مساعدة فى سمكرة ودوكو ال 127

**hany_mossa** · 13-11-2012 12:03 PM

الاخوة الاعزاء عندى استفسار بخصوص سمكرة ودوكو ال127 انا كان عندى خبطة فى جنب يمين فى البابين وفوق العجلة روحت لسمكرى ظبط البابين ورد اللى فوق العجلة وكان عندى الحته اللى فوق الشنطة مليانة بارومة ظبتها وغير فيها حتة صاجة واخد منى 300 ج مش كدة كتير ولا لا ؟ ، المهم قالى روح لبتاع الدوكو عشان يمعجن روحتلة معجن البابين وفوق العجلة واخد منى 100 ج ،

المهم قولت اسئلة عايز ارش العربية قدام شوية رشة نظافة (قبل الترخيص يعنى على شهر 5 كدة ) حتكلفنى كام قالى 1500 ج !!! قولت لية مش كتير قالى لا انتا عندك العربية عايزة تتحرق كلها عشان فيها معجون كتير واعمل حسابك فى 1000 ج للسمكرى و1000 عشان لو الشغل فتح معاك وحبيت تجيب حاجة !!!!!!

المهم انا جالى احباط شديد انا كان فى دماغى ان بعد المعجون حرش الكام حتة دى وخلاص معرفش ان الموضوع حيفتح كدة ارجو الافادة من سيادتكم واااسف على الاطالة وشكرا

**hany_mossa** · 14-11-2012 01:27 PM

ماحدش عندة اى مساعدة

**wesby** · 19-11-2012 03:50 AM

بص انت ممكن تنزل بيها الحرفيين هيقولك اقل من كدا وانا كان ف واحد عندنا ف عين شمس كنت عامل عندو عربيتى كانت ب 1200 بس عشان معرفه من زمان كان واخد منى 1000 يعنى ممكن نخليه يشيلك الحتت الى فيها معجون زايد وكدا ولو كدا ابعتلى ع الخاص واكتبلك رقمى وورهالو وربنا يقدم الى فيه الخير

**hany_mossa** · 21-11-2012 08:37 PM

تسلم ع الرد بس انا من اسكندرية وشكرا لاهتمامك

**yyy** · 21-11-2012 08:49 PM

المشاركة الأصلية كتبت بواسطة hany_mossa

الاخوة الاعزاء عندى استفسار بخصوص سمكرة ودوكو ال127 انا كان عندى خبطة فى جنب يمين فى البابين وفوق العجلة روحت لسمكرى ظبط البابين ورد اللى فوق العجلة وكان عندى الحته اللى فوق الشنطة مليانة بارومة ظبتها وغير فيها حتة صاجة واخد منى 300 ج مش كدة كتير ولا لا ؟ ، المهم قالى روح لبتاع الدوكو عشان يمعجن روحتلة معجن البابين وفوق العجلة واخد منى 100 ج ،
المهم قولت اسئلة عايز ارش العربية قدام شوية رشة نظافة (قبل الترخيص يعنى على شهر 5 كدة ) حتكلفنى كام قالى 1500 ج !!! قولت لية مش كتير قالى لا انتا عندك العربية عايزة تتحرق كلها عشان فيها معجون كتير واعمل حسابك فى 1000 ج للسمكرى و1000 عشان لو الشغل فتح معاك وحبيت تجيب حاجة !!!!!!
المهم انا جالى احباط شديد انا كان فى دماغى ان بعد المعجون حرش الكام حتة دى وخلاص معرفش ان الموضوع حيفتح كدة ارجو الافادة من سيادتكم واااسف على الاطالة وشكرا

الكلام دة لو عاوز تظبط العربية.. انما لو البوية اللى على العربية كويسة تجيب نص كيلو بوية من محل بتاع بويات وهو هايظبطلك اللون وتطلع على اللى معجنلك العربية يرشلك المتمعجن قبل كدة
وها تديلة 20 ولا 30 جنية لان الفرن بياخد على العربية 80 او100