الموضوع: لو سمحتم يا جماعة تساعدوني في الحيرة الشديدة دي

يا جماعة تولع فتحة السقف مش عاوزها المشكلة ان كل ما ابحث عن عربية الاقي ناس بتشتكي منها و فيها مشاكل انا عاوز عربية ميكونش فيها مشاكل خالص لاني لسة بدرس و مش عاوز وجع دماغ عاوز عربية تستحمل السفر و البهدلة كل يوم و طبعا وسائل الامان و الشكل و بس دة الي يهمني

المشاركة الأصلية كتبت بواسطة amrelsha3er

بص يامعلم مفيش عربيه من غير مشاكل بس فى مشاكل بسيطه ومشاكل كبيره
والزيرو عموما مشاكله بسيطه
انا ده تانى موضوع اقراه ليك هقولك ولك حريه الاختيار
الجين2 عربيه جميله موتور وسحب وثبات على السرعات ماشاء الله مفيش كلام وصاج قوى بس تقدر تستحمل شويه حاجات كده زى توافر قطع الغيار وندرتها بره شويه مقارنه بالكورى ومش فارق معاك سعر اعاده البيع متفكرش وهاتها
الصنى عربيه اعتماديه جدا قكع غيار موفره بنزين سعر اعاده ببيع بس انا مش بحبها وتقفيلها مصرى مش حلو لو يعجبك برضو ده هاتها
الايفو زى الجين2 بالظبط نفس العوامل ويمكن وكيلها احسن شويه من عز
نيو اكسنت حلوه بس صاجها ضعيف وخفيفه كثبات جين وافيو يكسبو طبعا سعر اعاده بيع كويس وكيل كويس برضو
عشان تختار من دول لازم تشوف انت نظام حياتك ايه ومقدرتك وسواقتك واللى يفرق اوى معاك واللى ميفرقش
واخيرا كل عربيه ليها ميزه وعيب
تحياتى

شكرا علي الرد يا باشا بص انا اولا يهمني تكون قليلة المشاكل يعني لو فيها مشكلة متوقفنيش تتصلح بعدين عادي ومتعملش مشاكل و كمان ميهمنيش سعر اعادة البيع لاني مش هفكر ابيع قبل 5 سنين و يهمني تكون عربية صاجها قوي وسريعة وثابتة جدا لاني للاسف مبعرفش اسوق غير علي سرعات فعاوز عربية ثابتة لحد 160 كدة متعومش مني و كمان يكون فيها فرامل abs & ebd و ايرباج عشان الواحد يسوق وهوة مطمن شويةو طبعا يكون شكلها شبابي و موفرة في البنزين دة كل الي يهمني