رقم كيا ميتوهش هههههههههههههه
19542 ده الخط الساخن موجودين دايماً بأذن الله
طالما تاكسى العاصمة ومعدية ال100 الف كم احتمال كبير يكون ما غيرتش زيت فتيس غير مرة واحدة او مرتين عالاكثر
والمفروض يتغير كل 40 الف كم بالظبط بغض النظر عن الكشف الظاهرى غير الفتيس المانيوال ممكن يقعد طول عمر العربية وبيتزود فقط لما ينقص او تعمل عمرة
هو ايه رد الفعل اللى مختلف فى السعودية ياباشا .. ما انا جيت وشوفت بنفسى اسوأ من اقل ورشة فى مصر
دول مفيش حد بيفهم فيهم لا توكيلات ولا ورش ولا اى حتة وكل الصنايعية اما حرامية او مش فاهمين حاجة واللى فاهم مش هاتعرف تتفاهم معاه اساسا عشان بيكون هندى !!!
واخرك يوم ما العربية تعطل منك او تتخبط تشيلها على ونش طبلية زى ما عملت بالظبط وترميها فى التوكيل لحد اما يحنوا عليك بعد كام اسبوع والتكلفة هاتكون ارقام فلكية ده على اعتبار قطع الغيار موجودة اصلا
ممكن تكون مشكلة سوتش الفتيس مش بيتعرف عالجير في انهي خانه...
جربت تفصل البطارية وتشبكها تاني بعد نص دقيقة؟
جايز كونترول الفتيس معلق؟
والحقيقة موضوع انها تكسي العاصمة مش مريح وغالبا متعملهاش تغيير زيت ابدا وده يخلينا نفكر في الفتيس للاسف...
عايز أسألك هل قبل الموضوع ده كان في صوت طقطقه في الملفات؟؟
تحياتي
Sent from my LT18i using Forum Runner
انا ما قصدتش كده طبعا .. انا بس كنت بافرق لك بين الاتنين من حيث تغيير الزيت
وطالما الوالد هو اللى هايتصرف .. يبقى نصيحة دع الملك للمالك لأن مشورتنا مبنية على اجتهادات وليست حقيقة مؤكدة
وعطل زى ده محتاج تشخيص وتجربة واصلاح واستبعاد حاجة حاجة وسبب سبب لحد اما تتحل المشكلة على خير
استاذ يوسف حبيب قلبي تقصد ولا متقصدش انت تنورني ف الحالتين :b4_033:
انا ان شاء الله هاكشف العربيه ع الجهاز واشوف المشكله فين
وانا والله عربيات تاكسي العاصمه كرهتنني ف عربيات مصر كلها والله
المشكله ان العربيه مشتكتش لانها متهانتش بس المشكله ف اني مش عارف ارخص
شاكر لاهتمامك يا باشا :36_3_10[1]:
بص يا باشا المشكلة اما كهربية وتتلخص في الجزء الخاص باشارات الفتيس على الكنترول يونيت بتاع العربية او الفيشة او السينسور ( الحساس ) المسؤول عن اترجمة واستقبال الحركة والربط مابين الفتيس والموتور اما الجانب الاخر احتمالية وجود مشكلة ميكانيكية تتلخص ممكن في الجيربوكس وشاملة التروس والزيت وخلافه او الكبالن او ممكن الفرملة تكون قفشت او رولمان البلي للعجل ....
دي طبعا احتمالات وربنا يوفقك بس انا شايف انك توديها التوكيل افضل او السبع حتى ولو هتدفع كتير بس علشان محديش يلعبلك فيها ويفضل شغال على احتمالات .... اسف على الاطالة وتحت امرك في اي حاجة