الموضوع: عرض خاص للاعضاء :: أكبر خصم على اكسسورات سيارات نيسان مع التوكيل باستيكر نايل

شكرا جزيلا على المجهود الرائع

المشاركة الأصلية كتبت بواسطة ahmed.tv

انا لما اخدت اسعار الاكسسورات اخدتها من مدير الاكسسورات الفرع الرئيسى

وبكرة باذن الله المدير لما كلمته النهاردة قالى حيبعت لكل الفروع بالقائمة اللى اخدتها منه عشان يتفعل

وبخصوص الحاجات اللى حضرتك سالت عليها وكانت مختلفة عن المكتوب

السنسور 440 للقاشقاى فيه شاشة .. واللى مكتوب ب500 جنيه صوت فقط .. بس جودته اعلى وضفيرته مختلفة والتانى موجود بردوا

وبخصوص وحدة الرفع .. كان فيه عندهم اللى ب770 جنيه وكانت ايطالى .. ووارد ان اى فروع لسه عنده استوكات منها .. واللى جابوها جديد اللى ب1000 جنيه دى بتركب بفيشة مش زى الانواع اللى كانوا جايبنها قبل كدا .. لان دى انا شوفتها بعينى

وطبعا زى ما قولتلك الضمان بقا 3 سنين دلوقتى مع العروض الجديدة

والكلام ده كله تم التاكيد منه تليفونيا بعد مشاركتك عشان اتاكد .. لان استحالة حد يعطينى اسعار فيها خداع .. للاسباب كثيرة .. منها سمعة المكان .. ثانيا لانها حتنتشر على الانترنت .. ولازم يكون فى مصداقية .. ثالثا معايا ورق مطبوع بالاسعار دى .. وانتوا شوفته جزء منه مرفوع فى الموضوع .. لانى مش حرفع كل الصور عشان مفيش حاجة واضحة فى الصور اوى غير فيش فقط .. والصور موجودة بالاسعار لو عايزين ارفعها

غير ان فى صورة مكتوب فيها اسم مودرن فى الموضوع ومكتوب فيها كمان الضمان 3 سنين بالقلم الازرق

والاهم انى جبت العرض من المدير الرئيسى للموضوع ده .. وهو من خلال تعاملى معاه انسان محترم جدا وخدوم باقصى درجة .. وكمان كان مدير خدمة ما بعد البيع على علم بالموضوع والعرض

ومن بكرة العروض دى حتتفعل باذن الله على كل الفروع

===========

وكمان بكرة حيجيلى صورة لجنط اندونيسى .. انا شوفت شكله .. بس نسيت اخد صور عليه واسعاره .. فبكرة اسعاره حتكون عندكم فى الموضوع ده

تحياتى للجميع

شكرا على التوضيح با كبير ...
بس انا كنت فى مودورن يوم الاربعاء و الاستاذ هناك اللى ممكن ابعتلك اسمة و رقمة على الخاص ورانى كل كمالبات القشقاي الموجودة فى مودرن و كانت نفس الكماليات اللى جبتها بالتليفون من ابو رواش و مقليش فيها على السنسور ابو 500 و لا الروافع اللى ب 1000 و ورانى نوعين روافع ,, نوع رخيص بيحتاج يقشرة الضفيرة و ورانى النوع التانى ب 770 و ورانى السوكتات بتاعتة و ازاى بتتركب و دة بعد ما قلتلو ان اوتو ما بترداش تركبهم علشان بيقولو لمل كلمتهم بتاثر على ماكينة الزجاج فورهاملى و قاللى اصلا اوتو ايجبيت ما عندهاش الاكسسوارات دى و ما عاندهومش حد متخصص فى تركيبهم..
اسف على الطالة و دة و اللة اللى حصل بالتمام و الكمال

جزاك الله خيراً

موضوع متميز و مش جديد
هوا ده احمد مصطفي :)

شكرا ليك يا احمد خصومات هايلة و ممتازة

الله ينور يابو حميد هو ايه من دول ممكن يركب للتيدا

جزاك الله خير