السلام عليكم .
دى اول مشاركة ليه فى المنتدى.
أنا محتاج جنط حديد للنيسان تيدا 2011(15) . ياريت لو حد يعرف اجيبه منين علشان انا دورت عليه ومش لاقيه
السلام عليكم .
دى اول مشاركة ليه فى المنتدى.
أنا محتاج جنط حديد للنيسان تيدا 2011(15) . ياريت لو حد يعرف اجيبه منين علشان انا دورت عليه ومش لاقيه
موضوع راااااااائع يادكتور يوسف ومجهود تشكر عليه فعلا ,
وأنا كان عندى سؤال صغير , انا عربيتى ex صالون موديل 2011 , هل ينفع أركب جنط السوبر صالون على نفس الكاوتش الأصلى بتاع العربيه (يعنى من غير ما أعرض الكاونش) وهل ده ليه أى تأثير سلبى على العربيه ؟
وهل أنته شخصيا تنصحنى بكده ولا أجيب جنط سبور عادى بشكل مختلف عن بتاع السوبر صالون مع مراعاه المقاسات المذكوره فى الموضوع , وطبعا ده حيكون أوفر بكتيييييير
وشكرا جزيلا .
شكرا ليك ..
1. ينفع تركب جنط السوبر صالون على الex عادى بدون تغيير الكاوتش لأنه فى الحد المسموح بيه ومش شايف اى مشاكل ممكن تحصل فى العفشة .
2. بينى وبينك الصنى بالذات ما شوفتش اى جنوط تليق عليها غير اللى بتنزل فى السوبر صالون !!! لكن المشكلة فى السعر العالى جداااا رغم انه كان قدامى طقم كامل شبه زيرو على 3000ج لكن استخصرت بصراحة خاصة انى مسافر والعربية مركونة وكمان عندك مشكلة اغطية الجنوط اللى ثمنها لوحدها 4 قطع ب1000ج تقريبا ودى مشكلة لو وقعت او مشيت من غيرها بيبقى شكلها وحش.
3. طبعا الجنوط العادية هاتكون ارخص ولكن كوالتى اقل وصناعة مش يابانى اصلى لكن هاتقضى الغرض .
4. نصيحتى ليك ايا كان التغيير لجنوط اصلى او عادية .. لا تفرط فى الجنوط الحديد والطاسات القديمة ابدااااااااااا .
ال jj دى حاجه اسمها ال Bead Profile وده هو شكل البروفايل بتاع الجنط من جوه
زى كده
http://www.carbibles.com/images/etrto_diagram.jpg
وفى الاماكن النضيفه (طبعا بره مصر) بيختاروالكاوتش اللى مناسب للبروفايل ده... وفى منهم انواع كتير زى J, JJ, K,
JK, B, P and D
جزاكم الله خيرا على مجهودكم .
أستاذنا مش عارف اشكرك ازاى على معلوماتك ومجهودك . حقيقي استفدت جداااا من البوست ده. بس فى نفس الوقت استغربت لأنى وبكل صراحة اول مرة اعرف ان فى فرق بين مستوى "نفخ" العجل الامامى عن العجل الخلفى !!!
ده اولا
ثانيا وده الاهم ومنتظر رد سريع فيه -ده بعد اذنكم جمبعا طبعا- موضوع مقاس العجل فى الصنى 2007
انا معايا صنى 2007 سوبر صالون بقالها حوالى 6 شهور وراكب فيها جنوطها نيسان اللى جاية بيها لكن الكاوتش نفسه مقاسه ( 185/65 - 15 ) وده نفس مقاس الصنى ex ,
المفروض انى اليومين دول هشترى 4 فرد كاوتش جديد لأن القديم صلاحيته انتهت وكنت هجيب نفس المقاس اللى كان راكب فيها بس دلوقتى لما شوفت ان فى فرق ف المقاسات وان المقاس الصحيح هو ( 195/60 - 15 ) وقفت شوية ,
سؤالى هنا بالنسبة لعربيتى دى ياترى فى مشكلة انى اشترى نفس المقاس اللى راكب فيها دلوقتى اللى هو ( 185/65 - 15) ولا ده يعمل مشكلة او عدم اتزان او خلل ف الامان او او او ..... !؟؟؟
وبالنسبة لضغط العجل انا بخليه كله ( 30 ) ,, ياترى ده صح ولا برده ممكن يتسبب ف حاجة مش كويسة والمفروض يبقى 32-29 ؟؟
منتظر الرد ولكم جميعاً كل الشكر والتقدير ..
لو سمحتوا عندى استفسار هل جنط n17 يركب علي n16 مع العلم ان الاول 15*5.5 والتاني 15*6