اسبراتير و موبينه اليكترونى للبيجو 504

**khaled sabry** · 12-11-2012 03:49 PM

انا سمعت ان فيه تعديل على البيجو 504 بتركيب الالموبينه و الاسبارتير الاليكترونى و مشط الخاصين ب 505
ياريت حد يفيدنا و يكون عامل التعديل ده فى عربيته - و سعر الحجات دى كام و لو ااشتريها استيراد حتبقى كويسه معايا
و ياريت تقولولى الاسم بالظبط علشان البياع مايدليش حاجه غلط
انا بسأل على الاسبراتيرالاليكترونى كامل مش القطعه الحمراء اللى بتتركب فى الاسبراتير اللى كانت بتتباع فى الشركه المحمديه (بقول كانت علشان هما بطلو يشتروها دلوقتى)
و هل التركيب سهل و لا ححتاج اروح لميكانيكي (انا مش بثق فى الميكانيكيه )

انا عربيتي 504 مو 83 gr

**osamakandil** · 14-11-2012 01:51 PM

ياريت رد نفس الطللب 1977 gl

**khaled sabry** · 14-11-2012 04:28 PM

اساعدك انا
انا بالفعل اشتريت الاسبراتير الاليكترونى و المشط الفيشه بتاعته و البوبين
الحوار ده وصل معايا ل 575 جنيه من شارع العرشريني فى عين شمس
ووصلت لكن مافيش حاجه حصلت و ربنا يستر و ماكنشى حرقت حاجه
لسه لما اروح حبقى اوصل كل حاجه فى البيت علشان اعرف ايه اللى اتحرق بالظبط او ممكن تكون فيه توصيله ماكنتشى ملمسه كويس

بالمناسبه لما تتشترى الاسبراتير الاليكترونى تاخد بالك مايكونش ليه 3 مسامير اللى بيقفلوه بارزين لأن ده مش حيعاكس معاك فى موتور gl لكن فى موتور gr زى بتاعى بيشتغل عادى لأن فيه مسافه يتحرك فيها

**mfs3570** · 15-12-2012 06:20 PM

انا كمان عايز اركب الاسبراتير الالكتروني ده ياريت نعرف منين في عي شمس

**amer hassan** · 07-02-2013 11:57 PM

خالد اسف على التاخير و اعادة فتح الموضوع انا مكنتش بدخل بقالي فترة... المهم انا قلبت اسكندرية على الاسبراتير مش لاقيه.. ممكن تحطله صورة هو و المشط بتاعة عشان اشتري زيه او حتى بتاع عربية تانية قريب في الشكل منه

**mfs3570** · 06-03-2013 09:33 AM

انا جبته من القاهره ب1000 جنيه بس بتريح دماغككككككككككككككككككككك ككككككككك
علي الاخر من ارف الابلاتين والكوندنسر انت لو عايزه ممكن تجيبه من القاهره عند اسماعيل الشيخ واللي بيركبه الكهربائي مش الميكانيكي ......................

**amer hassan** · 25-03-2013 12:00 PM

1000 جنيه ..... كتيييييييييييييير قوي ..... هو انت جبت بتاع ال505 و المشط بتاعه... ب 1000 جنيه
انا لسه بشوف الدنيا هنا اخبارها ايه.... و بعدين شكلي كده داخل على حوار مع وش السليندر ف بحاول اقلل شويتين في المصاريف

**khaled_sabry** · 10-04-2013 03:15 PM

معلشى انا اتأخرت فى الرد لأن الموضوع ده كان معمول بعضويتى التانيه و لما اتقفلت العضويه التانيه و رجعتلى العضويه القديمه بيقيت مش متابع

مبدئيا كده واضح ان جنه الاستيراد فى البيجو هى شاريع العشريني فى عين شمس مش عزبة شلبى (مش زى اليابانى )
فاللى انا اشتريته
- اسبراتير اليكترونى بالفيشه بتاعته (لازم الفيشه) ب 275 -- من عزبة شلبى
- بوبينه اليكترونى و مشط و فيشه (فيشه تانيه غير الفيشه بتاعت الاسبراتير) و القاعده (حته صفيحه و فى اولها حته بلاستيك) ب 300 جنيه و دول جبتهم من واحد فى شارع العشريني
و البوبينه مش ضرورى على فكره و مش حاسس باى تأثير بيها بصراحه و احتمال ماتكونشى اليكترونى اصلا لأنى لغايه دلوقتى مش عارف الفرق بينها و بين العاديه
يعنى الحوار كله مكلفنى 575 جنيه و كان ممكن اخدهم باقل لو كنت فاصلت شويه
لكن 1000 ده يبقى سرقه علنى
انا ركبت المشط عندى من 6 اشهر تقريبا و خلاص تنسى الكهرباء دى تماما و من ساعت ماركبت ما لعبتش فيها
هى توصيلها بسيط جداا على فكره ولو ايدك فى العربيه حتعرف توصلها
بس اتأكد انك جايب بتاع 505 مش اى عربيه تانيه