المشاركة الأصلية كتبت بواسطة عصام غنايم
ياهه يا عمرو تاعب نفسك وقاعد تدور مواقع عربيه واجنبيه
طيب متسألنى من الآول وانا اريحك من كل القصه دى ( متنساش انى صاحب فكرة ظبطة ال95 على بنزين 92 )
بص يا سيدى
كل ما فتحة البوجيه او الثغره كبرت كل ما الشراره معادها اتأخر ( تقدر تقول بتأخر كهرباء )
وعلى العكس كل ما الثغره صغرت كل ما قدمت ميعاد الشراره ( بتقدم كهرباء )
بس الموضوع له حدود
يعنى لو التغره ضاقت زياده عن الازم هتحرق الموبينه
ولو اتفتحت زياده عن اللازم مش هتحقق اشعال من بابه
كل المواتير الكامه الواحده 8 صباب ظبطة الثغره لبوجيهاتها 0.7 مم
كل المواتير الأثنين كامه 16 صباب ظبطة الثغره لبوجيهاتها 1.1 مم
طيب فى حالتك هتعمل ايه ؟
هتظبط ثغرة البوجيه عندك على 1.1 مم وده معناه انك اخرت الشراره شويه
وابقى ادعيلى
اخوك عصام غنايم