السلام عليكم عشيره نايل موتورز
الموضوع ده للتاكيد النهائي لحضور مقابله الجمعه القادمه
المشاركات للحاضرين فقط وطلباتهم والتاكيد علي الحضور وعدد الافراد مع كل عضو
اي مشاركه خارجه عن نص تأكيد الحضو حتتحذف مع الاعتذار لصاحبها
المناقشات في الموضوع التاني
ده وبكرر لتاكيد الحضور فقط لا غير وليس للاعتذار

ده لينك موضوع المقابله
لاي مناقشات تانيه او تفاصيل
http://www.nilemotors.net/Nile/316153-16-11-2012-a.html




اقتباس المشاركة الأصلية كتبت بواسطة SHNORY مشاهدة المشاركة
بعد 120 كيلوا مشاوير
و120 دقيقه اتصالات
وحوالي 20 رقم سجلتهم علي الموبايل لسماسره
تم حجز شاليه وشقه فوقه دور اول
وممكن ناخد الشقتين اللي فوق وممكن ناخد العماره كلها كمان علشان الناس اللي عاوزين يباتو
انا بحمد الله ظبطت كل حاجه
وحجزت شاليه ارضي وشقه دور اوي
علشان الستات اللي حابه تريح او تغير او يخططوا انهم يغسلوا ويرموا علينا ميه الغسيل
والشاليه الارضي هو المركز الرئيسي للمقابله
والحمد لله المكان علي مستوي يرضيني من النضافه

دا مطبخ الشاليه


صوره للطرقه وفيها 2 حمام و3 غرف نوم



جزء من الريسيبشن وصوره البحر



صوره البحر بذات نفسه



الكنيف - التواليت - بيت الراحه



غرف من غرف النوم وفرشها نضيف جدا


صوره تانيه للشاليه

اتمني يعجبكم


الشقه او الشاليه ب200 جنيه في اليوم
علشان لو حد حابب يؤجر ويبات
فيه 7 شقق في العماره تبع السمسار الي اجرت منه
اقتباس المشاركة الأصلية كتبت بواسطة SHNORY مشاهدة المشاركة
انا حشرح الطريق بالكلام كده بقي وربنا معاكم

اللي جايين من القاهره
بعد بوابه اسكندريه الصحراوي
حتلاقو يافطه مكتوب عليها العجمي 5 كيلوا وعليها علامه يوتيرن
تمشوا 5 كيلوا حيكون ماكدونالد ساعتها علي شمالكم
وفيه يوتيرن
تفوتوه وتاخدوا اليوتيرن اللي بعده
وبعدها تدخلوا يمين في طريق العجمي
تاخدوه لاخره حتلاقوا بوابه الكيلو 21 وهي حاجه شبه المسله كده عامله زي الخازوق في نص الطريق
تمشوا يمين ومن اول يوتيرن تلفوه حيكون مدخل النخيل علي يمينكم
او بسؤال اي حد هناك فين مدخل النخيل اوشاطي 6 اكتوبر حيقولكم اهوه
============================

اللي جايين من الزراعي
حيمسكوا الطريق الدولي ويكملوا فيه بعد مداخل اسكندريه
حيلاقوا يافطه مكتوب عليها العجمي الماكس يسيبوهم منها
بعدها بحوالي 13-15 كيلوا
فيه يافطه مكتوب عليها العجمي - الكيلوا 21
ينزلوا منها يمين ويكملوا في الطريق ده لاخره
حيلاقوا بوابه ال21
ويكملوا زي الطريقه اللي مكتوبه للقادمين من الصحراوي
==========================

بعد ما تدخلوا من بوابه النخيل حتسالوا فين شارع 63 او شارع 6
او تكملوا طريق البوابه لاخره
ومن اخر تقاطع تدخلوا شمال وتكملوا فيه لاخره
حتلاقوني مستنيكم
انا مش عارف اعمل خرايط علشان جوجل تقريبا شايلنا من حساباته
اقتباس المشاركة الأصلية كتبت بواسطة SHNORY مشاهدة المشاركة
يا ريت الناس تاكد تاني بعدد الوجبات
كل مجموعه عاوزين كام وجبه لان فيه ناس عاوزين وجبات لاولادهم وناس مش عاوزين
انا معرفش كل الاعمار
الوجبه الزياده ب50 جنيه
اقتباس المشاركة الأصلية كتبت بواسطة SHNORY مشاهدة المشاركة
طالما محدش جاب سيره التجمع
فانا بقترح ان اللي جايين من القاهره يوم المقابله الصبح
يتجمعوا في بنزينه امارات مصر اللي عند داندي مول الصحراوي
الساعه 7 صباحا لحد 7.30
واللي يتاخر عن كده يبقي ييجي براحته
وبعتذر لكل الناس اللي حتتاخر عن الساعه 10 ان احتمال كبير ميكونش ليهم وجبات
معلش
انا ريحتكم في موضوع التحويل تقديرا لتعبكم في الركنات والزحمه
فقدروني شويه في المواعيد بعد اذنكم