الموضوع: الزنون 150 وات حد يعرف عنه حاجه ؟؟؟

هو فعلا نازل عند محل go وبيقول عليه قوي جدا بس أنا محتاج حاجه قوية أنا ساكن في أكتوبر والدائري لعنه ضلمه كحل :( مش عارف أعمل إيه وكان عندي xenon 35 وات وشيلته ملوش لازمة ودلوقتي حطيت هلوجين philips xtreme power ظريفة بس مش كفاية !!!!!أعمل اههههههههههههههههه مش عارف !!!!!!!!

انا اليومين اللي فاتو كنت بدعبس على موضوع الزينون كتير واللي اكتشفت انه موجود هو 35 وات ودي لو اصلية او بتدي اللي مكتوب عليها هتكون اضائتها في قوة اللمبات 100/140 الهالوجين واللي بعدها 50 وات ودي مناسبة جدا للي عايز اضاءة افضل في الاماكن الكحل اما بقى 70 و 100 وات فدي مش منتشرة قوي ومهما عملت فيها هتزغلل عين اللي حواليك وبعدين الجهاز بتاعها لو نضيف بينزل بمروحة تبريد وكدة يعني اللي موجود ده ومكتوب عليه 100 وات ده غير حقيقي يمكن ميحصلش 50 وات النضيفة وبعدين مفيش لمبات 70 و100 وات اللي موجود لمبات 50 اكتر حاجة وممكن تستعملها مع الجهاز ال 70 او المية بس عمر اللمبة بيقصر جدا اكثر من النص فانا شايف ان افضل حل ان اللي عايز زينون اضاءة مبهرة وممتازة يدور على لمبات وجهاز 50 وات بس بنسبة 95 % مش هتلاقي حتى حاجة نضيفة يعني بتطلع قوة تيار ثابتة وكدة الحل انك تجيب من برة