الحكومة المصرية ترفع الدعم عن بنزين 95 خلال أيام
الوفد - وزارة البترول تبلغ مستخدمى بنزين 95 بإلغاء الدعم
حد يعرف هيبقى بكام؟
عرض للطباعة
هيغلو البنزين .. هيغلو الكهربا .. هيغلو الميه .. هيغلو التراخيص .. هيغلو الأكل .. هيغلو كل حاجه .. بس اى دقنى لو حسينا بحاجه .. يا جدعان دى مش حلول .. و الحكومه اللى تفكر تاخد فلوس زياده من جيوب المواطنين .. تبقى حكومه معندهاش فكر انتاجى ولا استراتيجيه ولا رؤيه .. و دى المصيبه .. عشان كدا هنقلب مع الوقت لنظام رأسمالى و هنروح فداهيه .. و مش بعيد تتقلب مملكه و نرجع لنظام الوسيه .. و ربنا يستر ..
قال يعنى بقى الطرق حلوة و الرخص بتتجدد واحنا فى البيت و المرور مكيف و كله تمام مفضلش بس غير انه يغلى البنزين .. منهم لله
نسيت الغاز يا باشا ..
EGYNews.net | المالية: رفع أسعار غاز المنازل بزيادة طفيفة الشهر المقبل
يارب بقي يجي اليوم الي يغلــو فيه ( المواطـن )
الاوشاعات بتقول 4 جنيه وقله مندسه بتقول 4.85
المشكلة ان فيه كلام عن زيادة ضريبة المبيعات
زيادة ضريبة المبيعات مع رفع الدعم عن الوقود و المحروقات ........ حيأدى لموجة غلاء كبيرة لكل انواع السلع الأساسية
النهضه ............. خيبه شعب
انا نفسى اعرف هو مشروع النهضة دة قايم علينا ولا لينا
هو فيه خلاف على صحة القرار ؟
145000 مليون جنية القيمة الكلية للدعم السنوي (145 مليار)
55 مليون قيمة الدعم الموجه لبنزين 95
يعني بنسبة 3.8% فقط من قيمة الدعم
مش معقول النسبه البسيطه دي هيا الى مسببه العبيء علي الميزانيه
حلول متخلفة لحكومة متخلفة
هو حضرتك لو معاك 1000 جنيه ووقع منك 30 جنيه فى الارض هتسيبهم وتمشى ولا هتأخذهم ؟. أكبد هتخدهم
لو اخدتهم وقلت دول كانوا كده كده واقعين وهتصدق بيهم
مين الاولى انك تتصدق عليه بيهم
واحد معدم مش لاقى ياكل ولا على شخص مقتدر
وبعض النظر عن القرار هيوفر كام
السؤال هل القرار صائب ولا لأ ؟
لله الامر من قبل و من بعد
اعتقد ان ده اول الغيث في رفع الدعم عن باقي الانواع
يا رب.
يا رب اني مغلوب فانتصر
....
اللهم ان كان فيهم خير فاعنهم. وان كان شرا فانتقم منهم واخسف بهم ارضك وخذهم اخذ عزيز منتصر. ...
يا رب ارتضينا قضاءك ... فلا يعلم الغيب سواك
عشان نحكم على القرار ان كان صائب ولا لأ نشوف ايه الى هيحصل على ارض الواقع :
لو حضرتك معاك عربيه تربو ولاقيت بنزين 95 بقى 4 او 5 جنيه وبنزين 92 بـ 1.85 جنيه هتعمل ايه ؟
أكيد هتغير لبنزين 92 وفى الحاله دى هيزيد الاستهلاكك تقريبا بنسبة 30%
وبالتالى قيمة الدعم (55 مليون) الى الحكومة وفرته فى بنزين 95 هترجع تسد بيه العجز الى زاد على بنزين 92 (ان لم يكن أكتر كمان )
5.75 جنيه سعر لتر «بنزين 95» بعد إسقاط الدعم عنه
مصدر بـ«البترول»: 5.75 جنيه سعر لتر «بنزين 95» بعد إسقاط الدعم عنه | المصري اليوم، أخبار اليوم من مصر
قرار سليم
الدعم على السلع فكرة اشتراكية اثبتت فشلها على مر السنين و خلقت سوق سودة للسلع
بس المفروض ان رفع الدعم عن كل السلع و التحول للسوق المفتوح يكون على مراحل و ببطء و نبدأ بالسلع الغير الضرورية او الموجهه للطبقة الغنية زي البنزين 95 كده
الحكومة ماشية صح بس ببطء شديد
الحمد لله لسه فى ناس بتفهم
بدل اللى ....... :b4_237:
اللى مش عارف ضروره القرار ده
يختار اى دوله فى العالم تينت الاشتراكيه و لم تصل الى الخراب
و ممكن يراجع ماذا فعلت المراه الحديده فى بريطانيا
او تجربه الهند
اما اللى عايز يضيط قبراحته
فينك يا عم حمدين كنت جيت خلصت الموضوع ده وزودت الدعم و اعانات اجتماعيه
و جبت من الاخر و اعلنت افلاس البلد
يمكن ساعتها الناس تفهم
ان التجربه اللى فشلت فى كل انحاء العالم مش لازم نجربها احنا كمان
انا طبعا مش هارد عليك و ادخل فى حوارات شخصيه
كونى ايدت قرار و شكرت من ايده ووصفته من يويده بانه بيفهم اصبح تجاوز
هههههههههههههههههه
اكيد طبعا من يويد اى قرار سليم هو متجاوز
اما من ىويد الخراب فهى حريه راى
من يويد سب الدين للرئيس و المرشد فى تظاهرات هى حريه راى
من يويد اشكال مثل نواره و قله ادبها حريه راى
اما موضع المبرراتيه واى هجوم من حضرتك لفشلك فى الرد العقلى
ممكن الحزب الحاكم ينجح او مين
ده ليه الاف العوامل تتحكم فيه
نحن نتكلم عن قرار
و حضرتك هربت من السوال الاساسى
ماهى الدوله التى تبنت الفكر الاشتركى و نجحت
و سوال كمان
ما هى الدوله اللى على وشك الافلاس و عندها عجز ضخم فى الميزانيه و بتدعم اسعار الوقود
واسئله كثير
لكن لو حد طرحها اكيد هيبقى متجاوز
لتظل البلد مرتعا للفوضوضيين و عديمى المنطق
^_^ و الله كنت ناوي ابدا كلام بس بعد دي ...اقتباس:
من يويد اشكال مثل نواره و قله ادبها حريه راى
ياجماعة مع احترامي ليكم كلكم
ما حدش فكر في الناس بشكل منطقي كلوا بيفكر في مصلحته بس
الغاء الدعم صح بس قبله قرارات تانيه موازية مش بعده
الغاء سرقة الدعم الحكومة عجزت عنها عشان كده فكرت تلغيه خالص وتجيب من الاخر
طول ما احنا بنفكر في اغلاق فجوة العجز في الميزانيه من ناحية تقليل المصروفات (والدعم الجزء الاكبر ) ده يعتبر اعتراف ضمني بعجز في تنميه الايرادات و تقليل الفقد (السرقة ) في الدعم وعدم وجود عدالة في التوزيع
... من حق الناس تعترض على رقع الدعم بدون وجود بديل للناس في الاستفادة من حقهم من ايرادات الدولة ما هي ديه برضه بلدهم
... من حق الناس تعترض على ضعف الخدمات
....من حق الناس تعترض على مشروع بزيادة الضريبه على الدخل (ضد الاستثمار والافراد )
.... من حق الناس تعترض على عدم تنفيذ الوعود الانتخابية
الدعم خطأ وتصحيحه مش على حساب الناس
هو ليه الحكومة متقللش نسبة الدعم احسن متشيله خالص ؟ ده لو هيحصل يعني بجد من غير مايرجعوا في كلامهم .. اصلهم لسة عيال صغيرين
يا رب ييجي اليوم اللي ما أسمعش عن كلمة دعم في مصر نهائي
في حكومة في العالم تضع جل مجهودها في البحث عن اللي بيهرب رغيف العيش وكيس الدقيق وأنبوبة البوتاجاز ولتر البنزين والسولار والداخلية والتموين يسيبوا مهماتهم ويكرسوا جهودهم للحاجات دي اللي أكيد مش هينجحوا فيها مائة بالمائة
والنتيجة المواطن الصالح واقف في الطابور واللي بيبيعله بيحسسه إنه بيتصدق عليه ولو مش عاجبه يغور في داهية
والمواطن الفاسد بيزيد غنى
والدولة مؤسساتها متوقفه لمتابعة ده وده - وباقي المؤسسات المهمة من صحة وتعليم ونقل وإسكان وطرق وجيش وشرطة وخلافه كلها عايشه في القرن الخمستاشر من غير تطوير وكل يوم حوادث وتخلف
المواطن الغلبان الحكومة تديله الدعم في بطاقة بنكية ويصرفه براحته وبكل كرامه ونوفر بقى البهدلة والفلوسه المصروفة على الجهات الرقابية وكمان على فروق الأسعار
ده الحكومة بتدفع سعر وتكلفة في زيت الديزل ( التموين ) أغلى من سعر الزيت الحر النضيف
على فكره أنا إخواني لحسن حد يفتكر حاجة كده ولا كده هههههه
.
واضح انك ما بتعرفش تكلم بأدب و احترام عن كده ....... انا غلطان عشان كنت فاكرك تقدر
اللى انت بتكلمه ده اللى هو انا معاه ماجستير الأقتصاد و ادارة المشاريع من واحد من أكبر المعاهد المتخصصة فى امريكا و مشاركاتى فى المجال ده موجودة فى المنتدىاقتباس:
اما موضع المبرراتيه واى هجوم من حضرتك لفشلك فى الرد العقلى
يعنى مش عاجز انه يرد عليك فنيا و تفصيليا و يفحمك تماما و ماتعرفش تقول بم ....... بس انا كان يهمنى الأدب قبل العلم عشان ده اللى بيضمن مستوى معين من الحوار
للأسف المستوى ده انت بتفتقده
مات الكلام
5.75؟!!!
Ouch!!
يعني هفول بـ300 بعد كده ؟!!!
Loool
ممكن تقولي تصور منطقي لتطبيق الطريقة دي
يعني كل واحد المفروض ليه دعم و المواطن الغلبان دا هنحكم عليه ازاي يعني الضوابط الي تقول انه غلبان تكون ايه دا احنا عشان نحكم الضوابط دي و نتأكد كم تنفيذها اعتقد ان اصعب 100 مرة من انه يكون فيه رقابة علي الحفاظ علي الدعم نفسه
كلامي دا مجرد اعتقاد شخصي
اعتقاد شخصى اية يا حضرت !!!!!!!!!!!!!!!!!!!!!!
دة كلامك دة هوة المنطق والحقيقة نفسها وموضوع المواطن الغلبان دة والبطاقة الذكية هوة اللى لايمت للمنطق ولا للموضوعية بصلة
ال نعمل بطاقة ذكية للغلبان ال
طب ما نعمل البطاقة دى لمصر كلها ما كل مصر غلابة !!!!!!!!!!!!
انا حاسس انى عايش قى حتة تانية او بسمع تعليقات تحسسنى ان الناس عايشة فى حتة تانية خالص غير مصر
الاشتراكية موجودة من أيام عبد الناصر
وهية أنى اديك مرتب قليل بس تلاقى السلع مدعمة واديلك السلع الأساسية ببطاقة التموين وتعليم وصحة مدعوم
إللى حبيحصل دلوقتى أنى اديك مرتب بردة قليل ولغيت بطاقة التموين وببيعلك السلع بالأسعار الحرة إللى فى العالم
أية بقة الصح إللى الحكومة ماشية بية ؟؟؟
5.75
كلام حضرتك أكتر من ممتاز في رأيي
وأفهم من كده إننا متفقين في الهدف ( إلغاء الدعم العيني وتوصيل المساعدات للمحتاجين بطريق كريمة وما فيهاش مجال للفساد )
إحنا مهمتنا بقى ( ومهمة النظام طبعا ) إننا نفكر ونتناقش حول الطرق الأمثل علشان نوصل للهدف ده
أنا شايف إن التفاهمات المشتركة أكبر بكتير في أي نقاش من النقاط المختلف عليها - وممكن الشعب يتناقش للأفضل مش للشكوى وخلاص
تحياتي الحارة
5.85
من بكره ..