العربية بتسخن بدون سبب..مرفق صور

**Rommel** · 13-11-2012 09:30 PM

أعضاء نيل موتورز الكراك ,ارجو المساعدة ,
عندى العربية بتسخن بدون سبب معين,واتهريت نصب واشتغالات من الميكانيكيا
العربية جراند فيتارا موديل 2006 وحالتها جيدة والرديتاير سليم
دة شكل عداد الحرارة فى الوضع الطبيعى

لكن انا عربيتى درجة الحرارة فيها بعد ما بسخن العربية بتعدى النص بشرطة وبحس ان العربية همدانة مع انى لسة راجع بيها من مطروح وهية على نفس الوضع
ودة شكل عداد الحرارة حاليا اعلى من النص بشرطة
ارجو المساعدة

**swimmer25** · 14-11-2012 11:30 AM

1- العربية بتسخن امتي بالظبط..علي طول بتسخن ولا اوقات معينة لما تجري جامد ولا لما تكون ماشي هادي في الزحمة؟
2- غيرت مياه دورة التبريد اخر مرة امتي ؟
3- غيرت طرمبة مياه امتي وعلي كام الف والعربية دلوقتي عاملة كام الف ؟
4- هل المياه بتنقص ؟
5- الميكانيكيا قالولك ايه وعملوا ايه وفشل؟

**Rommel** · 14-11-2012 12:14 PM

المشاركة الأصلية كتبت بواسطة swimmer25

1- العربية بتسخن امتي بالظبط..علي طول بتسخن ولا اوقات معينة لما تجري جامد ولا لما تكون ماشي هادي في الزحمة؟
2- غيرت مياه دورة التبريد اخر مرة امتي ؟
3- غيرت طرمبة مياه امتي وعلي كام الف والعربية دلوقتي عاملة كام الف ؟
4- هل المياه بتنقص ؟
5- الميكانيكيا قالولك ايه وعملوا ايه وفشل؟

اشكركو على الاهتمام بلرد
العربية بتسخن بعد ما بدورها بربع ساعة تقريبا وحتى لو واقف بيها ومتحركتش العداد برضو بيتجازز النص بشرطة
وتقريبا بغير سائل التبريد كل اربع ايام ولكن بدون جدوى
طرمبة المية تم تغيرها فى التوكيل وبرضو نفس المشكلة
المية مش بتنقص عندى
والميكانيكيا واحد بيقول نغير الرديتاير والتانى بيفكس وكلهم نصابين العربية عاملة تقريبا 95 الف

المشاركة الأصلية كتبت بواسطة ahmed salamaa

شوف حساس المروحة ممكن يكون بيعلق

المروحة شغالة تمام ومفيش فيها اى مشاكل

**Saeed-Taha** · 14-11-2012 01:03 PM

جايز الريداتير فيه اى انسداد
روح لحد بتاع ريداتير يسلكه وجرب

**dr.hazem** · 14-11-2012 01:17 PM

جايز دورة الميه واخده هوا...
أفضل ما يمكن عمله انك تعمل تنظيف لدوره الميه بالكامل وتنظيف الريداتير وتغيير الميه بالكامل ومتنساش تكون فاتح زرار السخن عشان الميه تتغير بالكامل...
اذا عملت الموضوع ده ومتاكد انه اتعمل صح مفيش غير ان الثيرموستات فيه مشكلة او معلق....

تحياتي

Sent from my LT18i using Forum Runner

**amr elsisi** · 14-11-2012 02:25 PM

احتمال ثرموثتات الكوعة معلق اكشف علية
او يكون في تهريب ضغط في دائرة المياة

**Saeed-Taha** · 14-11-2012 05:33 PM

المشاركة الأصلية كتبت بواسطة rommel

لسة راجع من عند البنزينة وتم تنظيف الرديتاير وتسليكة للمرة الرابعة خلال شهرين وبرضو نفس المشكلة
فى البنزينة قالولى غير الترموستات ..اية رأيكو ؟

اعتقد فى البنزينة مش بيفكوا الريداتير
مجرد بينضف دورة الماية بماية برضه ويظبط ضغط الهواء يعنى لو فيه اى انسداد بيفضل زى ما هوا

يفضل تروح لصنايعى ريداتيرات بيفكه ويسكله وينضفلك الدورة كاملة