الموضوع: باسات 2012 tsi 1400 و جيتا 2012 2000cc

المشاركة الأصلية كتبت بواسطة amr salah eldin

ألعنوان غريب نوعا ما و المقارنة تبدو غير منطقية لكن عندما تحين الفرصة ويستطيع اﻹنسان تجربة مثل هاتين السيارتين و ان كانتا من كاتيجورى مختلف و نوعية مواتير و نواقل حركة مختلفين كليا فالتجربة تحكم و الملاحظات لابد ان تسرد خاصة علي الاداء. حاليا انا اعمل في الرياض وعندي سيارة جيتا 2012 2000cc فيتيس ستبترونيك هاي لاين واثناء اجازتي نويت شراء سيارة و كانت امامي عدة اختيارات منها الياباني و الكورى و الالماني و برغم علمي بمشاكل الdsg الا اني جازفت وجبت الباسات 2012 1400cc هاي لاين و بعد 5000 كم اليكم الملاحظات التالية. 1 - الباسات افخم و اعلي فقط لايوجد بلوتوث ( حاجة غريبة سيارة توب لاين مفيهاش بلوتوث يعني الشركة الام لاتحترم التوكيل و تم تركيبه في توكيل العبور ب 4400 جنية) 2- استهلاك البنزين سواء ال95 او 92 اقل في الباسات ممكن علشان السبع نقلات للdsg (فيتيس الجيتا 6 نقلات) 3-الباسات انعم ولا تشعر بالنقلات ماعدا رعشة بسيطة جدا في الزحام 4- صوت الجيتا اعلي خاصة مع التسارع او السرعات العالية 5- الثبات و التوقف الباسات تتفوق بمراحل ممكن بسبب ال esp الجيتا فيها asr فقط. 6- من ناحية التسارع و بالرغم من ان الجيتا 2000cc الا ان الباسات احسن في زمن التسارع بفارق محترم حتي مع بنزين 92 و ده كان مفاجأة ممكن لان الجيتا 2000cc -115 hp اما الباسات 1400cc -122hp. و 7- السرعات العالية الباسات تصل اليها بسهولة (علي الصحراوي 200كم و بمنتهي الثبات) الاداء عموما مرضي للباسات و غير متوقع.

للاسف الجيتا الخليجي نزلة مواصفات امريكية و فقيرة جدا
2000 cc موتور من عصر الهكسوس
عفشة مش ملتي لنك
عشان كده مفيش جيتا خليجي في مصر الشكل الجديد
ربنا يبارك للك فيهم

ربنا يبارك لحضرتك في العربيتين بس ممكن سؤال هو مش الباسات ال1400 لازم بنزين 95 ولا ممكن 92 اصل دا كان سبب جوهري اني اطلع العربيه من حساباتي عشان خاطرالبنزين اللى اكيد الدعم هيشال من عليه وممكن يوصل 5او 7 جنيه ممكن توضيح هل حضرتك بتمون 92 عادي ولا في مشكله

ربنا يكفيك شرهم ويباركلك فيهم

متشكر جدا علي الردود و بارك الله فيكم . بخصوص موتور الجيتا الي نازلة في السعودية الموتور اكيد 2000cc -115 hp وده عرفتو قبل ما اشتريها من البروشور و لما سألت في التوكيل كان الرد ده موتور بيناسب الفتيس ال6 سرعات الغير عصري بالمرة علشان المشاكل الي عملها الdsg هناك عموما هو بيدي عزم كويس و بس . اما بخصوص البنزين انا بحط 95 لانه حتي في الجيتا انا بحط 95 وده حسب كلام التوكيل هناك لكن للباسات ساعات بحط 92 وذلك اما بسبب قلة بنزين 95 و عدم توفره او تجربة تأثير بنزين 92 علي قوة الاداء و للامانة الفارق في الاداء بسيط و يلاحظ مع الحمولة الكاملة للسيارة ,

الجيتا الشكل الجديد نزلت في السعودية اواخر 2011 بموتور 2000cc فقط و ثلاث فئات الاولي ب 66000 الف ريال و الثانية ب81000 و الثالثة ب86000 ريال و علي فكرة الباسات الشكل الجديد نزلت م4 شهور فقط باسات الشكل الامريكي( شكل الجيتا بس حجم اكبر) نظرة الشركة الام للخليج مختلفة شوية.ج

بس هنا مفيش جيتا 2000سى سى فى مصر!!!!؟؟؟؟؟مش كده برضو ولا معلومتى غلط