تركيب عدادات بها rpm

**khmt1970** · 13-11-2012 12:41 AM

الحمد لله لقد وفقنى الله فى شراء سكودا فيلشيا موديل 95 بحاله جيده جدا بعد تجربه مريره مع رينو ميجان موديل 99 و لقد لاحظت ان انوار العدادات ضعيفه وانه لا يوجد بها عداد rpm فهل ينفع او بمعنى اخر هل يوجد عدادات اخرى بها rpm يمكن تركيبها مكان الموجوده بالسياره ولكم جزيل الشكر

**darehawk** · 13-11-2012 02:05 AM

اه ممكن جدن بس الموضوع حيتكلف بس ايه المشكلة ركب ار بي ام خارجي وشكله شيك جدن وخلي بالك من الصيني .......والف مبروك عليك الفليشيا

**khmt1970** · 13-11-2012 09:38 AM

المشاركة الأصلية كتبت بواسطة darehawk

اه ممكن جدن بس الموضوع حيتكلف بس ايه المشكلة ركب ار بي ام خارجي وشكله شيك جدن وخلي بالك من الصيني .......والف مبروك عليك الفليشيا

الله يبارك فيك ومتشكر جدا على اهتمامك وسرعه ردك
ممكن اتقل عليك واعرف انواع ال rpm الكويسه والصناعه الاحسن و رنج السعر لاننى لا اعرف اى شئ عن هذا الموضوع وصراحه هوفارق معايا لان رجلى تقيله شويه على الدواسات وكمان العربيه لسه مخدتش عليها ف rpm حيظبط المواضيع شويه علشان ما اجبش اجل الموتور بدرى بدرى
شكرا جزيلا لك

**AhMeD MeTwAlY** · 13-11-2012 01:47 PM

الف مبروك عليك الفليشيا يا باشا
بالنسبه لعداد الار بي ام سعر الاصلي بتعها الي بيركب في الطبلوه 400 جنيه انا سألت عليه من سنتين وبيجي بسلك يوصل علي الموبينه "العربيه دي متاح فيها كافة الاضافات الي نزلت في الموديلات الاحدث منها كل حاجه هتلاقي مكنها موجود بس مش متركبه لو حضرتك غاوي هتركب"
بالنسبة للعدادات الخارجيه او الشكل الرياضي دي كنت سامع انها بتبدأ من70 تقريبا او فيها نوع نضيف بـ 70 جنيه بس ايه الانواع الله اعلم
تقبل تحياتي
AhMeD MeTwAlY

**aw2100** · 13-11-2012 03:18 PM

انا شايف انك تركب عداد كامل بتاع الglx افضل بيه ساعة رقمية كمان مش rpm بس وعندنا فى الأسكندرية كامل ب 200 جنية استعمال ومبروك على العربية اهم حاجة تعمل صيانة ما بعد الشراء فلاتر وزيت موتور وفتيس وفرامل ومتنساش المية الخضراء علشان الفليشيا مبتتحملش الحرارة الزايدة ربنا يكفيك شرها ؟!

**YHYAKOTB** · 14-11-2012 08:02 PM

المشاركة الأصلية كتبت بواسطة khmt1970

انا شاكر لكم جداجدا على ردودكم جزاكم الله عنى كل خير
الخيارين جيدين جدا وان كنت افضل تركيب عداد ال glx الموجود به ال rpm بالاضافه لان العدادات الموجوده بالعربيه اضائتها ضعيفه وكده كده حفكهم لتغيير اللمبات الموجوده بها

لا حضرتك مش هتحتاج تفك حاجة لو جبت طقم كامل ب 200 جنيه استعمال هيبقى فيهم اللمض بتاعتهم