اغير طقم البوجيهات وفلتر الهواء مع بعض ممكن عند 20000ك على حسب انا جايب قطع الغيار الاصلى وطبعا الاصلى هيستحمل اكتر من الانواع التانية اما بالنسبة لموضوع البارومه ديه ممكن تكون بسبب عدم الاهتمام بالعربيه فى فترات الشتاء مع الامطار والطين الموجود اسفل العربيه مع الوقت يعمل بارومه وانا شايف ان دة سوء استعمال وسوء اهتمام بالعربيه اما صاج العربيه فهو ممتاز احسن من غيره بكتير وممكن تروح لسمكرى يكون شاطر يعمل لحضرتك الكام مرمه ومش هاتاخد وقت كبير ولو حضرتك عايز سمكرى كويس يبقى فى الحرفيين والبوهيجى كمان علشان يبقى الاتنين فى خبطه واحده وانشاء الله نطمن عليك والف مبروك ويكفيك شرها