الموضوع: صوت تسقيف (كركرة) Engine knocking

المشاركة الأصلية كتبت بواسطة 7amza

ابداً لا شكر على واجب..

بص علشان تبقى عملت كل اللى عليك

روح يوم الاحد وسلم العربية.. واطلع للمهندس/ علاء سلامة واحكيله على اللى حصل معاك بالتفصيل

وانك غير راضى تماماً عن سوء الخدمة وعن اللى بيحصل وان لو التوكيل غير قادر على تحديد الاعطال واصلاحها يبقى مين اللى هيقدر.. واطلب منه ان يلقى نظرة على العربية وان العربية لسة فى فترة الضمان

ان شاء الله الموضوع هيتحل

لو لاقدر الله موصلوش لحل يبقى توكل على الله واستخدم الطرق الصحيحة وبلغ الجهات الرسمية المختصة..

ونصيحة من اخ اوعى تسيب حقك ولازم العربية تتصلح وتستلم تقرير مفصل عن العربية وسبب العطل..

التوكيل سئ لدرجة لا تحتمل.. عمرى ما شفت وكيل بيتعامل مع العميل بالشكل ده..

ما هي المشكلة اني مش عاوز اسيبهم مع نفسهم فيها كدا حتي لو سبتها و طلعت للمهندس / علاء سلامة لأني جربت قبل كدا و شفت البيحصل فانا عاوز ابقي متابع ايه الي بيحصل فاهمني حضرتك؟
انا مش هسيب حقي ان شاء الله بس في نفس الوقت مش عاوز ارحلهم و اتخانق و ارميلهم العربية و اقولهم مش همشي غير لما تتصلح لأن ببساطة الي هيحصل هيعدوا اليوم كلة فيها و هيعملوا نفس الحاجات المحفوظة و بعدين مش هيروح الصوت و هيقولوا سبهلنا نشوفها او هيرجعوا لتلكيكة البنزين لأن انا وصفت لحضرتك كلام مدير الورشة الي هو مسئول عن كل حاجة و واضح ان هو خلص الي عندوا خلاص و مش عارف فانا ان شاء الله ناوي يوم السبت اروح اقلهم يغيروا ال Knock sensor ادامي حتي لو بواحد مستعمل لو عندهم و نجرب العربية, راح الصوت و يا رب ان شاء الله دا الي يحصل كان بها و يبقي كدا تجنبنا تضيع الوقت و البهدلة الي هتبقي علي الفاضي, و اعتقد دا حقي اني اطلب منهم حاجة معينة لأن المرة الي فاتت معجبتش المهندس الطريقة دية طبعا ان حد يقولوا غير او اعمل! و لا اية؟

المشاركة الأصلية كتبت بواسطة SYD

مع الأسف كل الناس اشتكت من اوماترا - وللأسف فعلا اللي مش فاهم بيدفع كتير اوي وبردو مشكلته مش بتتحل
وكنت لسة بتناقش مع احد الزملاء في قسم سيات عن موضوع الفنيين الشغالين في التوكيلات
للأسف هما ميكانيكية عاديين جدا (مش عيب) يرأسهم مهندس ميكانيكا دارس وفاهم وبيعرف يقرا كتالوجات الصيانة ويتعامل مع الكمبيوتر ومشخص الأعطال
والمفروض ان المهندس بيحدد اعطال (ولنفترض زي تحليلات مصطفي فورميلاتور) ويوجه الميكانيكي فك كذا واعمل كذا
لكن يبدو كدة من كلام حضرتك والتشخيصات والمبررات بتاعتهم ان الميكانيكي لوحده هو اللي بيتصرف وهو اللي بيحلل وهو اللي بيجرب وهو اللي بيعمل كل حاجة

نصيحتي ليك الأخيرة
واضح ان حضرتك ركيب قديم وعندك من الخبرة ما يكفيك انك انت اللي تشخص وانت اللي تحلل وانت اللي تفكر
فكر في مشكلتك بجانب الأعضاء هنا (ما شاء الله عليهم) وان شاء الله هتوصل للحل بس مع بعض التجارب وشوية صرف فلوس زيادة علي التجربة

لو فرضنا ان التحليل بتاع doctoreng صحيح وان المشكلة تكمن في رواسب كربونية علي جدار السلندر او في البستم او لوجود نسبة بنزين بزيادة - علي فكرة كلامه مقنع
جرب تستخدم منظفات ومحسنات لدورة البنزين
منها هتنظف السلندرات والبساتم من اي شوائب او ترسيبات كربونية
ومنها هتنظف الرشاشات علشان لو بتنزل اي كمية بنزين بزيادة
وفي النهاية لو ماعملتش اي حاجة - اسمك ماخسرتش حاجة

تحياتي

بجد ارفع القبعة لتحليل حضرتك :)
حضرتك فهمت و قلت الكلام الي عاوز كنت اوصلوا بطريقة احسن مني بكتير :)
الفني او مدير الورشة الي قابلتة ما هو الا ميكانيكي عادي جدا و دا مش عيب زي ما حضرتك قلت, بس العيب انو هو الي بيقي الكل في الكل و كل المهندسين الي هناك اقل منه في العلم عشان كدا القرار الاول و الاخير بيبقي ليه هو, و هو دا الموجود في اوماترا.
شكرا لكلام حضرتك دا بس هو الواحد بيحاول يستفيد من المشاكل الي قابلتو قبل كدا بجانب دراستي و ربنا يخليلنا النت و FiatForum و Nilemotors طبعا, و بالظبط كدا و الله اول حاجة جات في بالي اني اعمل موضوع هنا عشان اتناقش و استفيد من خبرات الاعضاء الي هنا بس هي المشكلة طالما احنا الي بندور علي المشكلة و حلها ايه لازمت التوكيل و الضمان؟!
و مش كل الناس قادرة انها تدور و تقرا عن المشكلة, و بيعتمدوا علي التوكيل دول زمبهم ايه؟!
انا عاوز اقول لحضرتك المهندس الي هناك مكنش راضي اصلا يخليني اتكلم معاه في حل المشكلة غير لما عرف اني مهندس ميكانيكا! يعني هو لو واحد مش مهندس مش هتتناقش معاة في الخطوات؟ و انا شايف انه من حقة كمان يعدل عليك, مش عيب و الله المهم في الاخر ان العربية تتعمل
كلام doctoreng كلة صح 100% و مقنع طبعا, بس الصراحة انا مش مقتنع ان يحصل ترسبات كربونية علي عربية موديل 2010 دانا لو بحطلها 80و لا 90 حتي :D و ممكن اكون غلط مستني بردة ردود الاعضاء
و انا حطيت مرتين Max 44 الي هو منظف لدورة البنزين
و فولت بعديها المرتين بنزين 95 و مفيش اي تغيير

المشاركة الأصلية كتبت بواسطة ramyr

كتن عندى نفس المشكلة فى السوبارو و اتحلت ببنزين 95 بس مش من اول تفويلة بعد 4-5 مرات بدأت تتظبت

ال compression ratio عند حضرتك كام؟
لو دا العادي من كل ملاك العربية يبقي حضرتك للأسف مضطر بنزين 95 و ربنا معاك في الايام دية, لو حالة خاصة و كنت الوحيد العندك المشكلة دية يبقي فيه حاجة غلط

المشاركة الأصلية كتبت بواسطة azmeralda

معلش يعنى ايه نوك سنسور؟

Knock Sensor Operation - YouTube
Knock Sensor Function Symptoms and Problems
What Are the Functions of a Knock Sensor? | eHow.com

المشاركة الأصلية كتبت بواسطة 7amza

ايه الاخبار..
وصلت لحل ؟

الف شكر بجد علي متابعة حضرتك :)
انا للأسف مقدرتش اروح السبت الي فات و دلوقتي مشغول في كذا حاجة و زي ما حضرتك شايف حال البلد عامل ازاي (الواحد ملوش نفس يعمل اي حاجة) و بحاول اقلل مشاويري بالعربية علي قد ما اقدر لحد ما اروحلهم
بالنسبة لسوفت ويير الكونترول انا مش عارف بس بردة فكرت فية, و في حاجة ليها شهر بردة ان السينسور بتاع الحرارة الخارجية بقي يخرف في الساعة 6 الصبح في عز البرد بيدي 28 و 30 و بيعد يزيد بعد كدا, مش عارف فيه علاقة و لا لأ, هو الي عرفتة انو موجود في المرايا الشمال من تحت هخليهم يغيروا بردة ان شاء الله (بعد خناقة اكيد) :)
وشكرا تاني علي سؤال حضرتك لو فيه اي جديد هبلغ حضرتك اكيد ان شاء الله