يا رجالة هو مثبت السرعة ومحدد السرعة بيشتغلوا ازاي وايه الخطوات عشان انا عمري ماجربت استعمله ولا اعرف ازاي اصلا مع العلم العربية مانيوال
عرض للطباعة
يا رجالة هو مثبت السرعة ومحدد السرعة بيشتغلوا ازاي وايه الخطوات عشان انا عمري ماجربت استعمله ولا اعرف ازاي اصلا مع العلم العربية مانيوال
هتشغل الوظيفة اللى أنت عاوزها من زرار الكروز كنترول........موجود جنب زارير التحكم فى إرتفاع الفوانيس.
لو ضغطت عليه لتحت هتلاقي علامة الكروز كنترول نورت برتقالي..........ده كده محدد السرعة.....بتوصل للسرعة اللى أنت عاوزها ب + أو - من الطارة ( السرعة بتتكتب على الشاشة بس....مش العربية بتزود السرعة ) و خلاص على كده.........كده مهما تدوس بنزين مش هتعدي السرعة دي
لو ضغطت عليه لفوق هتلاقى العلامة نورت أخضر....كده أنت شغال مثبت سرعة
تزود أو تقلل سرعة ب + أو - من على الشمال
لو دوست فرامل فى كلا الحالتين الكروز أو المحدد هيفصلوا و العربية هتهدي عادي جداً
لو عاوز ترجع لنفس السرعة اللى كنت عليها تدوس زرار ال R على اليمين
لو عاوز تلغى التثبيت تدوس زرار ال o على اليمين
طبعاً بما أنك مانيوال لازم تنقل مع زيادة أو تقليل السرعة.
ياااااااااه كل دة دة وجع قلب ياجدع بش اشطة يعني
بصراحة الف شكر انت راجل محترم
تسلم يا استاذ احمد على المعلومه المفصله
ما شاء الله عليك يا أستاذ أحمد ربنا يباركلك و يزيدك
مش وجع قلب خالص على فكرة
مجرد و انت ماشي دوس زرار التشغيل و بال+ و ال- اظبط سرعة العربية (يستحب تظبط العربية بنفسك قبل ما تشغل عشان العربية ما تتجننش)
عايز تفصل دوس بنزين او فرامل
عايز ترجعه دوس r