فى ضوء الاسعار بتاع الاسترا دى ممكن تسال على اسعار الفانتازيا ..!!!
الفانوس الخلفى فانتازيا 2012 مش معدى 600 جنيه وفى الوكيل كمان
عرض للطباعة
الفانوس الخلفي بتاع فكترا c 2008 ب800 ج مثلا و الفانوس الخلفي للباسات ب900ج , دول اللي انا متأكد منهم ,,,ممكن الفانوس يكون اغلا شوية (بتاع استرا) عشان موديل جديد و لكن قطع الغيار الاستهلاكية واحده , اقصد ان الواحد مش بيكسر فانوس كل يوم ..انا افضل انك تروح بنفسك التوكيل منصور تسأل على القطع اللي انت قلقان منها ,,,اللي اقصده ان الفرق بينها و بين سكودا او فولكس من نفس الفئة حيكون زي الفرق بين مرسيدس و بي ام في اسعار القطع (دي اغلا في حاجة و دي اغلا في حاجة) ,,,
هات الاسترا وخلص عشان ابقى اسوقها شوية lol
عندي سؤال.. هو في مشكلة ان الاسترا تصنيع بولندي؟؟؟
اتوكل علي الله وهات الاسترا
يعني انا كنت ناويه اجيب الاسترا و دلوقتي حيرتوني تاني اهم سوال عندي التوكيل سئ من جهه ايه يا ريت حد يجاوب
و الله يا جماعه انا نزلت اتفرجت على الاسترا يوم الاثنين اللى فات فى توكيل منصور و بصراحه العربيه جامده كفايه اصلا اول ماتقعد على كرسى السواق كده تلاقى جسمك كله ريح ضهرك على المستن و رجليك على الكرسى و مرتاح و فى نفس الوقت لو نزلت تركب ورا هاتلاقى الكنبه ورا مريحه و المساحه بتاع الرجلين كويسه مع العلم ان طول حوالى 180 سم بالنسبه للكماليات العربيه حلوه فى كماليتها بس مافيهاش بلوتوث ولا جى بى اس ولا فى اى فئه من الفئات الثلالثة الشنطه بتاعتها حلوه و واسعه اى نعم هى مش واسعه زى الفانتازيا بس ارجع و اقلك انها واسعه وسع حلو و تشيل بس لما اتفرت على حوض الموتور جالى خيبه امل التقفيل بتاع الحوض مش حلو و البطاريه مكشوفه مالهاش غطا و جنبها بتاع كده لازق فى جنب البطاريه بين الموتور و البطاريه انا معرفتش ايه هو و نسيت اسال الراجل كمان بسالراجل قالى اوعى تلمسه الميه احسن مايحصلش خير طبعا الموتور مالوش غطا فيه كمان حاجه الكبود لما مسكته لقيته خفيف مش تقيل كده زى بتاع الفانتازيا وبعد لما سندت على الحته اللى قدام الكبود لقيتها خفيفه و كانت هاتتنى تحت ايدى ولما سالت على قطع الغيار الراجل قالى ان الفانوس الخلفى فعلا بـ 1150 جم الف و مائه و خمسون جنيه مصرى لاغير طبعا الجنوط شكلها حكايه على العربيه و خصوصا الجن الـ "17 الى فى الكوزمو و الكوزمو تيربو اما الانجوى فيها مقاس 16 كويس برضو و يقضى الغرض العربيه فعلا حكايه
كد بقى يبقى فاضلى انزل اتفرج على الفانتازيا فى الوكيل برضو اركبها و اسال على كل حاجه فيها و ان شاء الله الواحد يقرر ده طبا بعدد ما الواحد يصلى استخاره
اه بالحق كنت هانسى ... انا سالت الراجل هو ليه منصور واخد سمه زى الزفت عند الناس قاللى ياباشا منصور واخد المركز الاول فى خدمة ما بعد البيع من ..... &^%$%^$# ــ حاجه كده مش فاكر اسمها ــ السنه اللى فاتت و اللى قبلها و ناس كتير جدا قلقتنى من توكيل منصور اوبل
المهم ان شاء الله انزل اشوف الفانتازيا و ربنا يقدم اللى في الخير
عرفتك من صورة العربيه يا فقرى
انا نزلت اتفرجت على الاسترا بصراحه عربيه حكايه بس لسه انزل اتفرج على الفانتازيا بالمره و اشوفها
و ماتخافش ان جبت الفانتازيا هابقى اخليك تاخد بيها لفه و ان جبت الاسترا هاخليك تاخد بيها لفه برضو يعنى انت كده كسبان كسبان ماتخافش خير ان شاء الله
متابع باهتماااااااااااااااام