السلام عليكم يا شباب يا رجالة الشيفورليه,

انا كنت عملت كام موضوع بسال فيه عن الكروز و الأوبترا, و الحمد لله وفقت فى عربية اوبترا يوم وقفة العيد بحالة شبه ممتازة, و ربنا يبارك فيها ان شاء الله.

دلوقتى المدام من فترة و دماغها متعلقة بالأفيو و رغم نصيحتى بتجنب السيارة ديه نظرا لتعدد الشكاوى منها سواء فى المنتدى او خارجه.

لكن حدث ان رجل جارنا صديق قديم لأخوات زوجتى عارض الافيو بتاعتو للبيع موديل 2006, ماشية 66000 ك, مانيوال و فابريقة بره و جوه بالكامل حالة عامة جيدة جدا و لسه مغيرة كاوتشات كمان.

المشكلة ان العربية فوجئنا انها بزجاج عادى مش كهرباء و ده مهم لزوجتى, فالراجل قلنا ان حد قلو ان ممكن يتغير ماكينة الزجاج بالفرش باخرى كهرباء من احد المتعاملين فى قطع غيار الاستيراد.

سؤالى حد جرب الموضوع ده, و هل سهل يتعمل, و التكلفة المتوقعة كام,و هل مجرد بيحصل تغيير الفرش بالماكينة, ولا فى توصيلات بالضفيرة لازم بتم؟؟؟

فى انتظار ارائكم و اقتراحتكم