الموضوع: مثبت السرعة للميجان

المشاركة الأصلية كتبت بواسطة ahmed a.maksoud

هتشغل الوظيفة اللى أنت عاوزها من زرار الكروز كنترول........موجود جنب زارير التحكم فى إرتفاع الفوانيس.

لو ضغطت عليه لتحت هتلاقي علامة الكروز كنترول نورت برتقالي..........ده كده محدد السرعة.....بتوصل للسرعة اللى أنت عاوزها ب + أو - من الطارة ( السرعة بتتكتب على الشاشة بس....مش العربية بتزود السرعة ) و خلاص على كده.........كده مهما تدوس بنزين مش هتعدي السرعة دي

لو ضغطت عليه لفوق هتلاقى العلامة نورت أخضر....كده أنت شغال مثبت سرعة
تزود أو تقلل سرعة ب + أو - من على الشمال

لو دوست فرامل فى كلا الحالتين الكروز أو المحدد هيفصلوا و العربية هتهدي عادي جداً

لو عاوز ترجع لنفس السرعة اللى كنت عليها تدوس زرار ال r على اليمين

لو عاوز تلغى التثبيت تدوس زرار ال o على اليمين

طبعاً بما أنك مانيوال لازم تنقل مع زيادة أو تقليل السرعة.

المشاركة الأصلية كتبت بواسطة rsarabia

فى جنب الدركسيون عالشمال تحت شوية جنب زرار رفع و خفض النور الامامى و اضاءة التابلو هتلاقى مفتاح ممكن تدوس عليه من فوق و دا مثبت السرعة و لو دست عليه من تحت هيشغلك محدد السرعة

صباح الفل يا بشمهندس
طيب أنا عربيتى فيها الزرار اللى على الشمال جنب زراير النور وفيه أزرار مثبت السرعة اللى فى الدركسيون ومش عارف بيشتغل إزاى.؟
ممكن تقولنا بيشتغل إزاى وخصوصا إنى لما بدوس عليه مفيش حاجة بتظهر على الشاشة؟
شكراااااا جزيلا

المشاركة الأصلية كتبت بواسطة تامر.محمد

بص باختصار ,
الزرار اللي جنب زراير النور , هو عبارة عن زرارين تحت بعض واحد بتاع مثبت السرعة مفروض بيكتب على الشاشة (cruise control ) و بينور صورة عداد اخضر تقريبا صغير وسط عدادات العربية عاليمين و التاني محدد السرعة و بيكتب على الشاشة (speed limiter ) و بينور عداد برتقالي

ايكونات العدادات كمان ما بتنورش ؟

شاكك في احتمال شريط ايرباج

مفيش نور بيظهر فى التابلوه أساسا ولا رسالة على شاشة الكمبيوتر

متشكر طبعا على ردك مسبقا

استاذ احمد انا كنت عاوز شرح وافى للكاسيت tuner list لو امكن