الموضوع: باركولى اشتريت ميجان وادعولى ربنا يستر عشان مرعوب

مبروك

المشاركة الأصلية كتبت بواسطة airfox

هو عنده استيراد ب 350 و الجديد ب 750 صاحبي ركب الاستيراد بس نصيحه ركب جديد دول اللي ورا اللي قدام ب 950

ان شاء الله هجيب الجديد ، هما اللى قدام للاسف

المشاركة الأصلية كتبت بواسطة mohammedaladel

ألف مبروك السعر كويس بس هى ماشية كام كيلو ؟؟

ماشيه 135000 بس استعمال نضيف جدا

ياريت حضرتك تقارن بينها وبين تسارع السيفيك بتاع حضرتك وموديلها كام ؟؟

من اول 1992 لغاية 2008 المواتير ال 1600 كلها تكسب ، بس ده مش معناه ان الميجان ضعيفة ، بس انت عارف مواتير السيفيك رياضية شوية.

بالنسبة للمساعدين نصيحة غير الاتنين وغالبا هتلاقيهم بيتباعوا مع بعض برا التوكيل سعرهم فى حدود 750 جنيه

بالنسبة للكوريك بعد ما تقفله بترفع الموكيت هتلاقى مكانه فى أول خانة مفيش غيرها ياباشا طويلة كدا بعد ما تحط الدراع بتاعه لتحت بتحطه الكوريك بتاعها أساسا صغنن وتحط معاه باقى العدة
لو الكاسيت بتاعها update list ينفع تعمل aux ولو tuner list محدش عرف يعملها هنا فى المنتدى
http://www.nilemotors.net/nile/62002-aux.html
http://www.nilemotors.net/nile/3874384355-post11.html
تعرفه ازاى بيبقى مكتوب عليه اسفل اليمين تحت الزرار المدور

هو فعلا الا ابديت ليست ، بس للاسف حصلت مشكلة ان كان فى سي دى محشور ، وتقريبا كسر ترس فى الميكانيزم بتاعه ، فهل فى حد بيبيعة استيراد مثلا ، او لو حد عنده الكاسيت نفسه بايظ ممكن اشترى منه الميكانيزم

بالنسبة للزرارين اللى حضرتك تقصدهم بيبقوا ورا الدريكسيون صح ؟؟ هما 3 زرارير وبكرة من ورا بتعلى وتوطى وتكتم الصوت والبكرة بتقلب التراك اللى فى السى دى

دا المالتى فانكشن لو قصدك الزرارين موجودين ف الدركسيون نفسه يبقى إنت عندك مثبت سرعة وبيبقى زرار مزدوج على اليمين وزرار مزدوج على الشمال وزرار بتشغل منه المثبت جمب الدركسون
http://www.nilemotors.net/nile/25836-megane.html

الله يبارك فيك ، والف شكر لمساعدتك واهتمامك
ولو امكن تبعتلى تليفونك على الخاص عشان ادوشك شويه هكون شاكر جدا .
وألف مبروك

المشاركة الأصلية كتبت بواسطة dedo_ryo

الف مبروك ربنا يديك خيرها و يكفيك شرها ..... انا زيك لسه جايبها من حوالي شهر و العربية ميه ميه ما شاء الله بس بيبقى في شويه حاجات كده بسيطه و تروقها تبقى 10/10 و تبسطك و أي حاجه الوحوش موجودين هنا ربنا يباركلهم مبيبخلوش عنك بحاجه

انتم السابقون ، فعلا عربية جميلة واتظلمت فى البلد دى

المشاركة الأصلية كتبت بواسطة وائل مختار

الف الف مبروك انا شايف ان السعر مناسب قوى لو الكيلو متر بتاعه فى المعقول ،،،، بالنسبه للصيانه انا بعملها على طول فى صقر قريش بقالى حوالى سنتين ونص والحمد لله العربيه معاى زى الفل لكن فى حاجات معينه بشتريها من التوكيل زى طقم الكاتينه مثلا اشتريته من التوكيل وركبته عند الميكانيكى اللى بتعامل معاه ,,,,, ربنا يباركلك فيها ويكفيك شرها يا رب

الف شكر ياباشا ، بتعمل الصيانة عند مين فى صقر قريش

المشاركة الأصلية كتبت بواسطة amr_moh

مبروك

المشاركة الأصلية كتبت بواسطة etrder63

اللى بيسأل عن المساعدين أنا كنت فى رينو المقطم وعاملين عرض على المساعدين خصم 25% من السعر لو حتركبهم فى التوكيل السعر قبل الخصم 600+10% ضريبة مبيعات للواحد ومصنعية تركيب الأثنين فى الشركة 200+10% والخصم على سعر المساعدين فقط بدون المصنعية هذا العرض سارى حتى 13/11/2012 على ما أتذكر اللى سالت عليهم كانوا مساعدين ميجان 2006

يعنى كده 1276 للاتنين مساعدين فى التوكيل شامل التركيب ، اعتقد انه سعر ممتاذ