مش على الصبح بس
وبالليل كمان
لسه موقف حاصلى امبارح الساعة 10 مساءا
ماشى على وصلة صغيره لطريق مسفلت بس طبعا مليان مطبات
وفاضى خالص
كل فين وفين على ماتلاقى موتوسيكل ولا توكوتوك ولا عربية
المهم ماشى بسرعه قليلة جدا
وبهدى علشان مطب وطريق مكسر
لاقيت موتوسيكل صينى جاى ورايا والدنيا فااااااااااضية
وبيضرب فرامل على آخره
واضح انه لسه بيتعلم سواقة الموتوسيكل
وواضح انه مسك فرامل أمامية
وسرعته كانت عالية
طبعا توازنه مختل تماماً وفاقد للسيطرة
والكاوتش بيصرخ على الاسفلت
وهب اترزع جنبى على الأرض
رزعه مهببه
سائق الموتوسيكل
والموتوسيكل نفسه
صعب عليا والله
والحمد لله مخبطش فيا ولا خدشنى
كنت خايف ليخبطلى الأكصدام ولا نيلة
فوقفت بالعربية علشان اطمن عليه
لاقيته شاب فى بداية الثلاثينيات
وهوه لسه مرمى على الأرض بيقولى انت ايه اللى وقفك !!!
بقوله بصوت عالى انا بهدى يابنى علشان المطب انت مش شايف ولا ايه !!
وسيبته ومشيت
وكان فيه بظروفها اتنين معديين عدلوله الموتوسيكل ووقفوه على حيله