لما بدوس (( فرامل )) بسمع صوت تزييق خفيف

**Elawany13** · 08-11-2012 09:04 AM

[img3]http://i.imgur.com/SUAgH.png[/img3]

السلام عليكم ورحمة الله وبركاته

السيارة شاهين موديل 2004
كربراتير
لما بضغط فرامل بسمع صوت مش عارف اوصفه كويس
بس عامل زى صوت تزييق الكرسى
أو تزييق السرير اللى فيه سوست معدنية بدل الخشب
بيكون صوتها متقطع وخفيف
ومع كل تزيقة رجلى بتحس بيها فى البدال بتاع الفرامل
بتنزل ملليمترات بسيطة جدا
والموضوع ده بقاله فترة طويلة
مع العلم انى كنت مغير خزنتين الفرامل الخلفيتين من كام شهر
ياترى المشكلة من ايه ؟
وحلها ايه ؟
وعلى فكرة الفرامل بتمسك كويس
ومفيش مشكلة غير الصوت ده

وجزاكم الله خيراً

**Elawany13** · 08-11-2012 05:06 PM

أشكرك يا أخى الفاضل
هبقى انزل اشوف السوسته ديه وادور عليها
بس عاوز اقولك ملاحظة تانية
لما بضغط على بدال الفرامل والعربية مطفية مبيحصلش أى صوت تزييق

**Elawany13** · 10-11-2012 10:44 AM

المشاركة الأصلية كتبت بواسطة romieh

مافيش أى مشكلة اطلاقا فى الفرامل

كل اللى عندك هى السوستة بتاعة بدال الفرامل نشفت شوية وعايزة تتزيت

شوية wd 40 ورشهم على السوستة والصوت هيروح على طول

السوستة هتلاقيها متركبة على بدال الفرامل

ولو فى تزييق فى بدال الدبرياج برضه رش رشه على السوسته بتاعته

أشكرك يا أخى الفاضل
فعلا المشكلة اتحلت برشتين من wd40
جزاك الله خيراً

**Elawany13** · 10-11-2012 12:46 PM

المشاركة الأصلية كتبت بواسطة أبو يزيد

الحمد لله ان مشكلتك اتحلت بس ممكن سؤال
لحضرتك ايه هو wd40 وجزاك الله كل خير

جزانا الله وإياكم

اسبراى ممتاز للتزييت وللتعامل مع الصدأ واصوات التزييق
متعدد الإسخدامات سواء فى المنزل أو السيارة
هتلاقيه بيتباع فى محلات قطع الغيار واكسسوارات السيارات
وفى الماركت بتاع البنزينات الكبيرة
فيه منه عبوات بأحجام متفاوتة
سعر الـ 400 مللى بيتراوح من 22 جنيه الى 25 جنيه
وفيه عبوات اصغر
لو عملت سيرش فى المنتدى
هتلاقى الأعضاء كلهم بيحبوه
لدرجة ان فيه ناس بتفكر ترش منه على مفصلات الكوع والرجل
وواحد بيفكر يرش رشة منه على السلطة
ههههههههههههههه