اختبار تصادم على سرعة 190 كم ( بلاش جرى) ارواحكم مش لعبة

**wael30003** · 15-11-2012 11:30 AM

مهما الناس تشوف اللى فيه داء ما بيبطلوش

انا شخصيا ماعرفش امشى على الدائرى اقل من 120 ولو فاضى ممكن 140

واعتقد ان السرعة دى معقولة بالرغم ان كل ما والدى ووالدتى يركبوا معايا يقولوا لى خفف السرعة

بس انا مش عارف

واحيانا بكون لوحدى وربنا هادينى وبمشى على 100 كم بس

ربنا يستر

**wael30003** · 15-11-2012 11:32 AM

وبرده ربنا يستر واحاول اخفف فعلا عشان العمر مش لعبة

**amriar** · 16-11-2012 04:20 AM

الفيديو فعلا بينبه من خطوره السرعه العاليه بس في شويه نقط احب او ضحها:

1- العربيه ماشيه بسرعه 190 وبتزيد في حين في الحوادث الفعليه السواق بيدوس فرامل و السواق التاني كمان يعني سرعتهم بتقل كتير جدا في الثوانى الاخيره قبل التصادم

2- العربيه خبطت حائط فولاذى مقوى مصنوع فقط للتصادم في حين الاصطدام باي عائق تانى فيه نوع من الهشاشه اللي بتقلل الخطوره دي .. خاصه لو عربيه تانيه

3- الارض منبسطه جدا وماحصلش اي دوران ولا انحناء عن المسار ودا بيخلي الصدمه اعنف بكتير من اختبارات الامان

4- العربيه مش مصممه لأرتطام زي دا .. اكيد ها تتفرم عشان دا اعنف 10 مرات من اختبار التصادم اللي ينفع تعمل عليه اي عربيه أصلا

رغم دا كله العربيه مش لازم تمشى علي 190 عشان يحصل الأرتطام العنيف دا .. يكفي ان الطرفين يمشوا بسرعه 90 فقط في اتجاهين عكس بعض

العربيات بعلامات نجوم الامان بتفشل للاسف في حدود السرعه المسموح بيها وخاصه لو اهملنا شويه قواعد زي لبس الحزام او عمل صيانه دوريه او غيره.. السرعه قاتله و اقرا تعليمات الامان في عربيتك كويس جدا جدا قبل ما تمشى بيها براحه اصلا .. لان العربيات في الحوادث الحقيقيه علي سرعات اقل من دي بكتيير مميته

ربنا يحفظنا كلنا و يبعد عنا شر الطريق

**wael30003** · 16-11-2012 09:03 PM

النهارده اول يوم ليا امشى براحة الحمد لله ما زتش على 100 فى الدائرى معظم الوقت

وكنت مستريح وانا ماشى

حتى لو مش خايف على نفسى

اخاف على العربية

معظم السائقين فاكر نفسه داخل العربية بيكون فى مأمن

طب والعربية مش لازم نخاف عليها برده .....مش كل يوم بنجيب عربية

على الاقل نخلص قسطها

وربنا يستر علينا وعلى جميع المسلمين

امين