لوجان هى القرار ويبقى السؤال
اوتو ام مانوال
وياريت تقولولى الفرق
عرض للطباعة
لوجان هى القرار ويبقى السؤال
اوتو ام مانوال
وياريت تقولولى الفرق
ريح دماغك و هات الاوتو علطول
لسه مستلمها النهاردة الحمدلله
انا حاجز الاوتوماتيك
-الفرق فى راحة الاوتوماتيك طبعا.
- الموتور حقيقى متغير واقوى 110 حصان 16 فالف مع عزم 148 نيوتن.... والمانيوال 90 حصان 8 فالف مع عزم 128 نيوتن.
- عمود الاتزان اللى أكيد هيساعد فى زيادة اتزان السيارة.
طبعا فرق السعر 7 الاف جنيه بين الاتنين عشان كدة الموضوع وجهات نظر اكن دى اسبابى لاختيار الاوتو
أوتو من غير تفكير
طبعا الأوتوماتيك أحسن بس أنا عندى شوية ملاحظات على الأوتوماتيك
1-الأوتوماتيك ما يتركبش في العربيات الاقتصادية زى الفيرنا و اللوجان و اللنوس و الأفيو عايز تركب أوتوماتيك في العربيات الأعلى من 100 ألف جنيه مشاكله كتيره و تكلفة صيانته عالية و خلى بالك أن في فترة ضمان بهدها أنت اللى حتدفع
2- أستهلاك بنزين أعلى سنة من المانيوال لو مش فرق معاك السنة دى خلاص أعتبر كأنى ما قلتش النقطة دى
3- الموتور مش مموتور الميجان 2 و لا السينيك ده موتور هو طبعا أكيد موتور كويس لأكن المشكلة أنى دايما بأفرض الأسوء موتور المانيوال بالكامل موتر الميجان 1 يعنى لما تشترى قطعة غيار من بره و تقولله الحتة دى مثلا حيجيبهالك من لوجان أو ميجان
4-موضوع عمود الأتزان ده اللى يستاهل تجيب الأوتوماتيك علشانه ولو كان راكب في المانيوال كنت قلت لك هات المانيوال و أنت مطمن
5- فيه كمان أوبشن زيادة في الأوتوماتيك عن المانيوال الفول أوبشن و هو البلوتوث و ال يو أس بى
كلام معقول، بس النقطة الأولى أنا سمعتها من كذا حد هنا بس مش لاقي ليها دليل على أرض الواقع، على حسب ما هو واضح في قسم رينو ولوجان بالتحديد مفيش كلام عن وجود عيوب جوهرية أو أعطال متكرره في فتيس لوجان أوتو وهو هو فتيس لوجان mcv أوتو إللي بتنزل قبل لوجان أوتو بسنتين مثلا. في حين عربية زي كورولا ٢٠٠٨ كان فيها مشكلة في الفتيس وكان سعرها معدي ١٥٠ ألف. طبعا العيوب والأعطال الفردية وارده في كل الأحوال، أنا بتكلم عن عيوب متكرره إللي تعتبر عيب في تصميم الفتيس أو إختيار الخامات في تصنيعة.
أقصد إن موضوع السعر مش مقياس، لو فتيس معمول كويس مش هيكون فيه مشاكل، هو ممكن يكون تكنولوجيا قديمة شوية بس.
بالنسبة للموضوع الرئيسي، أنا إخترت الأوتو ولم ولن أندم على الإختيار الحمد لله. أنا بقالي ٧ شهور سايق أوتو بعد ٩ سنين سواقة مانوال ... نسيت إن كان فيه حاجة إسمها مانوال، كأن السواقة هي أوتو وبس، حاجة دلع كده (بس مش معنى كده إني لو إضطريت أسوق مانوال مش هعرف).
طبعا حط في الإعتبار إني مش بتاع فرك وتخميس وتشحيط وتفحيط والحجات الغريبة دي! سواقة عاقلة بس مش غشيمة، وآخري في السرعة ١٢٠.
استأذن مالكي لوجان اوتو توضيح كيفية التعامل الامثل مع الفتيس تيبترونيك هل امشي على d و خلاص و لا اية ؟