عندي مشكله في النت ( أرجو المساعده )

الحمد لله .... أخيرا النت دخل عندي عن طريق tedata .....
و استلمت راوتر واحد مخرج من عندهم بسلك ( مش وايرليس )
و استلمت cd - super support
و الحمد لله شغلت النت بما لي من خبره بسيطه و الموضوع سهل و الحمد لله .

االمشكله :
طبعا انا موصل عده تليفون علي الاسبليتر اللي عليه الخدمه اللي في الراوتر ... العده بتوش .....السبب ايه؟

ووصلت علي أول فيشه تليفون الراوتر و الاسبليتر و عده التليفون و بردو بتوش .

المشكله التانيه :
انا مشترك علي سرعه 1 جيجا ....المفروض معدل ال transfer rate يبقي من 80 : 120 كيلو بايت في الثانيه
و ده من كلامهم .....كلمتهم و قالولي ادخل علي موقع downloads و حمل أول برنامج علي اليمين ( كتجربه ) و كان برنامج انتي فيرس افاست ....و مساحته 93 ميجا ..... المهم لقيت ال transfer rate 97
قلت تمام .....كده في المعدل الطبيعي
دلوقتي بحمل برنامج 10 ميجا لقيت معدل التحميل 30 او 32 كيلو باايت في الثانيه

حد عنده اجابات وافيه لاستفساراتي ؟

المفروض توصل السبليتر بالفيشة و من السبليتر توصل الراوتر و التليفون
أو جرب توصل الراوتر بس من السبليتر و وصل التليفون فى فيشة تانية

سرعة الداونلود حسب البرنامج المستخدم
نزل idm هيفرق كتير عن سرعة البراوزر
و حسب السيرفر اللى بتنزل من عليه

جربت و بردو بيبقي فيه وش .

و النت بيفصل و انا شغال لوحده و يرجع لوحده .

هل ده له علاقه بوجود فيشه دش بنفس الوش اللي فيه فيشه التليفون المستخدم عليها االراوتر ؟

جرب انك تشوف اول السلك "التليفون" اللى داخل من بره للشقة من خلال خرم فى الحائط و مطلع على اول وش كهرباء
قبل الوصلات الداخليه اللى ماشية جوة الحوائط
وصل السلك ده على مدخل الاسبيلتر وهو بيخرج 2 واحد للتليفون او الشبكة اللى ماشية جوة الحوائط والثانى للراوتر

وده هايحل مشكلة الفصل و والوش و سرعة التحميل
نفس المشكلة اللى عندى فى الشقة اول ماوصلت النت
لو مش قادر توصل للفكرة ممكن ارسمهالك وارفعها كاصورة

اولا مبروك على النت، بالنسبة للتوصيلة السليمة هى انك بتحط السبليتر على اول السلك اللى داخل جوة الشقة بره خالص يعنى قبل السلك اللى بيوزع على الفيش اللى فى الشقة، والخارج من السبليتر طرف هتوصله على السلك بتاع الفيش phone والتانى على السلك اللى رايح الراوتر modem ولو المشكلة لا زالت قائمة يبقى تغير سلك التليفون بنوع جيد نحاس نقى هتلاقى المتر بتاعه فى حدود 75 قرش ويستحسن تغيره من اول البوكس اللى فى الشارع لو المسافة مش بعيدة خاصة لو كان السلك قديم او من نوعية مش جيدة وبرضه اتاكد بعدة تليفون تانية لان وارد جدا يكون التشويش من العدة نفسها

وبالنسبة لسرعة التحميل فده بيتوقف على السرفر او الموقع اللى بتحمل منه يعنى ممكن تلاقى موقع بتحمل منه بروابط مباشرة بكامل السرعة وموقع تانى بربع السرعة وهكذا، ولو عايز تعرف سرعة الخط الحقيقية حمل فيديو من اليوتيوب بالدوانلود مانجر هتعرف سرعتك الحقيقية لان المانجر بيسحب كل السرعة

دلوقتي انا جربت من الفيشه الرئيسيه ... اللي هيه ااول فيشه تليفون بعد مدخل سلك التليفون من خارج الشقه .... و جربت كل فيش الشقه .....بالاسبليتر و بدون في كل التجارب و الملاحظات :
1- النت ( لمبه ال شيسم في الراوتر ) شغال لمده ربع ساعه ....و بيفصل ربع ساعه .....
2- الوش مستمر بالاسبليتر علي كل الفيش .

دلوقتي الشك كله في الراوتر بتاعهم ..........و لا الشك في ان الخدمه بتيجي ربع ساعه و تفصل ربع ساعه من الخط نفسه؟

معلش تعبتكوا معايا ........

اقتباس:

---

المشاركة الأصلية كتبت بواسطة mero100

دلوقتي انا جربت من الفيشه الرئيسيه ... اللي هيه ااول فيشه تليفون بعد مدخل سلك التليفون من خارج الشقه .... و جربت كل فيش الشقه .....بالاسبليتر و بدون في كل التجارب و الملاحظات :
1- النت ( لمبه ال adsl في الراوتر ) شغال لمده ربع ساعه ....و بيفصل ربع ساعه .....
2- الوش مستمر بالاسبليتر علي كل الفيش .

دلوقتي الشك كله في الراوتر بتاعهم ..........و لا الشك في ان الخدمه بتيجي ربع ساعه و تفصل ربع ساعه من الخط نفسه؟

معلش تعبتكوا معايا ........

---

باالاضافه الي بطء في التصفح ملحوظ.....و التحميل .

غير الاسبيلتر ياباشا
جيب واحد اصلي بحوالي 25-30 جنيه
كان عندي نفس المشكلة واتحلت

اقتباس:

---

المشاركة الأصلية كتبت بواسطة hemalotfy

غير الاسبيلتر ياباشا
جيب واحد اصلي بحوالي 25-30 جنيه
كان عندي نفس المشكلة واتحلت

---

ده بالنسبه للوش و لا جميع المشاكل؟

اقتباس:

---

المشاركة الأصلية كتبت بواسطة mero100

ده بالنسبه للوش و لا جميع المشاكل؟

---

ده بيمنع الوش نهائيا
انا مش عارف المشاكل التانية دي سببها نوع السلك ولا بعدك عن البوكسه قد ايه ولا ايه

بص اديني القراءه الخاصة لـ :
SNR Margin
و
Line Attenuation

جيبهم من صفحة الراوتر وان شاء الله هحاول اساعدك والزملاء هنا مش هيقصرو

متشكر أوي علي إهتمامكم ..

الراوتر بيشتغل 20 دقيقه ببطء في التصفح شديد . و بيفصل 15 دقيقه .

أنا حاليا داخل عالنت من الموبايل .

أنا حطيت الراوتر و ملحقاته في علبته و حيتم تسليمه ل تي إي داتا الصبح .. و حطلب يكشفوا عليه عشان أعرف العيب من الخدمه و لا من الراوتر .

بالمناسبه : السلك عندي نحاس و محترم جدا .

المفروض بيدوك فلتر مع السبليتر يتحط قبل سلك التلفون وبعدين سلك التلفون يخش فيه
لنك لما اشتركت ادوني 3 فلاتر بعدد العدد اللي في البيت...
تحياتي

Sent from my LT18i using Forum Runner

يعني الفلتر ده بيعالج كل المشاكل اللي ذكرتها؟

اقتباس:

---

المشاركة الأصلية كتبت بواسطة mero100

يعني الفلتر ده بيعالج كل المشاكل اللي ذكرتها؟

---

هو عندي لما مكنتش بحطه الخط بيشوش..
انما فو استمرت المشكلة حضرتك لازم تكلم الشركه يبعتو حد للسنترال لان دي مشكلة زي ما هما بيسموها في تدبيس الخط في السنترال وان هما ضيعو التلفون ودخلولك نت هيبعتو حد السنترال وهيتصل عليك من السنترال يتأكد ان المشكلة اتحلت..
القصة دي حصلت مع قريبي...
تحياتي

Sent from my LT18i using Forum Runner

متشكر ليكم جميعا و الموضوع تشخيصه طلع اقرب لتشخيص : د.حازم

ادعولي .