خبراء اللادا .. ينورونا شوية هنا

**elkok** · 16-07-2010 02:13 AM

السلام عليكم ورحمه الله وبركاتة

أزيكم شباب .. منورين اولا التوبيك بتاعي

اتمني متشوفش التوبيك وتنفض وتقلب وترو ح بعيد هههه

انا معايا عربية لادا موديل 73 بس العربية بيحصل فيها حاجات

غريبة شوية وانا بصراحة لما بحس بأي حاجة ف العربية بطير

بيها علي طول ازا كان عفشي او ميكانيكي او سمكري الخ

المهم انا عندي فـ العربية دينمو شاهين .. لاكن الراجل الكهربائي

بتاعي ربنا يكرمة بئا .. شكلو بيعمل حورات وعاوزني كل شوية اروح لية

علشان يقفش مني كاشات .. اتمني تفودوني واانا اخ ليكم

العربية انا اخر مرة كنت بعمل صيانة للدينمو الراجل غيرلي الوصلة خالص
وبعد ما غيرلي الوصلة بدأت المشاكل .. وهي أولا

البطارية .. مبتشحنش كويس .. ناس تقول بتاخد شحن زيادة

اروح للكهربائي يقولي لا شحنها كويس . شكيت ف البطارية غيرتها
ولسة القصة دي موجودة .. تاني حاجة الراجل مركبلي كتاكوت خارجي
ال بينظم الشحن بتاع العربية .. ممكن يكون في حاجة ..
طيب الصح اعملو أية . انا صرفت ع الدينمو لحد دلوئت 150 جنية
مع العلم كل ما اجي اشغل الكاسيت اسمع صوت وش والعربية دايرة
ولما ابطل العربية .. الوش يروح . والله احترت
أتمنا الافادة اخواني
وجزاكم الله كل خير

**ahsara** · 16-07-2010 02:58 AM

الوس فى الكاسيت ملوش علاقه بشحن الدينمو

ركب مانع ذبذبه على سلك البوجيهات

**elkok** · 17-07-2010 05:37 PM

المشاركة الأصلية كتبت بواسطة ahsara

الوس فى الكاسيت ملوش علاقه بشحن الدينمو

ركب مانع ذبذبه على سلك البوجيهات

أصلي انت والله يا برنس
لاكن أنا سمعت أن في تقوية بتركب ف الكاسيت
ايهما أفضل

**haroun707** · 20-07-2010 04:38 AM

باشا غير اسلاك البوجيهات بنوع كويس حيروح الوش ده ان شاء الله

**engaass** · 20-07-2010 07:23 AM

بص على سير الدينامو والكتاوت

**tareksat5000** · 20-07-2010 02:51 PM

بص من الأخر إنته صرفت علي الدينمو 150 جنيه
كثير جدا وطالما كتاوت خارجي يبقي هاتبقي دائما في مشاكل
وهيدمر لك دائما بطاريات يعني عمر البطاريه دائما اقل
فنصيحه روح هات دينمو إستيراد كتاوت داخلي وريح دماغك
وهو هايكون في حدود 150 جنيه ويمكن أقل
وموضوع الراديو ده له حلول ممكن مكثف ذبذبه
وممكن طقم منع ذبذبه وممكن سلوك بوجيهات
وشكرا
كهربائي سيارات معتزل خبره 20 سنه

**elkok** · 01-08-2010 07:24 PM

ناسف لتاخير الرد لان عدة الصوت عندي انسرقت وكنت
عامل مشاكل واخدت ريست شويه من المنتدي
ع العموم كلام جميل اني اجيب دينمو جديد احسن
لان البطاريه الاشاسيه جابت ربع ينفع تصلح
ولا بطاريه نيو كمان