هو ده نصاب ولا ايه بالظبط؟ افيدونى اتاكد ازاى.

**Ayman-Ahmed** · 08-11-2012 08:45 PM

السلام عليكم ورحمة الله وبركاته

وقانا الله واياكم شر الاشرار ومن يريدوا بنا الشر.

الموضوع ببساطة من حوالى اسبوعين رقم غريب كلمنى وواحد صوته نايم او لسة صاحى من النوم وجنبه اطفال بتلعب وتصرخ.

هو- استاذ ايمن
-ايوة يا افندم مين معايا
هو-الرائد(اسم مش واضح) من مكافحة سرقة السيارات-كنت مبلغ عن عربية مسروقة.
-لا يا افندم
هو-اه معلش يبقى رقم غلط.
-لا مفيش حاجة وقبل ما اكمل اى كلام كان الخط بيقطع والسلام عليكم.

النهاردة.
ادانى رنة وقفل الساعة 7.15 ص والساعة 8 والساعة 9.
-كلمت الرقم
هو-ازيك وايه نسيتنى ولا ايه ولا مسجلتش الرقم.
-مين معايا
هو-مش فاكرنى خالص
-لا والله مين معايا.
هو-مش رايحة منك حاجة.
-زى ايه
هو-فسبا-حاجة باربع عجلات.وكنت عاوز اساعدك من اسبوعين ومردتش عليا.
-طب حاجة زى ايه.
هو-مش عارف شوف انت بقى
-لا والله مش عارف ولما تعرف انت ايه اللى انا بدور عليه ابقى كلمنى وقوللى لقيته.تمام.
هو-تمام وقفلت السكة.

السوال : هو ده ايه بالظبط؟ نصب ولا نمرة غلط.طب نمرتى واسمى جابهم ازاى والحمد لله انا معنديش حاجة بدور عليها فعلا والحمد لله.

**mostafa3000** · 08-11-2012 08:52 PM

أكيد نصباية ومن الأحسن أنة لو أتكلم تاني تقولة انك بلغت الشرطة وشوف رد فعلة أية
أكيد هيبطل

**Khaled Online** · 08-11-2012 08:53 PM

حط الرقم في screened list وريح دماغك

**eng.m7md.ali** · 08-11-2012 09:28 PM

امن على عربيتك كويس ياباشا وربنا يستر

**eldell** · 08-11-2012 10:35 PM

استاذ ايمن ازيك اولا بالنسبه للحوار ده هو ممكن ميكونش اشتغاله ممكن يكون حد من المقربيين ليك عربيته مسروقه وكان فيها رقم تليفونك انت او كارت ليك او موبيل صاحب العربيه عليه رقمك حاجه كده وده الى بيعملوه الى بيسرقو السيارات يكلموك وياخدو منك فلوس ويرجعوهالك تانى فشوف كده دائره اصدقائك او قرايبك لو مافيش يبقى كبر دماغك خاااالص

**mshmshm3** · 08-11-2012 11:13 PM

المشاركة الأصلية كتبت بواسطة eng f3lix

امن على عربيتك كويس ياباشا وربنا يستر

المشاركة الأصلية كتبت بواسطة eldell

استاذ ايمن ازيك اولا بالنسبه للحوار ده هو ممكن ميكونش اشتغاله ممكن يكون حد من المقربيين ليك عربيته مسروقه وكان فيها رقم تليفونك انت او كارت ليك او موبيل صاحب العربيه عليه رقمك حاجه كده وده الى بيعملوه الى بيسرقو السيارات يكلموك وياخدو منك فلوس ويرجعوهالك تانى فشوف كده دائره اصدقائك او قرايبك لو مافيش يبقى كبر دماغك خاااالص

بالظبط أمن علي عربيتك كويس اوي ولو كلمك تاني معلش بلاش اسلوب حضرتك و افندم قوله هات من الاخر لو عندك حاجة قولها لاقيته بيلف و يدور اقفل السكة ولو اتصل تاني افتح الخط و اعمل الموبايل Mute و سيبه يعد ولو رن و قفل سيبه يرن