هو ايه الفرق بين البطارية ال55 وال70 ؟ لصني 2011

**SonaSteel** · 12-11-2012 10:06 AM

السلام عليكم ورحمة الله
ازيكم يا شباب نايل موتورز
انا كنت عايز اجي بطارية بعد ما البطارية بتااعة الصني ال45 السايلة ضربت :))))
في اقتراحين
الAC delco .......... 55 امبير ب360 : 380 بالقديمة
ال70 ........AC delco امبير ب390 :410 بالقديمة

ال Energizer ........ 55 أمبير ب 490 من غير القديمة (علشان توكيلها بريدجستون واكيد مش هاياخد القديمة)
وال70 .......Energizer أمبير ب575 من غير القديمة

دلوقتي ايه رأبكم في انواع البطاريات ....... والفرق بين ال55 وال70 ؟!!

الله يبارك في عمركم ........ واقعدوووووووا بالعافية :)

**SYD** · 12-11-2012 11:29 AM

حقيقاً الأمبير مش هيفرق معاك كتير لأن عربيتك كدة كدة موتورها صغير (اعتقد 1.6)
لكن اللي هيفرق معاك - انت هتشغل ايه علي البطارية والعربية مبطلة
يعني لو انوار وكاسيت (جي ام وسماعات وبازوكا وحركات) ووو
يبقي انت محتاج امبير عالي
لكن لو مجرد نور صالون وانتظار والحاجات البسيطة - يبقي ال55 مناسبة اوي

كمان في نقطة تانية
الدينمو عندك امبيره كام ؟؟؟
غالباً هتلاقيه 70
يبقي بردو الأحسن ال55 لأن يستحسن تخلي امبير الدينمو اعلي من البطارية لضمان كفاءة وسرعة الشحن

تحياتي يا سونة يا حبيبي

**SonaSteel** · 12-11-2012 12:55 PM

الله يخليك ياهندسة ويبارك في عمرك يارب

طيب انت ايه رايك الAc delco ولا الEnergizer

وممكن قدام شويه اركب زينون مثلا ..... لكن سماعات مش هاركب ان شاء الله

**SYD** · 12-11-2012 01:32 PM

بص يا سحس
انا مفهمش اوي في الأنواع ولكن معلوماتي ان ايه سي ديلكو حلوة والناس بتشكر فيها
اما عن تجربتي مع اينرجيزر فهو شغال عندي في ساعة الحائط كويس هههههههههه

وبالنسبة للأحمال فمفيش مشكلة طالما هتشغلها والعربية دايرة
لأن بمجرد ما العربية دارت انت حولت الجهد علي الدينمو وليس البطارية

يعني لو لا قدر الله وسير اليدنمو قطع هتلاقي العربية بطلت وقطعت في خلال ربع ساعة علي اقصي تقدير

ربنا يحفظك ويحفظنا جميعا ويستر طريقنا اجمعين

والله المستعان
،
،

**SYD** · 12-11-2012 01:57 PM

المشاركة الأصلية كتبت بواسطة Mohamed.Fawzy

طيب يا باشمهندس ... انا كنت قريت موضوع فى منتدى الصنى هنا بيقولوا فيه ان البطاريه ال 70 امبير ادائها افضل مع الفيتيس الأوتوماتيك و بتحل موضوع النتشه اللى سعات بتحسها فى الفيتيس .... ايه رأي حضرتك ...

و جزاك الله خيرا

على مجهوداتك الكبيره فى المنتدى

طبعا مع كامل احترامي لكاتب الموضوع - بس الكلام دة لا اساس له من الصحة
علي حد علمي - بمجرد العربية لما تدور - لا تدخل للبطارية في اي شئ
والحمل كله علي الدينمو
جرب شيل بطارية عربيتك بعد لما تدور - هتلاقي العربية دايرة ومفيش مشكلة وممكن كمان تروح بيها مشوار من غير بطارية اصلا
بدليل لو البطارية نايمة - هترمي وتدور هتلاقي العربية دارت وهتمشي وهتشحن البطارية
يبقي العربية عايزة دينمو ولا عايزة بطارية علشان تمشي ؟؟؟

طب امال ايه لازمة البطارية ؟؟؟
البطارية ماهي الا starter بتدي باور للمارش واداوت الأدارة علشان تقوم الموتور وبمجرد الموتور ما دار - الدينمو هيدور بفعل السير الداير مع الكاتينة الدايرة عمود الكامات الداير مع البساتم.
علشان كدة انا قولت لسحس في اول مشاركة

حقيقاً الأمبير مش هيفرق معاك كتير لأن عربيتك كدة كدة موتورها صغير (اعتقد 1.6)

لأن لو الموتور كبير بيحتاج جهد كبير يدوره في البداية

لكن موضوع الفتيس الأوتو والبطارية انا ماعتقدش ليهم علاقة ببعض الا لو كانت صني بتنزل فتيس بالكهربا بيشتغل من البطارية

والله اعلي واعلم

والله المستعان
،
،

**dr.hazem** · 12-11-2012 02:49 PM

لا علاقة لفتيس السياره ب البطارية الا في حالة انه ستيب ترونك فقط لا غير بدون اوتو عادي زي الكورولا ام ام تي وزي الشيري AMT...
ومعتقدش ان الصني فيها فتيس من النوعية دي...
وحتى دول علاقته ب البطارية انك ممكن تدي غيار للعربيه وهي مشغله كونتاكت فقط وملهاش فايده يعني....
تحياتي

Sent from my LT18i using Forum Runner

**Tamer_Merit** · 12-11-2012 06:56 PM

سونه حبيبي ....
انا عاوز بس افكرك ان دينامو الصني 90 امبير ومكان البطاريه واسع ويكفي ال 70 امبير مستريح وتحس ان ال 45 الموجوده فيها صغيره جدا جدا , انا رأيي هات ال 70 احسن .

**SonaSteel** · 12-11-2012 11:59 PM

المشاركة الأصلية كتبت بواسطة tamer_merit

سونه حبيبي ....
انا عاوز بس افكرك ان دينامو الصني 90 امبير ومكان البطاريه واسع ويكفي ال 70 امبير مستريح وتحس ان ال 45 الموجوده فيها صغيره جدا جدا , انا رأيي هات ال 70 احسن .

يا هلا اهلا اهلا اهلا اهلا اهلا .... اخويا وحبيبي في الله ..... ازيك يا تامر عامل ايه ياولدي
واحشني اووووي والله عامل ايه يا صديقي والالسرة الكريمة ..... ربنا يطمنا عليك يارب
والله لولا الوقت متأخر كنت كلمتك :d
وبكرة هانسي ههههههههههه .... ربنا يطمني عليك يارب

الحمد لله ركبت ال70 النهاردة ولسه طالع اهو ..... ربنا ييسرها ويفتحها عليك تسلم يا حبيبي :d

المشاركة الأصلية كتبت بواسطة lanos2004

الناس الى كانت واقفه معاك زى احمد واحمد ومعتز متعرفهمش تانى-عنيهم وحشه

شوف الى توفرة فى الكرسى تدفعه فى البطاريه يا سونا

هههههههههههههههههههههههه والله ربك كريم يا احمد ..... وكل شيء عنده بمقدار
شوف القدر يا أخي سبحان الله
ومتقولش علي نفسك كده انت جميل ههههههههههههه

المشاركة الأصلية كتبت بواسطة alrabeh

أنا شايف ان فرق السعر بين ال 55 وال 70 مش كبير خالص يبقى خليك فى ال 70 أفضل وربنا يحافظ عليك وعلى كل ما تملك وكل من تحب

انا كنت مقلق من الدينامو بس ..... بس الحمد لله اطمنت
ربنا يعزك ويبارك في عمرك ولك بالمثل اخي وحبيبي في الله ...... بارك الله لك في اهلك ومالك ورزقك يارب العالمين :d

-

-

الموضوع: هو ايه الفرق بين البطارية ال55 وال70 ؟ لصني 2011

LinkBack

أدوات الموضوع

عرض

العرض المتطور

هو ايه الفرق بين البطارية ال55 وال70 ؟ لصني 2011 - انشر الموضوع فى :

-

-

-

-

-

-

المواضيع المتشابهه

اول تعامل مع توكيل نيسان - تقرير صيانة 30000- لصني 2011

صيانه ال55

ما هو السعر العادل لصني 2011 مانيول عاملة 3000 كم؟

الفرق بين البطارية العادية والجافة؟

الفرق بين البطارية الجافة والبطاية العادية؟

الكلمات الدلالية لهذا الموضوع

المفضلات

المفضلات

ضوابط المشاركة