الموضوع: صوت تسقيف (كركرة) Engine knocking

المشاركة الأصلية كتبت بواسطة 7amza

الكركرة مش مضرة اوى عادى !!!!

يمكن احنا اول مرة نركب عربيات

طالما العربية فى الضمان يبقى التصليح عليهم..

بص روح مركز خدمة فيات جسر السويس واطلع للمهندس علاء سلامة واحكيله على اللى فى العربية - الراجل محترم وهيحل الموضوع ان شاء الله

وبالنسبة للميكانيكى هو شغال فى الجديد وشوف هيقول ايه

العنوان:
وانت جاى من محور الشهيد فى اتجاه الحى السادس - عند الاشارة اللى قبل قسم ثانى هتلاقى يافطة عليها لوجو فيات ومكتوب عليها صيانة فيات - هتدخل يمين هتلاقيه

مفيش تعب يا باشا ولا حاجة وربنا معاك وابقى طمنا

الف شكر يا باشا و هبلغك اكيد لو في جديد :)

المشاركة الأصلية كتبت بواسطة formulator

لو الـknock-sensor فيه حاجة كانت هتقرأ fault عـ الـExaminer/Examino؟؟!!!
- أعتقد مشكلتك فـ الـrpm اللى بتنزل دى -حتى لو كابس بنزين؟!!
إستهلاك البنزين عامل معاك أيــــــه؟؟
حد جرب يقيس ضغط الطلمبة (3.0-3.5 بار)
غيرت طقم سيور ولا لأ؟!! (أعتقد حتى لو 26 ألف ومكملتش 40 بتتغير عشان الزمن)؟

شيك تانى على طقم البوجيهات الـNGK اللى إتركب فـ الصيانة..
الـpart# بتاعك ZKR7A-10
ممكن يكونوا إستهبلوا وحطولك بتاع الـSuper-FIRE 16v اللى كودها DCPR7E-N-10

الإثنين الـheat-range بتاعهم واحد، والـdiameter بردو 12mm

بس فيه فرق فـ specs الحريق؟!! عشان موتورك SOHC 8v ومفيهوش PDA؟!!
شوف كده وقولنا،

بالتوفيق isA،

شكرا يا باشا علي الرد
ااه حتي لو كابس بنزين بس مش بينزل جامد يعني, بس مش دا الطبيعي انا مش عارف اوصف اوي الموضوع انا عارف
يعني مثلا لو و هي باردة او قبل ما توصل لل Ideal لو دوست دوسة معينة say بتوصل ال RPM ل 1500 و انا بشيل رجلي من الدبرياج, اول ما يحصل الموضوع دا و تبدأ الكركرة بنفس الدوسة و انا بشيل رجلي من الدبرياج ال RPM هينزل ل 1000 بدل 1500 مع صوت الكركرة, و لو دوسة خفيفة اوي قبل ما تبدأ تكركر الهي يا دوب تمشيها, نفس الدوسة بعد ما تبدأ تكركر هتطفي مني
استهلاك البنزين هو لو علي كمبيوتر العربية تقريبا هو هو, لو بأحساسي زايد حاجة بسيطة
الطلمبة مقستش ضغطها و دي من الحاجات الشاكك فيها اوي بردة لأني علي طول بسيب البنزين للأخر خالص بس الفكرة اشمعني لما بتسخن بيحصل كدا؟ ليه مش من اول ما ادور؟! و الاعرفة ان الطلمبة تخلي العربية مخنوقة انا مش حاسس بفرق في السحب, او ممكن اتعودت علي كدا عشان المشكلة بقالها 5 شهور و مكنتش فاضي خالص الصراحة
مغيرتش طقم السيور و ااه المفروض يتغير فعلا عشان سنتين
البوجيهات من قبل ما اغيرها اصلا المشكلة موجودة, و بصيت علي القدام الي كانوا راكبين كانوا لسة كويسين اصلا, و لأ مبصتش علي الجداد فعلا
انا خدت منهم معاد يوم السبت ان شاء الله بس عارف انها زي ما هتدخل زي ما هتطلع لو مكنتش بخساير اكتر! فأنا عاوز اقولهم يعملوا ايه مش اسيبهالهم كدا بس المشكلة اني احد دلوقتي موصلتش للسبب
و كلامك صح فعلا لو ال Knock sensor فيه حاجة هيدي Fault المفروض عشان كدا اكد عليهم كذا مرة و انا هناك
يعني دلوقتي استبعد ال Knock sensor و يا طلمبة يا بوجيهات؟

Up Up Up guys :)

المشاركة الأصلية كتبت بواسطة 7amza

تمام جداً ما شاء الله...

ممكن يكون من ضغط الطلمبة او البوجيهات

انا كان عندى ال Knock Sensor عطل وحصل معايا الكركرة وكل الكلام ده ولما العربية حطوها على جهاز الاعطال مقالش انه عطلان

وعملت قياس لضغط الطلمبه وطلعت سليمة والبوجيهات كانت سليمة

فى الآخر جبت Knock Sensor وركبته وطلع العيب كان منه ومن ساعتها مدخلتش اوماترا تانى

ايه دا حضرتك كان عندك نفس المشكلة و طلع من ال knock sensor!
مش تقول يا راجل :D
طب الحمد لله انها تمام دلوقتي، بس سؤال بقي هي كانت بتكركر لما بتسخن بس ولا من اول ما تدور?
و جبت ال knock sensor و ركبتة من برة ولا في التوكيل?

المشاركة الأصلية كتبت بواسطة 7amza

تمام جداً ما شاء الله...

ممكن يكون من ضغط الطلمبة او البوجيهات

انا كان عندى ال knock sensor عطل وحصل معايا الكركرة وكل الكلام ده ولما العربية حطوها على جهاز الاعطال مقالش انه عطلان

وعملت قياس لضغط الطلمبه وطلعت سليمة والبوجيهات كانت سليمة

فى الآخر جبت knock sensor وركبته وطلع العيب كان منه ومن ساعتها مدخلتش اوماترا تانى :h_angry[1]:

و ممكن رقم تليفون حضرتك لو معندكش مانع اكيد: )