وقعت فى ورطه

**E_medo77** · 08-11-2012 02:11 PM

النهارده الصبح نزلت اطمئن على مستوى الزيت فى العربيه واشيك عليها بعد ما غيرت جوان التاكيهات .. المهم والحمد لله مالاقيتش ولا نقطه زيت على علامه الزيت !!! السيخ بيدخل ويخرج ناشف ناشف .. ومافيش اى شكل للتهريب على وش الموتور غير تعريق على غطا التاكيهات .. رحت اشتريت 2 ليتر زيت تعاون وحطيتهم وقيست علامه الزيت وبعدين دورتها ورحت للبنزينه وغسلت الموتور كويس من تحت وفى انتظار مراقبه الموتور لتحديد مكان التهريب منه ... كده بقى الموتور ممكن يكون باظ ولا ايه؟؟؟ مع العلم انه بيدور عادى ومالوش صوت غير طبيعى غير انه عالى شويه بسيط واللمبه بتاعه الزيت عمرها ما نورت عندى ولا مرة ؟؟؟ وللمعلومات على السريع انا لانوس 2000 ومغير الزيت من 3 الاف كيلو بشيل الاصفر بس من بعد الفين كيلو زودت 3/4 لتر زيت لانه كان نقص شويه

**ABO MALEK** · 08-11-2012 02:14 PM

متابع

**Mohammmed** · 08-11-2012 02:20 PM

الماتور ماشى اد ايه ؟

**ahmedkhairy** · 08-11-2012 03:23 PM

متابع

**mahmoud_anwar** · 08-11-2012 03:35 PM

انتا متأكد ان الطبة مغلقة كويس
وتأكد ان فلتر الزيت مربوط كويس

**rehab702001** · 08-11-2012 04:31 PM

حضرتك اعمل كشف مبدئي علي الماتور عن طريق قياس ظغط الماتور باجهزة قياس الضغط وان شاء الله خير

**maio_do** · 08-11-2012 04:50 PM

نفس المشكلة بالتفاصيل بالظبط

**maio_do** · 08-11-2012 04:52 PM

ونازل اغير دلوقتى الزيت لحد منشوف حل للمشكلة دى

**Eng.Geo** · 08-11-2012 09:15 PM

مبصتش تحت العربية كان في زيت ولا لأ ؟!

**E_medo77** · 09-11-2012 05:50 PM

الموتور عامل 208000 كيلو .. الطبه والفلتر مافيش عليهم تهريب .. نظفت العربيه من تحت ومنتظر وجوداى تهريب وربنا يستر بس واحد قاللى ممكن تكون اتخميت فى الزيت اللى انت حاطته اللى هو شيل ويكون مغشوش؟!!معرفش ممكن ولا لا .... بس بعد اذنكم اقيس ضغط الموتور فين وعند مين ؟؟؟