انا شوفت الكلام ده فين قبل كده:Copy of majd(4):
أوجزت فأنجزت :bravo:
عرض للطباعة
سبب تحيزى للاسترا ماتور اقوى شكل لسة جديد موديل السنة وشكل السنة مش منتشرة من نحيت التميز والانفراد عربية شيك مش اى حد ممكن يركبها التكنولوجيا الى فيها اعلى خد بالك.
ما دام بدفع فلوس يبقى اى كمالية زيادة تفرق معايا لو حتى (فواحة بيلت ان)
اكيد طبعا انتا فهمت التكنولوجيا الى فى العربية مش محتاج حد يقولك مميزتها دة غير انها اوبل انت بتركب عربية المانى مش صينى تانى حاجة اوبل عمرها ما نزلت عربية وطلعت تعبانة او قطع غيرها مش متوفرة ما دام انت قدرت انك تجمع المبلغ دة يبقى انت هتقدر على صيانة الاوبل كل الى اعرفهم جابوا عربيات زيروا صينى كورى المانى امريكى
بسم الله ما شاء الله اول 3 سنين مش بيحتاجوا حاجة فى العربية غير القطع الاستهلاكية الى بتفرق فى طول عمرها من ماركة لماركة
يعنى مش حجات تخض يعنى
فى المنتدى هنا اخ كريم اشترى فورد2012 فوكاس وعلق على موضوع حضرتك وقالك تقريبا اوكتافيا مش فاكر
وهوه راكب فورد ومعجب بيها واشتراها وبسببة دخلت شوفت اسعار قطع الغيار لقتيها كويسة يبقى اكيد هوه مش رامى فلوسة على الارض او حد لقاهم وبعدين مين قال لحضرتك ان سعر اعادت بيع الاوبل ضعيفة شوف الاوبل فيكترا 2010 دلوقتى بكام وشوف الفكترا a5دلوقتى بكام واحد معايا فى الشغل مهندس صيانة مشترى العربية فى شهر 6 ب 95 الف وعاملة حاجة 85000 كيلوا وفابريكة برة وجوة موديل على ما اعتقد 2008 كان ساعتها قدامة عربية فكترا 135 الف جنية يبقى فين سعر اعادة البيع المنخفض
فى حاجة كمان كل ما الشكل بيقدم كل ما سعرة بيقل الاوكتافيا بقالها كام سنة شكلها ثابت فى ناس كتير مش بتعرف تفرق قوى من الخلف ما بين ال a5 و الفانازيا
فا حرام تقارن حاجة تصميمها جديد بحاجة بقالها اكتر من سنه واحدة دة بس فى حالة التصميم
فا الاوبيل حاجة جميلة مش تخوف انك تركب عربية مش علشان لسة هتبقى من اوائل الناس الى هتركبها يظلمها او يعبها
ورشحتلك الاوكتافيا لان دة تفكير اكتر الناس الى حابة تركب المانى يعنى بالبلدى التفكير الى مش هيخصرك فلوس لا من سعر اعادة البيع ولا قطع الغيار ولا من نحيت اعطال غريبة ولا فتيس ولا حاجة من الحجات الى خلت الاوكتافيا تتميز وتثبت جدارة [OVERLINE]يعنى ركوبتها مكسب مش خصارة[/OVERLINE]
مع تحفظى على شكلها من وجه نظرى والعزل والاعدة فى العربية بالنسابلى كانت مش مريحة خاللللللص فى المشاوير الطويلة من مصر للمحلة للمنصورة الطريق الزراعى
فرامل جميلة اى ثبات حلو بس مش زى ال بى ام موديل 2002 والمرسيدس 500 ولينكون1999 مع خالى حابب اقولك حاجة اخير بتقارن اية باية
- شكل قديم باخر موديل احدث تصميم وتكنولوجيا وكماليات
- حجم اصغر بحجم اكبر من ناحية الطول والعرض وعرض قاعدة العجلات (لو ملى متر واحد يفرق معايا)
- محرك اقل فى القوة مع محرك اعلى عزم وقوة احصنة (ولو حصان واحد فقط)
- استهلاك بنزين 7.4 ضد 7.1
وربنا يعينك فى الاختيا انا حاسس بصعوبة الامر
ربنا يعينك لو عاوز نصيحة اخوية وانت محتار قوى كدة شوف جزئ المادة وركز فية الى يوفرلك فلوس اشتريها وافتكر انا قلتلك ان شراء الاسكودا مش هتخصر من ركوبتها من ناحيت انها ليها زبونها وليها قطع غيار بس
لاكن كدة كدة الاتنين بعد من 3 سنين الى 5 سنين مش هتقل الخصارة المادية فى حالت الزيرو فقط (يعنى لما تشترى زيروا )
55000
كدة الحوار اخد مسار الشكل المادى الى تكسب فية اشتريها وانت مغمض انا شايف المقارنة من الناحية دى فقط
انا رشحتها فقط من ناحيت خدمة ما بعد البيع بسسسسسسسسسسسسسسسسس
عملت تست درايف للأسترا ؟ بس تعمل تست درايف للفئة الي انت ناوي عليها (يعني ما تعملش تست للتربو وتشتري العادي)
روح ضروري علي موقع whatcar.com حتلاقي اسمها vauxhall وشوف الريفيو والفيديو وراي الناس اللي جابتها -- واعمل نفس الحكاية مع الفانتازيا وقوللي رأيك
انا دخلت على الموقع و لقيت الاتنين واخدين نفس التصنيف ( اربع نجمات ) بل انه قايل ان لاسترا سعر شرائها او ايجارها عالى جدا و رغم كده مش بتحتفظ بسعرها و سعرها بينزل بسرعه
و قايل فى اخر حته فى الفيديو بتاع الاوكتافيا انها عربيه تستثر فيها فلوسك
الملاحظات فى الاتين عموما كويسين بس مش عارف انت رايك ايه يمكن انا مافهمتش انجليزى كويس
انا ليه راي في الموضوع ده لاني كنت في نفس الحيره دي بس كان بقالي فيها خمس شهور ابتداء من المقارنه مابين القاسقاي والاوكتافيا والفورد والسوبارو وانتهاء بالاسترا والحمد لله اخدت قراري ورحت حجزت الاسترا من يومين بناء عل المعطيات التاليه: ١- الفورد فوكاس عربيه ممتازه فخمه ورياضيه وقطع غيارها معقوله وتوكيلها كويس لكن عيبها القاتل البنزين ٩٥ ٢-السوبارو برده عربيه ممتازه بسعر ممتاز لكن عيبها القاتل توكيلها وقطع غيارها ناااااار وسعر اعاده البيع مش قليل لا ده مش موجود اساسا والعربيه مانتشرتش ولا نجحت خالص ٣-القاشقاي جميله وعيني عليها بس شايف انها مش احتياجاتي دلوقتي فعشان كده شلتها من الحسابات ميفضلناش دلوقتي غير الاتنين الجبابره الاوكتافيا والاسترا تعالو نقارن مابينهم كده اولا :المواتير : اقدر اعتبر الاتنين مواتيرهم ضعيفه عليهم وان كان في فرق تكنولوجيا وقوه لصالح الاسترا مع طبعا اهمال النسخه التيربو عشان البنزين ثانيا : جوده التقفيل والخامات : الاتنين عربيتين يعتبرو الماني متقفلين بره المانيا والجوده والخامات في الاتنين ممتازه والعربيتين تحس بتقل فيهم كده وانت راكبهم فمفيش فرق في الموضوع ده يعتبر ثالثا : الشكل الخارجي والداخلي : انا بصراحه شايف الاتنين شكلهم حلو وقوي وفخم بس انا شايف انه حرام الواحد يدفع الفلوس دي فعربيه زيرو شكلعا تقريبا هوه هوه بقالو كام سنه فين احساسك ان جبت حاجه جديده تخيل كده نفسك طالع من المعرض راكب الاوكتافيا الزيرو ياترى هتحس بانك جبت حاجه جديده استحاله طبعا ماهي هي الاوكتافيا الي مرميه في الشارع بقالها كام سنه فين باه متعتك في الزيرو وانت بتفرج اصحابك واهلك على عربيتك الجديده مفيش عادي جدا هتروح تقعد مع اصحابك واهلك وتقلهم انا جبت عربيه اوكتافيا جديده حتى مفيش واحد هيقولك تعالى فرجهاني مهو هيشوف اه هيه الاوكتافيا الي اكيد ركبتها قبل كده مع حد انا بصراحه حاسس ان الاوكتافيا هتضيع متعه العربيه الزيرو لانها مش حاجه جديده غير طبعا الاسترا الي لسا جديده حتى الهاتش باك بتاعتها الي كانت موجوده مكنتش منتشره فمعظمنا مركبهاش قبل كده كفايه احساسك وانت قاعد بنستكشف في زراير العربيه ده بتاع اه وده بتاع اه غير الاوكتافيا الي اكيد محفوظه رابعا : الصيانه والتوكيل : في النقطه دي تتفوق الاوكتافيا ان صيانتها واسعارها افضل بس اكيد مش كتير اصل انت كعربيه زيرو هتعمل فيها اه ان شاء الله غير الصيانات العاديه زيوت وفلاتر وسيور واعتقد ان الاتنين هيبقو في رينج اسعار واحد في الحاجات دي وياريت لو حد عنده اسعار صيانات وقطع غيار للاتنين من التوكيل ينشرهلنا خامسا: سعر اعاده البيع : وده تتفوق فيه الاوكتافيا بس تفوق مرهون بحاجات كتير اولها نزول الشكل الجديد و يانرى الشكل الجديد هينزل بفتيس اه وموانير اه واسعاره هتبا اه وهل الرابيد هتنزل ولا لا حسبه كده معقده لايعلمها الا الله وتقريبا مينفعش ابني عليها قرار شراء عربيه لان ممكن كل حساباتي تطلع غلط وابا جبت عربيه عشان المحافظه عل فلوسي وطبعا ده شيء مهم جدا بالنسبه لينا كلنا وطلعت غلطان. سادسا : الكماليات : ودي خلتها في الاخر لان ناس كتير هتعتبرها حاجه مش مهمه ولو انها بات مهمه طلم بتدفع فلوس وفي فرق سعر كمان مابين العربيتين وبالرغم من كده الاسترا كمالياتها اعلى ابتداء من ال esp وحساسات الاضاءه والمطر والباركنج والجنوط ال ١٧ الي اكيد تفرق كتير عن الطاسه والكاسيت ال usb والفرش الافخم وفي الاخر احب اقولك ملكش غير صلاه الاستخاره وتوكل عل الله اتفرج عل الاتنين وشوف هترتاح لمين فيهم وياريت موضوع جداول الصيانه بتاع العربيتين لو حد يعرف يجبهم يبا كتر خيره
ايوه حجزتها من المنصور الي في شارع الطيران وقالي الاستلام بعد ٧٥ يوم بس وديا كده قالي انه ان شاء الله هيبا قبل كده والمده دي مده احتياطيه مش اكتر وبالنسبه للانجوي هيبا التسليم اخر الشهر ده مع انهم بيقوله ٤٥ يوم وعموما عاوز اقولك كميه الناس الي بتيجي تتفرج عل العربيه مش طبيعيه عدد كبير جدا دي العربيه نفسها صعبت عليا من كتر الفرجه الناس مرمتطها خالص وبصراحه هم مبيقولوش لحد اي حاجه وبيسيبوك تعمل الي انت عاوزه فيها براحتك خالص