الموضوع: c180 ولا vectra

المشاركة الأصلية كتبت بواسطة Mhmd Ngdy

شكرا يا باشا
بس انا شوفت ولحد كاتب الكلام ده علي الفيس بوك هل هذا الكلام صح ام لا ((منصحش اي حد انه يركب اوبل خالص لأن الفيتيس بتاعها الاتوماتيك نقلاته مش حلوة وانت ماشي بتحس بكل نقله بينقلها الفيتيس لدرجه انها في طالعه العربية وهي بتنقل من الاول للتاني تلاقي نفسك طلعت لقدام ورجعت لورا وكأنك راكب جمل . والكلام ده عن تجربه مش مجرد كلام وخلاص تجربه في اوبل فيكترا موديل 2008 واوبل استرا كوبية موديل 2008 وسمعتها من ناس كتير اوي معاهم اوبل برده))

من البدايه فيكترا c و استرا h مفيش منهم اوتوماتيك فى مصر هو بس الاخ بتاع الفيس بوك مش فاهم الموضوع الفتيس ده اسمو ايزى ترونيك وده فتيس مانيوال عادى جداً باسطوانه وديسك وبليه زى اى عربيه مانيوال بس فى كنترول هو اللى بيدوس دبرياج وبينقل يعنى عربيه مانيوال منغير دبرياج ولا نقلات لكن ميكانيزم دوستك على البنزين مختلف زى المانيوال طيب ايه الميزه؟؟؟؟ استهلاك بنزين اقل وتسارع المانيوال وسهولة صيانة الفتيس ..... طيب هل ده اختراع فى اوبل؟؟؟؟؟ لا كل فيات فى مصر من ٢٠٠٣ واوبل كورسا واسترا وغيرهم بره مصر من ٢٠٠٢ وده نظام مش جديد والجيتا والباسات نفس النظام مع اختلاف التكنولوجيا ....... طيب قيدتها محتاجه خبير؟؟؟؟ لا بعد اول ٢٠ دقيقه قياده هتلاقى نفسك مستغرب هى الناس كانت بتتكلم على ايه بسكده هو ده الموضوع ببساطه وممكن تسوقها مانيوال بس منغير دبرياج من الاخر الفتيس ده اختراع ملوش حل وهو المستقبل