عندى مشكلتين فى لانسر99

**mo7ei** · 11-07-2008 08:35 PM

السلام عليكم ورحمة الله وبركاتة
انا عندى مشكلتين فى لانسر 99 ارجو ان حد يفيدنى فيها
1- عند سرعة 120 كيلومتر او اكتر بحس برجرجة وهز شديد فى الدركسيون .
2- العربية غالبا بتحدف نحية اليمين ورحت اظبط زوايا فى البنزينة فالراجل بتاع الزوايا قلى انها مظبوطة تمام ومفيهاش حاجة وقالى ممكن تغير العجلة اليمين مكان الشمال هتظبط معاك , وفعلاً بدلتهم مكان بعض ولكن العربية بقيت بتحدف اكتر من الاول .
ارجو من عندة حل للمشكلتين دول انة يفيدنى ولة جزيل الشكر

**Ghamrawy** · 11-07-2008 11:45 PM

و عليكم السلام و رحمة الله
المشاكل باذن الله بسيطة
الكاوتش محتاج ظبط اتزان مش اكتر الا لو كان قديم و فيه عالى و واطى يبقى فى الحالة ديه غيروه
بالنسبة للحدف :راجع ضغط الهوا فى الكاوتش و لازم تظبطه و الكاوتش بارد و عند حد يكون المقياس بتاعه مظبوط