الموضوع: شوية مقارنات تخليك تقول فلتحيا اللادا

انا معايا لادا موديل 2007 lمصرى و بصراحة ما عملتش معايا اى حاجة رخمة يعنى يوم ما كانت تعطل عطل كبير جدا ( و نادرا ما يحدث )كنت باصلحها كلها ب 50 جنيه و مشكلة المقصات و البيض دى مش هاتظهر معاك لو بتعمل زيى يعنى كل شهر او شهر و نص اظبط و اربط و اكشف ب 20 جنيه المهم نرجع لموضوعنا :
حبيت يا سيدى ان ابيع اللادا و الله مش عشان المشاكل بس هى شكلها شوية مش شيك و قلت طيب ابيع و اجيب ايه؟؟؟؟؟ و قعدت اعمل شوية مقارنات بينها و بين بعض انواع السيارات الشهيرة و النتيجة كانت كالتالى :و هانبدا بالعيوب
1-بيض المقصات : يعنى ليه تسيبوا و ترجع تقول وحشة ده انت تقدر تبقى ماشى مطمن لو كل 3000 او 4000 كيلو تطمن عليهم ب 20 جنيه
2-عربية تقيلة : و خشنة و رخمة كمان لكن ساعة الركنة على الواقف بس انما و انت ماشى ما فيش اى فرق ده حتى عدم وجود الباور اكثر امانا على السرعات العالية و بعدين( يعنى لما تبقى طول النهار قاعد على مكتب اعتبر نفسك فى 5 رياضة و بالمرة باى و تراى و ترابيس)
3-شكلها رخم قوى : بس و الله حسبتها يعنى بدل ما اصرف مثلا 10 الاف او 15 الف علشان اغيرها ممكن قوى اصرف عليها 3000 او حتى 5000 و اللى يشوفها يتنح جنبها
انا عن نفسى شفت ناس راكبة لادا مش لادا خالص
دى اهم شكاوى الناس من اللادا صح ؟؟؟
طب تعالوا نشوف المميزات
1-وحش الطريق :يعنى اللادا و البيجو 504 ليهم هيبة خاصة على الطريق حتى من سواقين الميكروباصات (و اسالوا اللى ساكنين امبابة )فى حين انك لو راكب عربية من اياهم يبقى يعنى انت حر معاهم و ماحدش هايعمل لك حساب لانك هاتتعور لوحدك
2-برضه وحش الطريق :يعنى انا باسافر كتير جدا و عاوز اقولكوا انها بتجيب 140 مرتاح قوى (صحيح مش بتعدى 150 ) بس يعنى اهو برضه بتحميك من نفسك و لا ايه ؟؟
3-ما بتقولش لا :يعنى بنزين 80 شغال 90 شغال 95 ترقصلك فى السكة و لا ال bmw
رادياتير مية خضرة شغال مية حنفية برضه شغال زيت تعاون شغال موبيل شغال (بس المهم انت بتحب تحافظ عليها و لا لا)
4-واسعة من جوة :و ده طبعا بالمقارنة مع اقرب حاجة ليها و هى الشاهين( جرب قعدة الشاهين و قعدة اللادا ) يعنى لو متضايق مثلا من حماتك و مش عاوزها تركب معاك تانى قعدها فى الشاهين على الكنبة اللى ورا و شوف النتيجة انما فى اللادا هاتلزقلك
5-مصاريف الصيانة :مش مصدق اسال اللى راكبين يابانى و امريكانى و اوروبى كمان
6-قطع الغيار :عند البقال و اصلى و ال 5 بقرش
7-الميكانيكية :اى حد يفهم فيها و يشغلها زيها زى ال 128 بالضبط
8-جسمها جامد قوى:ما اقصدش طبعا انها مزة بس اسالو ركاب ال 128 عن عيوب الشروخات و الشاسيه
9-اماكن الصيانة :يعنى بفرض عملتها معاك فجاة فى اى مكان (الحمد لله ما حصلش معايا ابدا) و مش لاقى ميكانيكى اى سواق تاكسى يمشيها لك لحد ما تروح للميكانيكى و لو انت مفتح شوية ممكن بنفسك
10-السعر : يعنى اسال نفسك سؤال بسيط لو هى و الشاهين واحد (و ده بفرض ) ايه اللى يخلينى ادفع فرق على الاقل 10000 جنيه فى نفس العربية بس انعم شوية؟؟؟؟ ده 10000 جنيه لو شاهين يعنى مش يابانى و لا امريكانى !!!!!!

يعنى خلاصة الكلام ادى لكل ميزة من دول درجة و كل عيب درجة و قارن زى ما انت عايز
و شوف النتيجة بنفسك
و خلاصة الكلام معاك فلوس عاوز تضيعها عشان ركوبة مرتاحة و برستيج ممكن بس ما تشتكيش من انك مش لاقى قطع الغيار او الصيانة غالية او مش لاقى حد يفهم فيها
اما بقى لو انت زى حالاتى موظف و عاوز عربية اصيلة عائلية بتسافر تصونك و تحافظ عليك وواسعة و مريحة ليك و لاسرتك و عيالك (و لجيبك)

100 / 100

ههههههههه

ياراجل ده انت حسستني انك بتتكلم على مرسيدس مش على لادا

على فكرة ده نفس رأي والدي بالظبط في اللادا وهي كانت معاه من الزيرو موديل 1991 ولسه يابعها بنفسي من حوالي شهرين والله البيت كله جاله حالة اكتئاب

المشاركة الأصلية كتبت بواسطة أبو صلاح

ههههههههه

ياراجل ده انت حسستني انك بتتكلم على مرسيدس مش على لادا

على فكرة ده نفس رأي والدي بالظبط في اللادا وهي كانت معاه من الزيرو موديل 1991 ولسه يابعها بنفسي من حوالي شهرين والله البيت كله جاله حالة اكتئاب

ايه رايك عجبك الموضوع بالله عليك مش صح

لا شك أن هذا التفكير عملى جدا و مرتبط بمرحلة عمرية ناضجة

المشاركة الأصلية كتبت بواسطة homme49

لا شك أن هذا التفكير عملى جدا و مرتبط بمرحلة عمرية ناضجة

طبعا انت راكب ريجاتا مش فارقه معاك يابختك

المشاركة الأصلية كتبت بواسطة hassanin_lada

بس مش اعتماديه وفي السفر غير مريحه بالمره

بالملخص عيوبها اكتر من مميزاتها


يعني انا في الزحمه ببقي هاين عليا انزل واسيب العربيه والضغط بيرتفع وببقي علي اخري لكن لو في عربيه تانيه


اقفل جزازي واشغل تكيفي واعيش ده غير العربيه شغاله تتهز وهي علي السلانسيه يعني صباح مراجيح مولد النبي

والله انت عسل يابوخالو بس ايه رايك مش ركوب المرجيحه اسهل

لا تعليق

المشاركة الأصلية كتبت بواسطة ahmed_gamal777

لا تعليق

زعلتنى يابو جمال مافيش تعليق الله يسامحك مانت خرجت من العيله الروسيه سبت الدب الروسى ورحت للدب القطبى ملشى ياعم اشوفك فى ميلانو عن قريب