لو لم تكن مصريا لوددت ان تكون ايه.... ؟!

**khaled_legend** · 11-11-2012 04:10 AM

لو لم اكن مصريا لوددت ان اكون انجليزيا

**khaled_legend** · 11-11-2012 04:28 AM

المشاركة الأصلية كتبت بواسطة RAPID

عن نفسى لو امريكيا يبقى فل واخر تمام
"بس امريكى مسلم"

لا تتمني ذلك لانك لو كنت مسلم في الولايات المتحده فسوف تعيش حياه ضنك

**khaled_legend** · 11-11-2012 04:29 AM

المشاركة الأصلية كتبت بواسطة khaled_legend

لو لم اكن مصريا لوددت ان اكون انجليزيا

**ahmed legend** · 11-11-2012 07:52 AM

امريكيا

**khaled sabry** · 11-11-2012 02:14 PM

بصراحه لودت ان اكون انجليزيا
بلد نظيفه و محترمه و راقيه ... مش كلاب سعرانه على الفلوس زى امريكا
الحضاره بتفرق برضه - امريكا علشان ماعندهاش حضاره فعلشان كده تلاقى خسه الدنيا فيهم
انجلترا بلد راقه و عندها حضاره برضه
ولو حد قالى ماهى مصر فيها حضاره - حقولك مصر بالمناسبه "ماعندهاش غير الحضاره" و هو ده سبب الخير اللى فينا
على فكره انا ماقصدشى بالحضاره يعنى الاثار و الاهرام و الكلام الفارغ ده
انا اقصد بالحضاره هو الاخلاق المتوارثه اللى بنتعلمها من المجتمع من غير مانحس

**RAPID** · 11-11-2012 11:36 PM

اشكر كل من مر بالموضوع وابدى رايه، واتمنى السعادة للجميع لكن عن نفسى مش شايف فى الجنسية المصرية اى ميزة عن اى جنسية اخرى بصراحة والحياة ايضا فى مصر لا يوجد بها ما يميزها عن الحياة فى اى بلد "محترمة" ببساطة الحياة اصبحت لا تطاق واسف انى اقول ان "قلة الادب" اصبحت بعد الثورة العنوان الرئيسى فى التعامل على جميع المستويات الا من رحم ربى والاهم انى مش شايف اى امل او حتى دليل واحد لمستقبل افضل (احنا بناكل فى بعض)...

الواحد مش عايز غير حياة هادية باحترام وتقدير وادمية وبشر بتفهم وتدى حقوق قبل ما تطالب بواجبات وحكومة مش بتاكل بعقول الناس حلاوة، اى بلد تتوافر فيها هذه الشروط اتمنى ان تصبح بلدى من هذه اللحظة غير اسف ولا حزين على ما امضيته من عمرى فى مصر

**SeiffoZ** · 11-11-2012 11:48 PM

لوددت ان اكون روسيا

**khaled_legend** · 12-11-2012 03:22 AM

المشاركة الأصلية كتبت بواسطة khaled sabry

بصراحه لودت ان اكون انجليزيا
بلد نظيفه و محترمه و راقيه ... مش كلاب سعرانه على الفلوس زى امريكا
الحضاره بتفرق برضه - امريكا علشان ماعندهاش حضاره فعلشان كده تلاقى خسه الدنيا فيهم
انجلترا بلد راقه و عندها حضاره برضه
ولو حد قالى ماهى مصر فيها حضاره - حقولك مصر بالمناسبه "ماعندهاش غير الحضاره" و هو ده سبب الخير اللى فينا
على فكره انا ماقصدشى بالحضاره يعنى الاثار و الاهرام و الكلام الفارغ ده
انا اقصد بالحضاره هو الاخلاق المتوارثه اللى بنتعلمها من المجتمع من غير مانحس

قلت كل اللي علي لساني

**khaled sabry** · 12-11-2012 08:52 AM

المشاركة الأصلية كتبت بواسطة seiffoz

لوددت ان اكون روسيا

الروسيين اسواء مننا اقتصاديا و معيشيا
انزل الغردقه حتلاقيهم مالين الدنيا هناك لأنهم بيهاججرو من بلدهم على مصر

الصراحه الميزه الوحيده اللى فى روسيا هو الجمال الشديد للبنات اللى هناك وصعب انك تلاقى الاشكال اللى عندنا دى - و هى ميزه لاتعوض طبعا

**MTAK** · 12-11-2012 02:29 PM

تابعت كل الردود و فكرت و سرحت شويه

لقيت السؤال ناقص حاجه او الاجابات ناقصه حاجه

انت نفسك تكون ايه بس امتى

يعنى اول ما خطر بذهنى انى اكون يابانيا فكم انا عاشق لتلك البلد و ناسها و بعد التفكير طيب ما انا ممكن اكون اليابانى بتاع حرب الصين اللى ارتكبوا فيها مجازر و هميه
او يابانى معنديش تفاهم (سيبك من اللى بتشوفهم دلوقتى - اتفرج على افلامهم القديمه و انت تشوف العجب العجاب)

قولت خليى ماليزى - بس لقيت ان ماليزياا برضه فيها كده و كده مش كلها عيشتها حلوه

طيب ندخل زى ما قال الاخوة على الدنمارك و السويد - لقيت اعلى معدل للأنتحار و كتير من اللى راحوا جالهم اكتئاب من الجو و الشمس اللى قليل لما بتتشاف و اللغه الصعبه جدا بتاعتهم - دا بيقولوا المولود عندهم ما بيتكلمهاش بسهوله :)

طيب خلينا فى دوله عربيه غنيه
بس يا عم خلينى اماراتى او قطرى - برضه سرحت و قولت ما احنا كنا بنصرف عليهم - هما دلوقتى فى العالى بس برضه العراق كانت فى العالى قوى و دلوقتى الله المستعان على العيشه فيها

طيب اعمل ايه

ارتحت الى تفكير فى نفسى

كل ميسر لما خلق له - و دوام الحال من المحال

و احنا بنعمل اللى علينا و على الله قصد السبيل
///////////////////////////////////////////////

نفسى كنت اكون من سكان جزر هاكونا مطاطا :)