ما هي الصيانه الدوريه للماروتي؟؟

**rameahmed** · 11-11-2012 10:19 AM

السلام عليكم ورحمة الله وبركاته
انا معايا ماروتي2008 و كونت عاوز اعرف ايه الي لازم اغيره كل فتره للعربيه ذي سير الدينامو و سير الكاتينه و فلتر البنزين و فلتر الهواء و لو في حاجه تانيه بتتغير يا ريت يا جماعه حدي يقلي هي ايه و بتتغير كل اد ايه عشان ان مش عاوز العربيه تعمل معايا الدنيئه و جزاكم الله كل خير م معلش السؤال طويل بس انا لسه جديد في موضوع العربيات ده.

**waelgam2005** · 11-11-2012 10:33 AM

طيب قول العربية عامله كام كيلو عشان الناس تفيدك اكتر

**Amr Axel** · 11-11-2012 11:15 AM

اتفضل ده جدول الصيانات طبقا للدليل

http://www.nilemotors.net/Nile/98669-800.html

اما سير الكاتينة ده اعتبره حالة خاصة و غيره كل 40-50 الف احتياطي
او سنتين- 3 سنين بالكتيير لو مش من الناس اللي بتمشي كتيير لأن القطع بيكون ليها عمر سواء بعدد الكيلومترات اللي مشيته او عدد السنين زي الكاوتش مثلا لو عدي عليه 5-6 سنين من تاريخ الانتاج بدون استخدام خلاص فتخيل مع الاستخدام

و اعراض سير الدينامو تصفير عند بداية تشغيل العربية و ينتهي بعد مع العربية تسخن او شكل السير نفسه

فلتر الهوا اعراض تلفه هتلاقيه وبر او بعض الريش اتعوجب او الاثنين معا D: عشان فيه فلاتر مبتكملش اساسا الوقت زي الدليل

فلتر البنزين يفضل تغييره بشكل ثابت زي الدليل ما بيقول

**rameahmed** · 16-11-2012 01:15 PM

طب و بالنسبه للبوجيهات و تيل الفرامل و الحاجات التانيه ده بنعمل فيها ايه ؟؟

**rameahmed** · 16-11-2012 01:16 PM

المشاركة الأصلية كتبت بواسطة waelgam2005

طيب قول العربية عامله كام كيلو عشان الناس تفيدك اكتر

و العربيه موديل 2008 و عامله 18000 كيلو متر

**Amr Axel** · 16-11-2012 01:32 PM

المشاركة الأصلية كتبت بواسطة rameahmed

طب و بالنسبه للبوجيهات و تيل الفرامل و الحاجات التانيه ده بنعمل فيها ايه ؟؟

البوجهيات ع 20 الف و ممكن أقل و تيل الفرامل ع حسب لازم تبص عليه تشوفه قرب يخلص و لا لأ
بس خلي بالك مش معني ان العربية 18 الف ك يبقي متعملش اي صيانات فيه حاجات بمرور الزمن مش مجرد عدد الكيلومترات زي ما وضحت فوق