يا فلوسى اللى ساحت يا اما

**Ahmed Selim** · 14-11-2012 01:50 PM

زى ما قال معظم الأعضاء...........روح أدفع علشان متنزلش فى القايمة السوادء بتاعة البنك المركزي

ده غير أن كل بنك بيحدد مصاريف معينة و حد أدني للحساب........لو الحساب قل عنها بيبتدي ياخد منك مبلغ شهري............بتفرق من بنك للتاني و من نوع الحساب.

**amrelsha3er** · 14-11-2012 04:17 PM

مصاريف الحساب فى البنوك سنويا او نصف سنويه بتيقى كلام فاضى 80 90ج
روح ياباشا واتكلم بقللب جامد انك مصفر الحساب ومعلوش شغل ولا سحب ولا ايداع وادخل لمدير الفرع واتكلم معاه
ولا تقلق خالص بس الاحسن انك تروح فعلا عشان زى ماقالو الاخوه كده بعد كده ممكن تكون عاوز اى حاجه كريديت كارد او قرض او اى حاجه هيرفضو
روح ومتقلقش وتفاوض معاه
وطمنا عليك وباخر التطورات

**ابو لؤى** · 14-11-2012 05:28 PM

انا بقى عندى نفس المشكله وخايف حبيت اعمل شهادات بلاتينيه لو حد يعرفها اللى هيا فيدتها 11.5 المهم قالولى لازم تفتح حساب وفتحت حساب واعطونى كارت فيزا وحساب جارى المهم كل ماتنزل ارباح على الشهاده دى هيا ب 1000 يروحو واخدين الفلوس فا دلوقتى انا ناوى اسحب الشهاده دى والحساب فى مبلغ حوالى 10 جنيه وطبعا السنه الجديده جايه ومش هيبقى فى مبلغ يغطى مصاريف البنك ما الحل ؟؟؟؟ واسف على الاطاله

**Khaled Online** · 14-11-2012 05:39 PM

المشاركة الأصلية كتبت بواسطة ahmed air

انا بقى عندى نفس المشكله وخايف حبيت اعمل شهادات بلاتينيه لو حد يعرفها اللى هيا فيدتها 11.5 المهم قالولى لازم تفتح حساب وفتحت حساب واعطونى كارت فيزا وحساب جارى المهم كل ماتنزل ارباح على الشهاده دى هيا ب 1000 يروحو واخدين الفلوس فا دلوقتى انا ناوى اسحب الشهاده دى والحساب فى مبلغ حوالى 10 جنيه وطبعا السنه الجديده جايه ومش هيبقى فى مبلغ يغطى مصاريف البنك ما الحل ؟؟؟؟ واسف على الاطاله

الحل إنك تروح البنك ده يوم الأحد وقلهم أنا عايز أقفله خالص
يقولك ما تخليه انت خسران إيه؟ قله لأ أصل فيه كذا حساب وأنا مش محتاج ده
بس كدة
واتأكد إنه قفل الحساب لأنهم ساعات بيريحوا نفسهم ويسحبوا الفلوس اللي انت حاططهم في الحساب يديوهلك بس يخلوا الكسور (مثلا حسابك x و 13 قرش) فيدوك الx ويخلوا ال13 قرش وبكدة يفضل الحساب مفتوح باسمك فاتأكد إنهم صفروا الحساب خالص وقفلوه خالص

**sas5** · 14-11-2012 09:58 PM

المشاركة الأصلية كتبت بواسطة khaled online

الحل إنك تروح البنك ده يوم الأحد وقلهم أنا عايز أقفله خالص
يقولك ما تخليه انت خسران إيه؟ قله لأ أصل فيه كذا حساب وأنا مش محتاج ده
بس كدة
واتأكد إنه قفل الحساب لأنهم ساعات بيريحوا نفسهم ويسحبوا الفلوس اللي انت حاططهم في الحساب يديوهلك بس يخلوا الكسور (مثلا حسابك x و 13 قرش) فيدوك الx ويخلوا ال13 قرش وبكدة يفضل الحساب مفتوح باسمك فاتأكد إنهم صفروا الحساب خالص وقفلوه خالص

اقفل الحساب الجارى لان مصاريفه كل ثلاثه شهور - الغى الكرديت كارد الذى اعطوه لك.
دع حساب التوفير فقط لان مصاريفه تقريبا 40 جنيها مره واحده سنويا

**ابو لؤى** · 15-11-2012 03:29 PM

ربنا يخليكم يا جماعه بجد

**tutankhamoun** · 15-11-2012 04:20 PM

الحساب بيبقى عليه مصاريف ادارية سنوية
لو ما دفعتشهاش بتتكوم بالسالب حتى لو مش حساب قرض

و لو ما دفعتش ... أسمك هاينزل عند البنك المركزي في القوائم السلبية (المديونة ) و هاتتعب في اي تعاملات بعد كدا لو عايز تتعامل مع بنوك .

فالأفضل ليك أنك تدفع و ده لمصلتحك .

كل البنوك بتعمل كدا