الموضوع: العربية بتحاورني ؟؟؟ طب ايه ,,, ارجو الافادة

يا جماعة الخير,,, ركزوا معايا ربنا يجعل الحل على ايديكوا
من 6 شهور كده العربية و هي ماشية لقيتها مرة واحدة اتخنقت جامد و ادوس بنزين مهما ادوس ولا اكني دوست ,, و في سلانسية بتترجرج جامد ,,, الموضوع بيحصل لما العربية تكون سخنة بس ,,, وساعات و هي ماشية تمشي شوية مضبوط و شوية تفتح و تسحب زي الاول ولا كان في مشكلة
و فضلت على كده كام يوم شوية تخنق و تبقى بطه و شوية تبقى فهد و تسحب ولا كان في اصلا مشكلة.
قلت سلوك البوجيهات قديمة قوي قلت اغيرها ممكن تكون بتهرب او حاجة فغيرتها ,,, بس المشكلة فضلت موجودة شوية تخنق و شوية تبقى سليمة ,,,
قلت لا ممكن يكون نوعية الكبل مش كويسة قلت اجيب طقم تاني و اغير البوجيهات بالمرة ,,, نفس المشكلة و عملتها و انا على الطريق تخنق شوية و تفتح شوية ,,, و بعد كده اختفت خالص لمده4 او 5 شهور كاملين ,, لدرجة اني قلت انها كانت مشكلة عارضة و العربية كانت بتنفسن..
و من شهر الموضوع بدا تاني بنفس الاسلوب ,,, لغاية لما اتخنقت
و في مرة لقيتها عملت كده قمت واقف و فضلت افصل كابل كابل و هي دايرة ,,, لقين ان فى كابلين مش بيطلعوا شرارة ,,
السؤال بقى ها كده العيب هيبقى من الموبينة اكيد 100% ,, ولا في احتمال اخر ,,, ولو هى الموبينه مش المفروض لو هي باظط تبقى باظط و خلاص مش تشتغل شوية و تبوظ شوية,,,
مع العلم العربية فيات بترا ,,, و لما الموضوع بيبقى موجود العربية على السلانسية بتترجرج و الشكمان بيعمل صوت بقبقة يعني "بق بق بق بق"
اسف على الاطالة و شكرا,,,,

المشاركة الأصلية كتبت بواسطة eng_ghazaly

إن شاء الله هغيرها بكرة ,,, بس انا مستغرب المفروض و اللى انا اعرفه ,,, انها لما تبوظ تفضل بايظه ,, مش تشتغل حبه و تفصل حبه ,,, ربنا يكرم بس و تبقى هيا و اخلص

ممكن يكون في مشكلة في توصيلها للشرارة
بس حاول تجرب الاول قبل ما تشتري عند حد يكون عندة استيراد