رجاء خاص

**M_samii** · 20-11-2012 01:04 AM

انا الحمد لله لسه مسروق و اتخد مني كل حاجه و الكلام ده حصل في وسط شارع الهرم عند ناصر الثوره و الساعه 10 فانا بارجو كل الناس تاخد بالها لان مبقاش في امان حتي في الشوارع العموميه و الانفلات بقي منتشر خلي ديما معاك وسيلة دفاع عن نفسك ما تشيلش مبلغ كبير معاك و ما تحولش تتمشي كتير و اركب اي موصله لان المشي مش امااااان

اللهم بلغت اللهم فاشهد

**blazer** · 20-11-2012 01:12 AM

لا حول ولا قوة الا بالله
انا ساكن قريب , انا فى فيصل
بس ازى حصل الكلام دا ؟ سواء 10 الصبح او بليل الدنيا زحمة والشارع صاحى كويس جدا !!

**ahmed-moga** · 20-11-2012 01:15 AM

حسبنا الله ونعم الوكيل ولا قوة الا بالله العلي العظيم قدر الله وماشاء فعل ربنا يعوضك خير ان شاء الله ويكون عليك بالعوض وعليهم بالتلف بأذن الله طيب عملت محضر ولا لأ وأخدوا منك العربيه ولا المتعلقات الخاصه فقط

**hugan** · 20-11-2012 01:55 AM

يعني ثبتوك بسلاح ولا عملوايه

**M_samii** · 20-11-2012 02:03 AM

كنت انا و واحد صاحبي راجعين من درس طلعوا علينا بمطاوي سرقوا الموبيلات والمحافظ و دخلوا شارع جانبي و كان في واحد مستنيهم علي موتوسيكل و جريو جوه و الحمد لله الناس كانت واقفه تتفرج
ياريت يا جماعه كل واحد ياخد حذره والله مافيش امان خالص و البلطجيه مبقتش تفرق معاهم مبقوش بيخافوا حسبي الله ونعم الوكيل .

انا رحت عملت محضر و صورتلهم السيريال نمبر بتاع الموبيل و الباسبور لان البطاقه كانت في المحفظه .

لا حول ولا قوه الا بالله الحمد لله قدر الله و ما شاء فعل و شكرا يا جماعه علي اهتمامكم بجد انتوا ناس محترمين .

**alaamousa** · 20-11-2012 05:07 AM

لا حول ولا قوة الا بالله قدر الله وما شاء فعل
ربنا يستر علينا وعلى البلد

**speed_magnum** · 20-11-2012 05:51 AM

والبلد حالها هيفضل معووج طول ما اللي ماسكها مش عارف يحكمها. . شكلها كبيرة عليه. ...

زمااااان. .
كانت حادثة السرقه بالاكراه حاجه كبييييرة. اوي يا عزيزي.
كانت بتقلب الداخليه كلها.
لو رحت تبلغ عن سرقه بالاكراه كان الظباط بيعرفوا ان يومهم مش فايت ولا هيناموا غير لما يجيبوا المسؤول
...........
لا اريد ان اصل لمرحلة اقول فيها. فسادك وحشنا يا مبارك. ..
والحمد لله على البلاء