اسمحولى ابدأ بنفسى
طبعا انتو عارفين انى لسه شارى العربية من كام يوم ، وكلى قلق من كلام الناس بس انا مغامر شوية وبحب العربية دى من زمان
1- لمبة الفانوس الخلفى مسرية "فى شورت" وده بيخلى لمبة الاشارة تشتغل بسرعة
روحت لكهربائى ميجان فى صقر قريش اسمة الشيخ محمد ، فك البورده الخلفية لقى خط من الفيشة سايح ، عملها كوبرى سلك صغير ، واتكلفت 10 جنيه ماخديتش 10 دقائق
2- نزلت امبارح من الشغل جيت ادور العربية ، مفيش اى استجابة
الباور اشتغل و بسمع صوت طرمبة البنزين بس مفيش مارش
كلمت التوكيل ابلغته بالمشكلة "فعلا توكيل محترم"
كلمنى المهندس قالى ده فى الغالب فيوز المارش او المارش نفسة بس هو بيستبعد المارش عشان معملش مشاكل قبل كده
سالته ماكن الفيوز فين ، وصفهولى ، بس طبعا الفيوز في مكان يصعب الوصول اليه بالنظر واليد .
المهم طلعت الفيوز ومطلعش هو ، كلمت التوكيل تانى قالى هنبعتلك عربية الصيانة وهتتكلف 100 جنيه ، وافقت طبعا .
جت فى بالى فكرة ان اكلم الكهربائى اللى عملى مشكلة الفانوس الخلفى ، كلمتة وصفلى مكان الفيوز بشكل اكثر دقة ، وفعلا غيرته والعربية دارت وكلمت التوكيل لغيت معاه بدون اى مشاكل
فى طبعا فيوزات اسبير عند علبة الفيوزات الداخلية
فيوز المارش مكانه فى علبة فيوزات الكبوت ، تانى فيوز من تحت ناحية البطارية
3- الفوانيس كانت مشبرة ومسفرة
روحت لواحد فى صقر قريش عملهم ورجعو جداد واتكلفو 150 جنيه وخدو حوالى ساعتين شغل
المفضلات