الموضوع: محدش عايز حاجة في الأسكندرية ؟؟

المشاركة الأصلية كتبت بواسطة MaNoLa

جميل أوى أنه يكون فيه موضوع للأسكندرانيه
لأن بصراحة القاهره و شارع التوفيقية كل ما بسمع عنه بيجيلى أنهيار عصبى
لأن معندناش حته كدة فى أسكندريه

عمتا عندى أستفسار بسيط أوى
مين أحسن واحد فى أسكندريه بيعمل أكصدامات أماميه و خلفية كاملة لأن ناس قرايبى كتير أوى عايزة تعدل على عربياتهم و دى أصعب حاجة بالنسبالهم و هتتكلف فى حدود كام ؟

و متابعة معاكم الموضوع إن شاء الله

أحسن واحد شفته بيعمل الحاجات دي أوزوز .. و في واحد تاني في شارع 45 اسمه أسطى محروس تقريباً

أوزو ده متفرع من شارع جمال عبد الناصر قبل نفق سيدي بشر .. وأ نت جاي من فيكتوريا و رايح على المندرة

محروس ده في شارع 45 .. و أنت رايح على البحر .. متفرع منه .. حتلاقي عند شارع 12.. كمية أكصدامات كتير كده محطوطه فوق بعض !!!! هو في الشارع بتاعها

التكلفة بتبقى في حدود من 1800 ل 3000

أسعار خيالية و حقييييرة !!
و أنا أصلاً مش بحب أتعامل مع الأثنين دول بالذات .. بس للأسف دول احسن 2 شفتهم بيعملوا أكصدامات !!

أوزو ده عامل لواحد معيد عندنا في الكلية ... معاه لانسر بيضاء .. شوية حاجات ألاااجا !!!

و الحاج محروس ده بردوا شفته عامل حاجات في عربيته الأانترا جميلة أوي !! و بصراحة عنده صنايعية موهوبين .. كان عندي كسر في الأكصدام بتاعي أصلحوه بطريقة حرفية أوي ... ب 15 جنيه !!

جيت أسأله علشان اعمل شفه للأكصدام بتاعي ... لقيته بيتكلم في 700 و 800 !!!

قلتله أه قشطة !! أبقى أجمع مبلغ و أجيلك !!!! :)) و يبقى يقابلني لو شاف وشي تاني ... أنا حعمل لنفسي الشفة بتاعت ألأكصدام بنفسيي :))