مفيش فايدة
الكلام انتهى يا شنوري
ومقولتش ان الموضوع اتحل كلامي واضح انا قلت "انتهى"انا اللي عديتو بمزاجي واتنازلت عن الشكوى
وهاتلي رد واحد فيه دفاع عن التوكيل او تحميل العضو الخطا
ابقى راجع الردود قبل ما ترمي اتهامات
وحصل خير يا معلم :)
علي فكره
اسلوب التهكم في حقي ده غير مقبول
واظهاري بمظهر اللي بيقول كلام ملهوش معني مش مقبول
والاهانه المستتره في الكلام غير مقبوله
انت مدخلتش الموضوع غير علشان تدافع برضه
وتعدد مميزات التوكيل
تتنازل عن الشكوي ولا متتنازلش دا حقك وملناش فيه
احنا في مشكله عضو بيتحاوط عليه من كل اتجاه لاثبات خطأه
ردودك ما اضافتش ليا اي حاجه اصلا وبرد عليك علشان متزعلش
كلها ردود شخصيه ومتهمنيش من قريب ولا من بعيد
واحب اقولك
لو كل دفاعكم علشان كلمتي عن منسقين القسم
فانا منسق للمنتدي كله من اوله لاخره شاء البعض ام ابي
وتهمني مصلحه المنتدي واعضاء المنتدي اللي ملهمش ضهر
قبل ما يهمني ان عضو عمل شكوي واتنازل عنها
دي حقك وانت اتنازلت عنه فمش حنجيبهولك
وحصل خير يا معلم (:
انا اعتذرتلك في السابق ان كنت استفزيتك او احرجتك
واعتذرلك تاني لو كنت احرجتك دون قصد لكن صدقني مقدرش اتهكم عليك انت حتى اكبر مني في السن
وبخصوص الدفاع اطلب منك تجيبلي رد فيه دفاع عن التوكيل او تحميل العضو الخطا سواء في هذا الموضوع او موضوع غيره
بس مرة تتهمني اني مش هاممني العهضو عشان مشكلتي اتحلت ولما قلتلك انا اتنازلت تقولي انت حر
يا شنوري بلاش ازدواجية المعايير
وطلبي واضح جدا ومفيهوش اي استهزاء بيك
تم الاتصال بي عن طريق مديره خدمة العملاء ا/امنيه وتحديد ميعاد على النهارده وسألتها الموضوع هياخد قد ايه لحل المشكله قالتلي 4 ساعات وميعادنا 9 ونص قلتها اوك وبالفعل روحت النهارده في معادي واستقبلني م/اسلام وسلمته العربيه واستلمتها في الميعاد تمام واصر اننا نجرب العربيه وانا كنت مستعجل وجربناها وكله تمام الحممد لله وحضرت مديره خدمه العملا بنفسها للتأكد من انتهاء المشكله وفي انتظاري احضار العربيه من الورشه صادفت مدير التوكيل م/احمد وبصراحه اتكلمنا في عربيتي وحلها وكذلك مشكلة العضو الكريم وعرفت تفاصيل كتير افضل ان اوتوهما اللي يحكوها لكن الاهم انه هيتأكد من رضاء جميع عملائه وده شئ يحترم شكرا للجميع ومفيش حد كامل من كله وارد تحصل مشاكل وتتحل المهم اننا نصبر ونحلها بالعقل والصبر
اختصارا عليك يا شنوري ده ردي الوحيد في الموضوع
الرد مقسم الى شقين مؤازرة للعضو ومفيهوش اي كلمة في صالح التوكيل نهائي بل واني اتفقت مع العضو ان فيه تقصير وقلتلو كنت اتمنى انك متستلمش العربية الا وهي رضاياك
الشق التاني من الرد كان لاتهام احمد مصطفى بالتحيز واعتقد برضو مفيهاش اي حاجة وكان كلام عام وعن وقائع حصلت قبل كده في القسم
وبالنسبة لاني بقول كلام من تحت لتحت تاكد يا شنوري اني لما احب اقول حاجة بقولها صريحة مبحبش اللف ولا الدوران
بس نصيحة ليك حاول متاخدش الردود دايما انها فيها استفزاز ليك او تقليل ليك ما دام انت متاكد انك صح :)
واضح ان جملتي دي عملت بلبله لناس كتير
انا قولتها استنكارا لوضع شرحته في باقي البوست الي كتبتها فيه
بس اتوصلت غلط او وصلت غلط او اتشرحت بطرق غير اللي كانت في نيتي
انا كتبتها استنكااااااااارااااااااا لحاجه وبكررها اهيه
وكامل اعتذاري للاخوه المنسقين جميعا داخل نيسان وخارجها لاني انا كمان جزء من منسقي المنتدي
انا شرحتها وشرحت القصد منها كذا مره جوه الموضوع
بس دا بوست ليها لوحده
ولو كان اي منسق زعل منها بناء علي فهمها بمعني غير المقصود
فحقه علي راسي من فوق
داخل ارد ولسه بعمل ريفريش لقيت شنوري سبق ووفر عليا كلام كتير قوي
بس ده لا يمنع اني برضه اقول ردي باختصار
شنوري انت فعلا زي ما قولت لو فكرت تقول كلام مش كويس على المنسقين تبقي هاتهين نفسك اول واحد لانك حامل لنفس اللقب
اللقب ده يشرفني انا شخصيا لاني اول حامل للقب ده في المنتدي وكان اول لقب احصل عليه (المنسق العام للمنتدي)
ولقب منسق دي مسئولية كبيرة جدا وفي الشركات والكيانات الكبيرة معروف ان المنسق ده بيقوم بدور خزعبلي وطول مالدنيا هادية وماشية كويس تعرف انه فاحت نفسه شغل
فالمنسقين عندنا هما حلقة الوصل بين 3 نقاط
الاعضاء وهم محور او لب الموضوع
والتوكيلات ومراكز الخدمة كمقدمين للخدمات للاعضاء
والادارة كوسيط بين الاتنين لتوفير مكان محترم يتم فيه نقاش موضوعي
ماينفعش ابدا اقول ان المنسق ليه مصلحة
المنسق ده شخص تبرع بوقته وجهدة واعصابة عشا يحاول يوصله وجهة نظهر مقدم الخدمة للعميل والعكس
لكنه غير ملزم بالرضاء التام م العميل
ديمسئولية مقدم الخدمة
وكتير جدا م المنسقين هنا بيتعاملو بدون جود توكيلات وراهم زي دايو وهوندا وبي واغيرها من الاقسام
كلامي اللي فات مش ليك يا شنوري ولكن توضيح لدور المنسقين بصفة عامة
اما احمد مصطفي كشخص هو مثال لتجربه فريدة كان فيها قبلها في قسم بروتون لكن مكنتش بنفس نجاح واخلاص شخصية احمد مصطفي
ونهضة قسم نيسان في خلال الاربع سنوات الماضية بالارقام هو دليل واقعي على كونه تجربة فريدة ساندتة فيها ادارة المنتيد ودعمته بكل قوتها عشان يكون مثال يحتذي بيه لباقي الاقسام
صاحب المشكلة
بحكم امتلاكي الشخصي لمركز سمكرة ودهان باحد الاماكن الصناعية
احب اعرفك ان في اخطاء واردة في المهنة دي منها اختلاف اللون
وده خطأ طبعا واللي يقول غير كدة يبقي مابيعرفش عن الموضوع
ورغم اختيار العامل للون بكود صحيح الا ان (التجهيز) السابق لعملية الرش هو اللي ممكن يعمل كدة واحيانا العوامل الجوية من رطوبة وحرارة وغيرها ولكن بنسب بسيطة
الاهم هو اني لاول مرة اشوف توكيل بيدخل يرد على العميل وطالب رضائة
وده اللي مكوناش بنشوفوه قبل كدة اطلاقا
عشان كدة احب اقول شكرا لاوتو ايجبت على اهتمامها بالعميل
شكرا لاحمد مصطفي وكل منسقي نيسان وكل منسقي نايل موتورز على اهتمامكم بالاعضاء
شكرا نايل موتورز نفسه للخطوة اللي وصلنا ليها دي من النجاح
اخيرا وليس اخرا لصاحب المشكلة
تليفوني الشخصي
01001263030
ليس معي سوي رقم واحد وبرد دايما لو مش في اجتماع او نايم
لو ماتحلتش مشكلتك اتفضل عندي وهارشلك العربية بضمان سنة بدون ما تدفع مليم واحد
ولكني على ثقة شديدة باوتو ايجبت وبكفائتها في خدمة عملاء نيسان وده قول جربته بدل المرة 6 مرات ومنغير ما يعرفو اني اللي كنت باعت العربيات دي
تحياتي الخاصة
كريم منير
رئيس مجلس ادارة المنتدي
احمد انا اسف انا عاوز اعرف قصة اي مركز خدمه حل مشكله لحد بعد ما داخ السبع دوخات و زي ما تذكر موضوع اسامه دهب بعد ما العربيه قعدت كتير و كذا زياره في التوكيل و و التوكيل فك الموتور عالفاضي و قصص زي دي كتير و في الاخر ميكانيكي بشنطه حتى معندهوش ورشه حلها ببساطه و منطق التوكيل من وجهة نظري انت تروحله بالمشكله و حلها و تقوله يغير ايه في الضمان + شويه تربيط + تغيير زيت و دمتم
يا أخــــــي بحبك في الله :018A1D~146:
ربنا يجعله في ميزان حسناتك يارب يا كريم .... و كلامك صح تماما وفي الاخر كلنا عايزين المصلحة وكله بيعود بالنفع علي العضو ومركز الخدمة والمنتدي
علشان اللي بيحصل مع عضو بيحصل مع غيره فالتنبه لازم وضروري وهنا دور مرك الخدمة انه يخد باله من النقط ديه ويعالجها
وكله بتيسير الله ..... الحمد لله
i.e ..... كيمو انا عايز ابو سنة ببلاش ده :36_7_4[1]: