طيب أيه رأيكم دام فضلكم فى المرتبات والبدلات الخرافية اللى بياخدوها القضاء والمكافأت من صندوق القضاة اللى بتتحصل فلوسه من الشعب والمتقاضين - مبيالغ خرافية - وبالرغم من كده الفصل فى القضايا بيتأخر جدآ وتلاقى القضاة دايمآ بيبحثوا عن الأنتدابات الفخمة للمصالح الحكومية والعامة ضاربين بعرض الحائط مصالح المواطنين
وكمان فيه نقطة مهمة جدآ وهى إن الفوارق فى المرتبات والمكافأت بينهم وبين العاملين بالمحاكم فارق رهيب يعنى الفارق ده لو قل شوية من ناحية القضاة وأرتفع شوية لصالح العاملين بالمحاكم لأصبح الحال غير الحال يعنى مافيش عدالة فى المرتبات والبدلات وعلشان كلامنا ما يتفهمش غلط مش بنقول المساواة التامة - ده حلم - ولكن بنقول تقليل الفروق الضخمة جدآ بينهم وبين باقى العاملين فى وزارة العدل ومعاونى القضاء ولآزم يكون لأعوانهم نصيب فى أموال صندوق الخدمات الخاص بالقضاة لأن حقيقة الأمر هما اللى بيعملوا الشغل كله ولو إنصلح حال الناس دى شوية -السكرتارية والمحضرين والكتبة والأداريين ....ألخ - حينصلح حال القضاء بشكل عام والفكرة إن المطلوب شىء من العدل والتوازن لهم .